ابي البيت والفراش والكسل ..

[Patcholli]

مساء الورد ..

خواتي صارلي حروة الشهرين او 3 شهور خنقول عقب ماسدحتني الانفلوزنزا القويه قبل جم شهر وانا من عقبها صايره حيل بيتوتيه وكسوله ..

انطر الويك اند عشان اتمدد وارتاح بالبيت حايشني ارهاق مو طبيعي
اهو وخلاص صرت ارتاح بقعدة البيت واحبها لو اقعد طول اليوم بروحي ما امل ولا ازهق ..
حتى ريلي مستغرب امس يقول من زمان مو حانه عالطلعه .. اقوله اي بقعد بالبيت اريح ..
كاشته بالناس طبعا الويك اند زوارات وعزايم وانا منسدحه بالفراش بين هاللاب توب والتلفزيون الاي فون .. ترى مو زهقانه بالعكس مستانسه ومالي خلق البس واطلع ..
ازور اهل ريلي مره كالاسبوعين واهل ابوي نفس الشي مره كالاسبوعين

بس ابي اقعد بالبيت .. ابي ارتاح ابي انسدح ..
دوامي متعب وما ارتاح طول الاسبوع احس ناقصني وقت راحه كبير صرت اتشفق عالويك اند ..

بنفس الوقت احس اني مقصره بحقوق الاهل طبعا امي ازورها يمعه وسبت وبيت ابوي نفس بيتي من جذي ماحس اني طالعه بس اقصد زوارات الاهل والحموله وغيره ..

شسسوي والله مرتاحه حيل جذي لا اسمع قيل وقال ولا احد يظايقني بكلمه ولا اجابل بعض المنافقين الي مايشتهوني ويجاملوني غصب عشان يسحبون من حجي واخبار ..وبنفس الوقت احتاج اريح جسمي ..

منو مثلي وهل هالشي صح ولا غلط ؟؟ وكافي اني اتزاور مره كل اسبوعين ولا مقصره ؟؟

والله حتى قاعده افكر اقدم استقالتي وارتاح فالبيت بس امي مو راضيه تقول ازعل عليج .. وزوجي يقول كيفج عادي ..

صايره كسول حدي والله مادري شسوي بروحي سويت تحاليل مافيني شي لا غده ولا غيره


مشكورين

​

 

[Tom ♥ Jerry]

.


اذا قدمتي استقالتج مو بس امج تزعل عليج حتى انا بزعل عليج
> لاااااااااااااا لا تقولين ههههههه
واثقه من نفسي كاااك

حبيبتي اهم شي شغلج .. بعدين اي كافي تزورينهم كل اسبوعين مره
ماعليج اهم شي راحتج ..

 

[غـرامـي أنـت]

عااااادي حبيبتي ريحي نفسج والزواره لاحقه عليها بعدين

كلنا تجينا هالحاله بس نبي ريلاااكس

 

[غراوي]

دامنج مرتاح هذا اهم شي
الواحد شيبي غير راحته

بما انج معطيه اهلج حقهم بالسوال بس كافي وبين فتره وفتره رفعي التلفون عليهم

 

[أم علي المندوبة]

يبي لج تاخذين فيتامينات

 

[سكوتي بذوقي]

اخذي لك اجازه اختي بدون راتب

لحد ماترتاحين ويصير لك خلق للدوام

اما استقاله على طول لا يجي يوم راح تملين من الروتين

الله يوفقك يارب

 

[وردة الدوحه]

الله موضوعج يونس يابلي النوده مع اني منسدحه صارلي ساعتين هههههههه

انا مثلج من عرست وانا ذابحني الكسل كله ابي انام وصرت اغيب عن الجامعه

مادري اشفيني ؟

انا مستأصله نص الغده بس سويت تحاليل مافيني شي بس كسل والسلام

بس في الايام الاخيره قررت اني اغير نظامي لان احس بيصيدني اكتئاب

انا اي طلعه بعد الظهر ما اطوفها بس لا تقوليلي الصبح كنج سابتني

مادري شسالفه ؟

الله ينشطنا قولو امين

 

[دلوعة أبوهآ]

حسيت من موضوعك ووصفك بشوية خمووول :eh_s(22):
مآفي احلى من البيت وآلهدوء والاهم البُعد عن القيل وآلقال
انا عن نفسي مآشوفك مقصره
يعني بتزوري أمك مرتين بالاسبوع وآبوكِ نفس الشي ..

وبقية الاهل محدده وقت لهم
بالعكس شي حلو ...!

