ابي اودي هديه حق شخص عزيز علي وايد .. !! HeLP

[chinese--GIRL]

هاااااي بنااااات .. قريت ان في بنات ماشالله شغلهم حلوو وايد وانا ودي وحده منكم عندها فناتك تساعدني ... ابي اودي هديه حق شخص حييييل اعزه واهو غالي علي فابي شي حلو وكيوت ومميز وعطوني من افكاركم
واكوووون شاكره لكم :33_1185028183:

 

[عبق البنفسج]

والله في وايد شغلات تنفع حق الرياييل وتقدرين تبدعين فيها ...
أول بنسبة للاكسسوارات:
تقدرين تشترين وحدة من هالهدايا أو تشترينه كطقم كامل:
*ساعة رجالية رسمية مع بزمة وقلم ومدالية وبوك يكونون من نفس الماركة .. أنصحج بمحل روائع جنيف لأنه عنده هالشغلات وماركاته حلوة وأسعاره وايد مناسبة ..
*وتقدرين تاخذين ساعة رجالية سبورت .. وأنصحج بمحل اون تايم لأنه وايد حلو وفيه تشكيلة كبيرة من الساعات السبورت ..
* تقدرين تاخذين مسباح .. ومحلات المسبابيح موجودة وايد بالديرة .. اذا تبين شي حلو وسعره حلو اخذي مسباح المسك واختاري اللون الي يعجبج ..

الحين نروح حق الملابس:
*تقدرين تاخذين تيشرت .. وهالمحلات متروسة بالافنيوز وشرق والمارينا عندهم وايد شغلات حلوة والأسعار مناسبة
*تقدرين تاخذين قطعة خام حق الدشداشة .. روحي محل النخبة بالبلوكات هو عنده شغلات حلوة وبنسبة للمقاس اذا الخام عرض واحد اخذي خمس أمتار واذا عرضين ثلاث امتار هذا حق طول الرياييل العادي أما اذا واحد طويل وايد وايد فراح يزيد طول الخام متر تقريباً
*بجامة للبيت من زارا أو نكست أو بي اتش اس أو دبنهامز
* روب للبيت
* شماغ أو غترة وتلقينهم بالمباركية .. أنصحج بمحل السعيد للبشوت الي بالمباركية عنده شغلات ذربة وماركات حلوة

عندج بعد العطور، أو طقم عطر مع بودي بودي لوشن وشور جل تلقين هالشغلات ببيضون وفافافوم، أو طقم كريمات من بودي شوب

وفي شغلات وايدة بعد مثل لاب توب وتلفون واكس بوكس وبلاي ستيشن أو اشرطة بلاي ستيشن واكس بوكس .. وآي بود،
أو جلسة مساج فوق بالمهلب

 

[chinese--GIRL]

ثااااانكس والله نفعتيني وايد

 

[^kloOot^]

عطور
ساعه كشخه
بوك او قلم ماركه
تلفون
لاب توب
تذكره سفر يومين او3

يعنى واااايد سوالف وافكار

 

[chinese--GIRL]

اممم اوكي اذا شريت شي من الي ذكرتوه ابي طريقه حلوه اني اكشخه بايدي .. !!

 

[jekara_maziona]

هلا حياتي

هذا شغل العضوة ساره ستايل رووووووووووووعه

http://www.q8yat.net/showthread.php?t=60185&page=23

ينفع حق الهدايا

 

[إنسانه بكل حالاتي]

إخذيله آخر موبايل نزل السوق

 

[جوجو.]

كل اللي قالوه البنات حلو

 

[music_teacher88]

اذا اخترتي الهديه غلفيها ودقي على محل يحطها مع 100 بلونه بغاز هليون تخيلي المنظر ونااااسه والبلونات ب20 + التوصيل فنتك حلو

 

[chinese--GIRL]

لوووووووووول والله خوش فكره والله عجيبه لووول ثاااااااانكس وايد بس وين ادق والله مادري .. !!

 

[sHa6o0ra]

روحي محل درر مال الدزات بالمباركيه قوليله يعطيج صندوق صغير ويطبع عليه اسمه واسمج لووووووووووول
مادري هذا اذا انتي تحبين هالشخص اذا ابوج او بحسبة اخوج وديله صناديق المرشود او العبدالمحسن داخلها عود وبخور انتي روحي وحل الهدايا اخذي افكار شلون يزينون و يطبعون الاسم عالصناديق وطبقي على الصندوق

عالعموم العود والبخور ارقى هديه سعرها معقول بعدين قوليلنا شسويتي خن قلدج

 

[Om_Ksha]

واااااااو والله افكاااااااااار تشوووق عجبتني سالفه التفافيخ والصندوق بالاسامي ..


ماشالله كل شي قالو البنات بس فكرت انه تقدرين هم تيبين كفر حق فراااشه .. علشاان كل مابينام بتذكرج .. و هم تقدرين تكتبين اللى صار والمواقف الحلوه وتحطين صووور وتقدرين انتى تزينينه اب ايدج ولا بالكمبيوتر .. وحلاته ينكتب بخط ايدج حتى لو مو حلو ... او انه عقب ماتكتبين وتسنعينه وكل شي اذا تبيين تغليف حل روحي بوابه الهدايا ..


او اذا تبينه من شغل اييييدج اخذي ملف من المكتبه وغلفيه من بره وزينيه عليييه اشياء مو علا طرف الملف يصير حدايد او بلاستيك اذا كا حبيتيهم شيليهم وحطي خيوووط اوويدهم لبوابه الهدايا يحطلج شي .. بس صراحه هالفكره روعه شفتها انا وعجبتني .. تصلح حق المتزوجين وصار عندهم عيد زواجهم وجذي ..

 

[MAC ADDICT]

حبوبه تقدرين تشترينله مداليه من فيلا مودا وايد ماركات واسعارهم مناسبه

 

[M @ Z Y O N A]

الي تقول عن التفافيخ من وين وكم رقمه المحل

بلييييييز ضروري

 

[chinese--GIRL]

افكاركم حدها عجيبه .... وانا بعد ابي الرقم لول

 

[music_teacher88]

لوول خل ارجع البيت واحط الرقم ان شاءالله من عيوني اهو موجود بالوسيط بس خل ارجع واكتبه احسن

 

[music_teacher88]

2442548
هذا الرقم بنات اتوقع اسمه الشناكل مومتاكده بس الرقم صح

 

[M @ Z Y O N A]

مشكووووووووووووووووووووووووووووووووره

ياقلبي