ابي الحل ×××

[بياعه ورد]

سلام عليكم



كيفكم صبايا بنات انا مخطوبه ولاحظت في خطيبي انه يحب يقارن بين جمال البنات يعني هديك احلا اطول انعم
شعرها حلو وهو درس برا وكل سوالفه كدا ودايم يحرني بهالسوالف واحس انه يقولوها بحسن نيه
مدري وش الحل ماتمر مكالمه الاويخش بهالسالفه

حتى اددا جاء زياره عندي احسه دقيق بكلش شعرك اليوم اطول من هديك المره شفايفك تشابه شفايف الفنانه فلانه وكدا
تعبت نفسيتي
ايي حل تكفون:eh_s(4):

 

[مناير ...!]

عليكم السلان
مافيه حل خلاص انتي مرته
حاولي تملين عيونه
الي عينه طويله اتم طويل ليمن يموت خخ

 

[قموووره]

الله يعينج عليه​

 

[Gifts&Occaions]

الله يعينج

 

[Perfume]

حبيبتي انتي بنفسج قلتي انه يقوله بحسن نية يعني السالفة مجرد تدقيق لا اكثر ولا اقل
لما يعلق على وحدة جدامجج قولي له حبيبي ماحبك تطالع غيري ولا تعلق على عليهم
ومرة على مرة هو بيحس انه هالشي يضايقج بس لا تكلمينه بزعل وهوشة وتحطين السالفة بباله وياخذها عناد

 

[Patcholli]

انتي بعد شبهي فيه

مره قوليله صاير تشبه عبادي الجوهر

ومره قوليله شعرك نفس شاروخان

ومره قوليله خدودك جنها مهند

جذي لين يحس ..

شتسوي بعد اذا هذا طبع الله يعينج اكره المقارنه

ياتقولينله اشكره انج تكرهين هالشغله وتظايقج كزوجه المفروض مايجرحج بالمقارنه وانج تبينه يشوفج بروحج بدون مايشبهج بانسانه ثانيه

يا انج تسكتين وتطوفين مع ان مو من صالحج بتلوع جبدج

 

[فوفو22]

سيكلوجيه الرجل مخلوق بصري

تركيزه بالنظر يكون قوي بكل شي

وعزيزتي كوني معه عاديه وطبيعيه

طول ما احساسك انه

يقولوها بحسن نيه

فوفو

 

[قموووره]

انتي بعد شبهي فيه

مره قوليله صاير تشبه عبادي الجوهر

ومره قوليله شعرك نفس شاروخان

ومره قوليله خدودك جنها مهند

جذي لين يحس ..

شتسوي بعد اذا هذا طبع الله يعينج اكره المقارنه

ياتقولينله اشكره انج تكرهين هالشغله وتظايقج كزوجه المفروض مايجرحج بالمقارنه وانج تبينه يشوفج بروحج بدون مايشبهج بانسانه ثانيه

يا انج تسكتين وتطوفين مع ان مو من صالحج بتلوع جبدج

والله انا مع باتشو جذيه بيحس باحساسج لمه يشبهج او يقارنج باحد​

 

[لمى الهاجري]

انتي بعد قولية شواربك نفس الفنان الفلاني وعطرك هالمرة غير لوووول وحدة بوحدة

 

[بياعه ورد]

فديتكم بنات ع الردود عملت الي قولتو لي عليه
واحسه خف من هالسالفه بس مو مرا

الله يوفقكم ويستركم دنيا واخره

 

[PuPa^^SWeeT]

اغلب الرياييل

جذي


مايفكروون انه يجرحوونج


لانه اهم مخلوقات بصرية بحتة



بالتالي اهو اتلاقينه عباله مادحج لما يقولج شفايفج نفس الممثلة الفلانية



خليه على نيته

 

[ملگه]

سيكلوجيه الرجل مخلوق بصري

تركيزه بالنظر يكون قوي بكل شي

وعزيزتي كوني معه عاديه وطبيعيه

طول ما احساسك انه

[size=6]يقولوها بحسن نيه [/size]
[size=6][/size]
[size=6][/size]

فوفو

مع اختي ىفووفوو

 

[كويتيه بنت قناص]

يبا كل الرياجيل جذي بس الفرق ناس تصرح وناس تقارن
بقلبها

 

[شلة بنات وبس]

الله يكون بعونج الزوج اللى جذي مايحترم زوجته وعيب يذبحها بالكلام عن بنت ثانيه مهما كان

 

[بنات حواء2]

هذي مشكلة الانسان الي درس بره عادة يكون اوبن مايند في التعامل و احنه للاسف دايمن متقوقعين على انفسنه و مقفلين عقولنه
خليه يقارن من الحين لي باجر المهم ان هو اختارج انتي و انتي عليج تملين عينه و ربي يوفقج معاه
و انا اشوف ان هذا شي ايجابي بالعكس ريلج من النوع الي يلاحظ زينتج و كشختج

 

[ام الحلوااات]

اللـــه يـــعـــيـــنـــج

 

[الجمال العربي]

ياحظج تزوجتي

عبالي عندج سالفه

زووووووووووووووووووووووووووووووووووووجوني

 

[miss nina]

اغلب الرجال كده حتى لو ماقالو بس هم يلاحظو لانهم بصريين ولا على المناظر اللي يشوفونها احنا الحريم نتكلم ..فمابالك بالرجال ..المهم لمن يتكلم كده قولي باسلوب ناعم وبهدوء ..انا ماحب تتكلم كده وانا موجودة انت ترضى أشبهك واقارن بينك وبين فلان وعلان ..اللي يحترم وجود زوجته او خطيبته معاه مايتكلم بهالسوالف ومالها داعي ...لكن قوليها بهدوووووء وابتسامة عشان لايقلب السالفة عليج او يظن انك مو واثقة بنفسك وشوفي النتايج

 

[ماني من الناس]

مع باتشولي

خخخخ عامليه مثل مايعاملج

عشان يحس بشعورج

 

[mima]

انتي بادري قبل وقولي شوف شكلها كيف بس ليتها سوت كذا احلى
وانقدي عليه و ع الشباب
واذا شقتيه قولي كيف هاللون علي ولا الروج
من حاله بيبطل