تبتعدي عن الازعاج وآلحش والسهرآت اللي مآلهآ دآعي

بالاخير اهم شي راحتك وسعآدتك :eh_s(17):

 

[بيرلا ستور]

نفس حالتي هههه بالهوا سوا عسى خير يارب مع أني ما عندي دوام بس مع عيالي وشغلي هنيه بس أتوقع من الجو وبيني وبينج مافي أريح من البيت

 

[تحت ظلك]

أهم شي أنتي مرتاحه وهذا الأهم
بس لاتنعزلين واجد حاولي تطلعين شوي الطلعه تخفف الضيق
أنا مثلج بس من سنه صج صج كرهت شي اسمه طلعه من البيت وقليل اطلع حتى والله دوامي سحبت عليه
احيان ودنا نرتاح وضغوط الحياة تتعب ماكو أجازات تريح
ليش لأن الأنسان من لحم ودم يتعب ينمرض نفسيته تتغير يحصله ضروف
يبي أجازه تريح القلب مايلاقي
فاأنتي شوفي لو حصلتي أجازه اخذيها وارتاحي ولاتخلين الارهاق يتراكم على نفسيتج ويهدج مره وحده


وماتشوفين شر
وألف سلامة عليج

 

[++MesK++]

احلا شي البيت


و صح كلامج الزواره حق القيل و القال و بعض المنافقين اللي ما يشتهونج بس يبتسمون بويهج و يجاملونج هههههه

 

[cba girl : )]

اب اب اب اب اب

 

[جوري - q8]

ماتقولون جونا علمنه الرباده صراحه انا قبل اجتماعيه واحب البس وازور الحين انقلب صرت انطوائيه والله حتي لما يعزموني مرات اروح ومرات اتعذر واذا رحت مالي خلق اتمكيج احس التزام وصراحه كل هذا من الكسل والنفسيه التعبانه وصدمات الناس كرهتني ماشفت الطيب للحين وحده ولا ثنتين والباقي

 

[!! دلوعته !!]

نففففففففففففففففففففففففففففففسي بالضضضضضضضضبط جنج تكلمين عنننننننني

 

[ام الدرر]

حياتي باتشولي
احيان الواحد يحب يعيش هدنة او استراحة محارب
اهم شي الوالد والوالدة تواصلينهم على طول
والباقي على راحتج ​

 

[om-3azo-83z]

بالعكس عادي و زين سويتي بس على الوظيفه لا تهدينها ترا كثره القعده فالبيت و ما تسوين شي تييب المرض والله حطي يوم فالاسبوع مثلا كل خميس جبري نفسج اطلعين منها اتغيرين جو و منها كسر روتين و حركه و عشان ريلج لا يمل كله قاعده ما تطلعين معاه لا تعودينه بعدين يتعود لا خلي مره بالاسبوع حتى لو ساعه بس ماراح تاثر كسري الروتين شوي

 

[كومفرت]

اخذي لك اجازه اختي بدون راتب

لحد ماترتاحين ويصير لك خلق للدوام

اما استقاله على طول لا يجي يوم راح تملين من الروتين

الله يوفقك يارب

كلامها صح قعدى بلبيت لين ترتاحين وردى لدوامج ترا الحين الشغل بتفق اتحصلينه مو سهالة صعب

 

[عويتقة]

يا اختي انا أقرا في الموضوع وأتكااااااسل جاني نوم ههههههههههههههههههههه والله العضيم
اشربي فيتامينات بس انتي بتكونين مرهقة طول الاسبوع فطبيعي انك تتكاسلين في نهاية الاسبوع لان الجسم بيكون استهلك كل الطاقة

 

[روانتي 12]

سلام عليكم . .

حبيبتي كلنا نكرهه دراسه و احيانآ نكره البيت و احيانآ نكره شغل . .
لككن مو معناهه ان نتركك شغلنا و دراستنا و اهم شي بحياتنا عشان متضايقين او مالنا خلق او تعبانين . . حطي هالشي براسج شغلي حياتي . . موفقه حبوبه

 

[كندوره]

وييي اختي نفس حالتي بس تخيلي الفرق اني قاعده بالبيت ما اشتغل صايرلي سنه متخرجه وقاعده بالبيت بطاليه

وماحب اطلع مو عشان شي بس عشان لا ابذر فليساتي وانا محتاجه الفلس

وماحب اكلف على اهلي واطلب منهم مع انهم مو مقصرين معاي الحمدلله ربي لا يخليني منهم بس طبعي ماحب اطلب

مرات اغصصصب نفسي على دخلة المطبخ واتفنتق بشي واروح بيت خالتي

ومن امي بتطلع مكان سيييده معاها

بس نصيحه اختي

دلعي نفسج .. روحي الصالون سوويلج جلسات مساااج بتسترخييين

او سجلي بنادي وغصصصصبي نفسج عالروحه لو ساعه باليوم

صدقيني بتردين من النادي وانتي حدج نشيطه

حتى لو ماااالج خلق كلش