ابي الدكتور يولدني باول التاسع طلق صناعي,,,واهلي يقولون استغفري ربج

[الملكيييية]

السلام عليكم

اولا عيدكم مبارك وكل عام وانتم بخير

انا الحين باخر الثامن وناوية لدشيت التاسع اول اسبوع اروح لدكتوري محسن طلبه يولدني (طلق صناعي) لان تعبت وربي تعبت والله اعلم ان الالم في وركي اليسار لايطاق النوم ما انامه نفس الناس واحس بضيقه فضيع مادري ما اقدر انسدح ولا اقدر انام كل الوضعيات متعبه بالنسبه لي


اهلي يقوون خليج لحد ماتجي الولده احسن من يتعبثون فيج
بس انا بعيالي الاربعه كلهم اكل شهري التاسع لاخر يوم

التاسع كله لازم اكله ولا ينفتح الرحم عندي غير بالاسبوع الاخير بس 1سانتي

انا ماجربت انهم يولدوني هل يالم الطلق الصناعي وشلون راح يفتح الرحم اذا اهم تدخلوا بولادتي

وشرايكم بالدكتور محسن طلبه
ومستشفى السلام بعد ما عدلوها شلون صارت غرفهم العادية وكمامهم والتخدير عندهم

يالله يارب باليوم المارك يابهون علي وعلى خواتي الحوامل يارب سهل ولادتنا يارب

 

[ناتشوو]

الله يهون عليج
الطلق الصناعي حسب تجربة اختي
لان فيها سكر حمل فيولدونها اول التاسع
يوم كامل تطلق المسكينة
كثري الدعاء

 

[الملكيييية]

مشكورة اختى على الرد

والله يجزاج الف خير

والله انا خايفه حيل

 

[ناتشوو]

الله يهون عليج يارب وعلى كل الحوامل
ويرزق كل محروم بهاليوم الفضيل ياكريم

 

[am-7awra'a]

عل اللي انا سمعته ان الطلق الصناعي يذبح
يعور وايد تعوذي من ابليس وخليها على الله
وسوي خطتي امشي وايد وايد والله يسهل عليج
انا خذيت بس عشرة ايام من شهري
حسيت بالعوار رحت المستشفى قالولي مفتوحة اربعة سنتي
وانا الحين حامل بالشهر الأول وانشالله راح اسوي نفس هالطريقة
والله يسهل ...........

 

[كولوراديه]

الله يهون عليج ويحفظج يارب

 

[الملكيييية]

مشكورين بنات

ابي ردود اللي مجربن الدكتور والمستشفى والطلق الصناعي

 

[pink Engineerah]

راح الكثير وتحملتيه حطي في بالج انج مجبوره تتحملين وان ماكو حلول ثثانيه عشان ترتاحين

بس دامج حطيتي الطلق الصناعي في بالج بتتعبين

 

[أسـيـل]

الدكتور شاطر ويحب الحامل تولد باول اسبوع من التاسع
ووحده من اهلنا توها والده عنده بالسلام تمدحهم بس الدكتور ممتاز والله يهون عليك بالسلامه

 

[البسايل]

شلونج حبيبتى الله يهون عليج ان شاء الله وانا دايم اروح المستشفى واطلب منهم يولدونى لانى نفس اعراضج بس اوصل التاسع اتعب بشكل موطبيعى والحمد لله الله يسهلها على توكلى على الله عادى ان شاء الله بتكون سهله

 

[lailalaila]

لا يا عمري ترى كل يوم بالتاسع تكتمل الئه اكثر و الوزن يزيدو الله ما قسمهم تسعه الا لحكمه منه اما التعب ارتاحي و كله اجر و ثواب بس عشان خاطر النونو تعبيلج جم اسبوع بعد لما الله يقسملج الولادة

 

[أحلى شمريه]

مادام ماعندج مشاكل بالحمل ليش مستعيله على الولادة ؟!:eh_s(1):

كملي التسع شهور:ggdw:

وكل شي بوقته حلو

بعدين لاتتخذين قرار تندمين عليه بعدين

انا اعرف وحده ماكان فيها ولاده وراحت لمحسن طلبه وولدها بأول التاسع وعطاها محسن طلق صناعي علشان تبي تولد مبجر لكن للأسف ماتبطل الرحم وياها وولدت قيصرية وأخر شي قال لها كل شي مكتوب !!!!!

