ابي الجاهل يكون متختخ !! (^_^)

[.،:"$الـعـوبــــة$":،.]

قوووووووووة ،،:eh_s(7):

للنقاش والافادة والفرفشة لأني أحس الموضوع يضحك !!

ودي لما أولد يكون الجاهل متختخ ومربرب شوية !! دايم لا حملت انا اتنفخ شكبري أصير !!

وتنفك وروكي !! وأمشي على صوب ؟؟ << فيلم رعب مو حمل !!:050103nbh_prv:

والناس تقول بس هذي فيها توأم !! وبالأخير أجيب الجاهل نتفه !! واللبس عليه يجيب اللوعة !!:rgewrg:

شنو آكل بحمالي عشان يكبر الجنين ؟؟:eh_s(10):

ويقولون الجاهل الكبير بسرعة يزرق ! لأنه كبير وزحمه وبالطلق على طول يطلع !

أما الضعيف والصغير يلزق فوق ؟؟ تطلقين لين تطلع عيونك والجاهل متنح !!

هل وجهة النظر هذي صح والا غلط ؟؟:eh_s(10):

أذكر في بنتي كنت أشرب حليب كي دي دي الأزرق حق الحارق !! وقالت الدكتورة بس وقفي لأن الجنين كبر !!

أنتوا شرايكم ؟؟؟:e3:​

 

[Miss Golden]

والله يالعوبة كلنا ودنا البيبي يكون مربرب و متختخ ..

بس اول بيبي يقولون يكون صغير لان بطن الام مايكبر وايد.. مادري صج ولا لأ!!

اللي اعرفه ان التمر و الكاكاو يكبر الياهل..

عن حجم البيبي و الولاده اول مره اسمع .. عاد ذاك اليوم يدتي تقول لي لا تاكلين تمر وايد مو زين يكبر الياهل وانتي بجر

بس اختي يمي واصغر مني تقول سمعت نفس كلامج من زميلاتها بالكلية اللي حملوا و ولدوا.. ان الكبير يطلع بسرعه و يدز نفسه غير الصغير


بس تصدقين العوبه شجعتيني الحين ماراح اخاف ان كبر البيبي.. مع ان وزنه ليلحين طبيعي مو عود وانا بالخامس..

 

[الكادي 2011]

الي يسمن صدك سمك وحليب وتمر

 

[الكادي 2011]

الي يسمن صدك سمك وحليب وتمر وعوفي تمن وخبز

 

[.،:"$الـعـوبــــة$":،.]

زين فيه أحد نفسي !!
والله توقعت محد يرد !!
بس ترى انا في بنتي البكر كان حجمها أكبر من ولدي !!
ويمكن لأني كنت متوحمة على السكر فيها ! كنت آكله أكل مو طبيعي !
حتى حمولتي كانوا ينصدمون ومايصدقون لين يشوفوني كل يوم نازلة ومعبية علبة السكر فل وصاعدة !!
وتسلمون على هالدعاوي الحلوة ،​

 

[خليفة العظماء]

ماعندي فكره ومنكم نستفيد ,, قاعده أشرب كي دي دي الازرق شبه يومي وتمر بين وقت وقت وكل شئ بيد الله

 

[AVE.NJ]

انه والله وياج ودي بياهل ترس ايدي وحظني وناسه
انه كله اقول تعبانه تعبانه خل ايب ياهل ايونس حق لما اسبحه
والعب فيه مو نتفه تخافين تشيلينه
والله يرزقنا اللي نتمناه اللهم امين

 

[الفدنه]

انا بعد احب البيبي متبتب
موعشان شكله لا احس متعافي والصغير احس بالذنب ناحيته <<احس ماغذيته عدل
انا طزل عمري اسمع نظرية الكبير ولادته اسهل بس بالنسبه لي لا
بناتي صغار مايوصلون 3كيلو وولا دتهم اسهل حيل من عيالي اللي ولدتهم وزنهم حلو ماشالله
البنات البجر والصغيره والعيال بالوسط عشان لحد يقول الترتيب يفرق
بس مع انه ولادة الكبير اصعب هم احاول مااولد بسرعه واشرب حليب واكل تمر وانا حامل عشان البيبي يكبر<<حق العيون
والعوبه والله احس اني اعرفج من اسلوبج بهالسالفه بالذات
احس اني مناقشتها معاج من قبل وسامعه نفس الكلام منج بالللللللللللللضبط
ودااااااايما سوالفج حلوه الله يقومج بالسلامه حبيبتي

