ابي اكرهه بعمرة

[عللووياا]

بنات بدش بالموضوع سيدا لأني مقهوووووووووووورة
زوجي صاير مليييييييق وضايق خلقة مادري من شنو حاولت اعرف السبب يقول مشاكل مع الاهل
امس تهاوشنا والسالفة حدها تافهة قام كلمني باسوب خااااااااايس اول مرة يعاملني فيه واللي زايد قهري ان اهوا قلب السالفة على وصارلة يومين ما يكلمني ولا حتى مسج
السؤال الحين اشلون اخليه يتحسف على هالاسلوب اللي عاملني فيه :eh_s(11):
للعلم انا للحين بفترة الملجة
بنات بليييييز كل اللي تدش تعطيني فكرة

 

[بتبوتااا]

نطري عليه شوي ان ما اعتذر تحججي بأي شي ودقي وان شاء الله يطيح الحطب

 

[حلوه ولمآحه]

يعني هو ضايق خلقه وانتي زدتيه،،
سكتي عنه هالفتره ،،
وبعد يومين اتصلي ولاتطولين تطمني بس شويه ،، وانشاءالله يتغير

 

[زهراء الركابي]

الله يهديه لج ان شالله

 

[كتكوته ورديه]

الله يهديكم

 

[Tulips]

اهو قالج عنده مشاكل انتي لاتضغطين عليه خليه على راحته ومتى ما احس انه يبتكلم اكيد بيقولج

انتي جذي تنفرينه منج .. ترا الرياييل جنهم يهال سايسيهم و خذيهم على قد عقلهم يصيرلج اللي تبين

انتي مفروض يوم قالج مشاكل اهل قوليله على راحتك ومتى ماحسيت انك تبي تتكلم انا موجوده

اكثر من جذي ترا يطفش

اللحين اللي عليج لا تدقين كلش .. ولما اهو يدق خلي صوتج ثقيل معاه اذا سئلج اشفيج قوليله انا متضايقه من طريقة كلامك معاي امس عشان مايعيدها مرا ثانيه وانتي سوي اللي قلنالج عليه خليه على راحته لا تضغطين

 

[ام شووووق]

الريال اذا عنده مشاكل يحب ينطوي خليه على راحته لين يهدى

 

[*peace*]

اولا اهو متهاوش مع اهله وماله خلق لج المفروض تطنشينه

وسوى الشي اللي اي زوج كويتي طبيعي بيسويه انه يحط حرته فيج ويقلب السالفه عليج ويتزعل

الحل انج تطنشينه بالمره لمن اهوا من روحه يطخ ويرضا ويدق عليج

لاتدقين عليه وتهزأين نفسج

اثقلي يامرا !

 

[ورده الكرستال]

الله يسخره لج بس اهوا قالج انه عنده مشاكل سكتي عنه

 

[zaina alotibi]

الله يهداج بس يعني صرتي انتي والزمن عليه انتي تقولين متظايق حاولي بكل الطرق تعرفين شفيه وساعديه واوقفي يمه اهو ما تنرفز عليج الا من حر مافيه

والله يخليكم لبعض وطيحوا الحطب عاد

 

[( مي )]

مشكلة الزوجات ،، لما يشوفون الزوج فيه شي
يحنون
شفيك ؟؟ شنو اللي مضيق خلقك ؟
واهو يقول مافيني شي او متضايق ويسكر السالفة
بس الزوجة ترد وتحن اي شفيك ؟؟ مو انا زوجتك ومن حقي اعرف ؟
وتحن وتزن ،، واهي في بالها انها قاعده تبين له حبها له ،، ما تدري انها قاعده تزيد الضغط عليه بحنتها ورنتها​

اللي تسوينه
سكتي عنه مو لأنج حاقرته ،، لأ ،، عشان تعطينه مساحة وقت يرتاح فيها وتتحسن نفسيته ،، اهو ماقالج شنو فيه بالتالي يمكن فيه شي جايد مأزمه لهالدرجة​

إذا كلمج أو كلمتيه ،، سولفي عادي بمعنى ،، صفحة يديدة ،، لا تقولين له شفيك زفيتني ذاك اليوم ،، ولا شنو مشكلتك ؟؟ ولا شي ،، مثلا سلموا على بعض وانج ولهتي عليه واتفقوا على طلعة ،، وحطي في بالج انكم تستانسون ابهالطلعة مو تتعاتبون ،، خل يحس ان بطلعته معاج وناسته وراحته​

والمشكلة اللي كانت شاغلته اذا نوى يتكلم فيها بروحه يتكلم ،، وإذا ماياب طاريها فإنتي بعد لا تفتحين هالموضوع​

​

 

[دآنة آلرشآيده]

لاتكلمينهـ لمن يهدا
الله يهديكم لــ بعض يآرب​

 

[_ظل الياسمين _]

سكتى عنه مرده بيطخ ويرد من نفسه.

 

[توام قلبه]

خليه جم يوم يهدا ومصيره بيكلمج ويقولج
عاللي بقلبه خليه على راحته لاتظغطين عليه​

 

[غـرامـي أنـت]

اتركيه لما يهدى ويدق عليك

 

[دلوعه ناعمه]

انا اقووول لاتكثــــريين حنه بعدييين يزهـــق ويمل منج خلييي ع راحته يمكن هوووشه بينه وبييين اخوه امه ابووه ويشوووف ماله داعي يقولج او شييي بينهم في خصوصيه انتي طرشيله مسج راضي ولاتييييبين طاري الموضوع اذا بيقولج يقول واذا مايبي كيفه مولازم تعرفين...

 

[mnor]

اسمحيلي اقولج انتي الغلطانه الريال قالج مشاكل مع الأهل حب يقولج زين منه ماحب يقولج الله يكون بعونه

هو يبي منج كلمه حلوه وخصوصا انكم بفترة ملجه لاتكرهينه فيج من اولها لازم تكلمينه باسلوب حلو حتى لو ماحب يقولج ترى مو كل شي ينقال للزوجه عن الأهل

وتبين الصراحه بعد لو يشوف انج كاتبه عنه بالمنتدى جذيه ولابعد بهالعنوان احس انه راح يزعل والله حرام تقولين عنه ابي اكرهه بعمره هذا صار ريلج المفروض ماترضين له الا الكلام الحلو

والله يوفقكم ويسعدكم وديري بالج تزعلينه لازم تراضينه وتتأسفين منه لاني اشوف انج انتي الغلطانه

وانا ماقلت لج هالكلام الا لاني احب لج الخير والله الزواج ستر لج ورضى الزوج اهم شي بالسعاده الزوجيه لاتكبرين السالفه وديري بالج تزعلينه بشي تافه مره ثانيه والله يسخركم حق بعض​

 

[الترفة]

قالج مشاكل مع اهله تقومين تغثينه؟؟؟
خليه هاليومين فكي عنه يمكن عليه ضغوطات ..
مو تقومين تكرهينه بعمره..@@

 

[نفهمها صح]

خليه دنيا مشاكل
انت تزوجتيه خلاص
يعنيي احنا ياحريمهم حق يحطوووون الحره فينا
وووبس​

 

[طموحــة]

البنات كفو ووفوا

شوفي هالفيديو واااايد بيفيدج

وترى كل كلامه صحيح بس هو يقوله بقالب فكاهي
http://www.youtube.com/watch?v=cGTQ4ukHqQM