 

[الملكيييية]

يابنات انا احاتي نقطة الوزن لنونو

 

[ملاك العذاب]

حبيبتي لا تستعيلين على نفسج والطلق الصناعي يذبح
أما عن مستشفى السلام رفيجتي وايد تمدحها

 

[الشامريه]

انا مجربه الولاده مرتين وكلها طلق صناعي اول مره الدكتوره قالت لازم لانه السكر مرتفع عندي

كانت في مستشفى هادي


المره الثانيه انا طلبت عشان مابي البيبي يكبر اكثر وزنه 3.400


طبعا اهلي عصبوا امي مو راضيه تتقول مو زين بس انا عندت ومارضيت


كانت الولاده في مستشفى طيبه عااادي فحصوني وشافوا راس البيبي والوضع اوكي ولدوني بالتحاميل



بس نصيييييييييييييحة وووووووووووحده مجربه


الطلق يذبح اقعد بالولاده يومين تموووووووووتين من الالم



طبعا مستحيييييييييييييييييييييييييييييييييييل اكرر هالتجربه من نفسي لاني كنت صغيره وملقوفه ومااااسمع الكلام



لانه سمعت انه الي ماااافيها طلق ومو مفتوووح الرحم وتااااخذ االتحاميل نفس حالتي ممكن ينفجر الرحم الله يكااافيج الشر

تحملي خلي كل شي بوقته حلوووو


والله يهون علييييييييييييج ياااارب

 

[ثلاثينية]

بعيالي الثلاث انا حطولي الطلق الصناعي لانه يطوف على موعدي اسبوعين
بصراحه روحي تطلع
نصيحه خليج لما يكتمل ان شاء الله .. ومو شرط تكملين شهرج ... وايد اسمع في وحده من تدخل شهرها باسبوع او 10 ايام تولد
انتي ادعي لربج الله يسهل ولادتج
وانا عن نفسي هالمره بنطر لما ينزل بوقته بيل الله
والله حالتي مثل حالتج وتعبانه حييل بس كل شي بأجره وثوابه

 

[((اوراد))]

والله يا اختي انا مثلج عيالي اول اثنين انطر الولادواكل شهري كله ويمكن فوقه بعد اما الثالث فصار معاي ضغط فولدني الدكتور بالراشد الدكتور نصر حطلي تحميلة طلق الظهر و ولدت الساعه تسع بالليل بس كان الطلق يموت و بولدي الرابع تعبت مثلج ماعدت اقدر اتحمل لا انام ولا ارتاح فرحت للهادي للدكتور سامي وطلبت منه يولدني فقال اوكي وقلت له دكتور انا اخاف مابي احس بشي فقال ماتخافيش حنسطحك مش حتحسي بحاجه وفعلا دخلت وخذيت كمام ونمت وحطولي التحميله وبعدين صحيت وجاني طلق بس صج فرق الطلق ما احس فيه حطولي التحميله العصر ومارحت للولاده الا فوق السبع وكل هالوقت الطلق خفيف لدرجة اني دقيت على اختي قلت لها انا بدخل الولاده وجوعانه اول ما اولد تعالي وجيبي معاج اكل ورحت للولاده مشي حتى وهناك عطوني كمام ما صحيت الا وانا والده وخالصه وقلت خلاص كل مره بسوي جذي فنصيحه لا اتعبين نفسج اكثر روحي وتوكلي على الله والله يسهلها لج ويهون عليج

 

[xxx]

انا بكل عيالي طلق صناعي

من اطوف الاسبوع احدد اليوم الي ابيه وادش المستشفى

الحمدالله سهالات ..

ماجربت الطبيعي .. من جذي مادري اذا عواره عادي ولا اكثر

 

[الملكيييية]

يابنات خوفتوني اكثر من ما انا خايفه

بس الجنين وزنه كل ماله ويزيد اخاف تطلع روووووووحي بالولادة

 

[فاطمه الانصاري]

انا جربت الطلق الصناعي وبيني وبينج كله عوار بعوار
اهم شي الثبات واحتساب الاجر من الله
ولي شفتي المولود انشالله بين ايدج بتنسين كل شي