 

[غلا عيوني]

اعتقد الفيتامينات وحليب الكاكاو اهي تكبر الجاهل

 

[عروجة]

حبيبتي العووبة أنا سمعت إنه حليب الموز كي دي دي يسمن حيل البيبي وخدوده اتورد لا جبتيه وأنا ألحين بالتاسع ومن حملت كنت أشربه من نصايح خواتي لأنه عيالهم بسم الله تبارك الرحمن متختخين وقالتلي الدكتوره البيبي كبير خخخخخ الله يستر وهذي وأنا أول ولادة لي​

 

[انصاريه قمره]

وااااااي بنااااااااات انا بنتي واعليه يبتها كيلوين و800 والحييين حااامل ومابي اييب ياهل ضعيف يخرع وبنتي ليلحين الكل يقوولي ضعيفه قطيعه احمل وانتفخ واصير درااام واخر شي الياهل نتيفه واعليااااا

 

[سنيوره قمر]

ام زوجي تقولي اذا كبير
بسرعه يطلع ام الصغير مافيه حيل يزرق
الله يسهل علي وعليكم ياااااااااااااااارب

 

[om Firas]

انا يبت في بنتي البجر كانت حييييل نفه 3كيلو مايبتها اهئئئئئ
بس الحمدالله كانت ولدها سهله لان رسها بسرعه طلع لوووووول

انا احس العكس اذا كبير بيصير الراس شكبره ومايطلع الا بطلعت الروح
مادري احس جذي الله يقومج بالسلامه

 

[توته سعوديه]

الله يرزقكم ماتتمنون
مدري بس الدكتوره قالت اذا زاد وزن البيبي تتعسر الولاده

 

[أهداب]

لاوالله ابيه ضعيف بالولاده واذا يبته علي خير ينتفخ علي راحته عشان ماتتعسر الولاده
كل عيالي ايبهم ضعاف ويزرقون بسرعه
بس واحد كان متين 3 كيلو ونص بغيت اموت تشهدت خمس مرات وكان بيسولي قيصريه بس الحمدلله ولدت علي خير
واذا تبين شي يتفخلج البيبي فيه اكو بروتين بالصيدليه بطعم الكاكاو وبطعم الفانيلا تخلطينه ويا الحليب هذا يوصله خمسه كيلو اذا بغيتي

 

[&سماهر&]

في حليب بالصيدليه مكمل غذائي للحامل والمرضع
انا وحامي عسير وباخر الثامن تقولي الدكتوره الياهل حيل صغير واكتبته لي
ماشاء الله يوم ولدت بنتي كانت 3 وربع
اممممم
يعني لو تشربينه من اول السابع او اخره راح يتختخه لج عدل
ودي بياهل متختخ بس اخاف اتورط بعمليه خخخخخخخخخ

 

[hneen2]

تروالي الكاكاو والحلويات العربيه اللي يصير فيها سمن تتفخ بس شالفايده ينتفخ وهو مولود ولي طلع من الا40 يفش خخخخخ احنا نبي تتبتب دائم لوووووول

 

[&سماهر&]

على فكره البنيه الجسمانيه تختلف
اختي يابت ولدها 3 يعني اصغر من بنتي
لكن ماشاء الله تبارك الله بطططططططططططه
حييييييييل دبدوب وخدود
وبنتي عادي حليوه هع
يمكن لان اختي وزوجها طوال وامتان يعني الشغله وراثه اعتقد

 

[جـــواهر]

اللبن ثم اللبن ثم اللبن بس شالفايده يكبر فبطنج ولا طلع فش وزنه

والله انا ولدي البجر جبته 4 كيلو الا غرامين وتعسرت لانه غص ويااالله طلع وشفطوه وبهذلوه تبهذل

 

[حرم سي السيد]

ودي بياهل متختخ