ابي بديات "بيض" جم طويل خامتهم قطن وين الاقي؟؟

[Lady-_-fushia]

السلااااااااااااااااام عليكم


موضوعي كالعاده مبين من العنوان

ابي بديات لونهم ابيض جم طويل اللي نلبسهم احنا المتحجبات تحت الملابس اللي تحتاجهم

اهم شي ابي اللون الابيض لان لقيت وايد الوان ومابي الوان انا مالبس غير الابيض
غير جذي يعني ابي الخامه قطن مو شرط 100% بس 95% وفوق
ابي المحلات اللي بالافنيوز شنو محل عنده ؟
لان تعبت وانا ادور وما القى وماحب ملوت ستي سنتر و سنتر بوينت مالقيت عنده ابيض
ودورت بوايد محلات مالقيت من المعروفين بالافنيوز فاللي تدري وين في عفيه تقولي لان لاعت جبدي وانا ادور
:cxxxp:

ومشكوووورين وايد وايد فديتكم ان شاء الله ماراح تقصرون:33_1185028183:

 

[Un-6be3iya]

روحي العدساني كل المحلات عندهم و اذا مالج خلق تفترين تلقين هناك بـ كتكات انا ماخذة منه مرة بس انا اكثر شي اخذ من محل فوق اخر طابق بالزاوية اسمه كوستا جينز و عنده خياط بعد يظبط لج اذا يبيلها تظبيط
و اسعارهم 5 ، عنده كل الالوان و المقاسات

 

[FOZQ8]

برومودد وكمايو حبيبتي بدياتهم حلوه وخامتهم بارده

 

[UNICORNA]

والله مدرى عن الكويت

بس اجيبهم من مصر رووووعه البسهم لين اقووووووول بس

من محل بيلا دونا وانتى قوليلهم ابى بديهات قطن وبكم وفى كل الالوان

 

[نجد الهيلا]

روحي مجمع النقره بتلاقين اشكثر ولا رخيصه بعد

وبالتوفيق

 

[Lady-_-fushia]

امممم
مشكورين بنات
بس احس اللي فادني من الردود رد اللي فيه برومود وكمايو

لان ماحب النقره ومادري وين مادل و ليش اشتريه اب 5 المحلات الباجي عندهم ارخص و كوالتي احسن وايد ومايكون نايلون
خامتهم تصير بادره لان مابي خامات نايلون بالحر تموت و غسله غسلتين يخترب لونه ولا بعد القياسات كله كبيره الي عندهم


مشكوره حبيبتي بشوف برومود مره اليايه اذا رحت :*
والي تعرف محلات من هالطقه تقولي عشان مره وحده اشوفهم بعد

 

[Un-6be3iya]

و منو قالج انه نايلون : \
قطن و بااااردين شحلاتهم انا مكودة منهم الوااان حق الصيف و عندهم القياسات من Xs
لي 5XL
و فوق هذا خياط عشان يظبط لج وانتي واقفة اذا تبين اي شي بثواني يخلصه ،،

 

[freedoom74]

بس مشكلة البديات اللي بخمسة بسرعة توبر

 

[أم حسيب]

لو قياسك سمول عندي بديات كارينا

 

[يمة يادلبي]

خبري انوتا يبيع بديات قطن

 

[الام المحبه]

مرحبا
عندك كارينا ماركة مصرية ( تلاقينها عند العضوه ام عمار والعضوة عابده لله )
ايضا سمعت ان في بنات كويتيات مسوين ماركه لملابس وبديات حفر وبكم وبنص كم ولجنات وشروال ومعاصم واشياء وايد ( بس وايد زحمه عليهم )لكن ما اعرف اسمهم ( يمكن فنيله ) ولا اعرف رقمهم يمكن الخوات يفيدونك

 

[أم@الحلوين]

فاشن مل عندهم بديات قطن يهبلون

 

[Lady-_-fushia]

مشكورين بنات

رحت برومود و افتريت وايد بالافنيوز مالقيت بولا مكان
يا يكونون الوان يا يكون ابيض بس قصير او ثري كوارتر
المهم اخر شي لقيت بس فتحه الصدر كبيره وايد و اخذتهم قلت استخدمهم الحين وبعدين يصير خير
حتى لو اقلبهم اخلي الفتحه ورا

 

[Om_Ksha]

انااا احبهم وعندي منهم جنه تلقين بزارا و مانقوو ..

والحين متوهقه ابي منهم بس طوال عرفتي لانه البس هذول وترتفع تحت الهدوم ويطلع بطني و ريلي يعصب !! مع انه ماشاءلله مايبين شلون يلاحظ مادري


المهم ودي بدي جم طويل ويكون طووووويل بعد !!

 

[داريــن 85]

ان شاء الله تلقين اختي

 

[Marka Store]

حبوبة
روحي ديربي
تلاقينه بسوق شرق فوق
وليلى جاليري السرداب

 

[داادي]

انتي الظااهر تبين الجموام الي تحت الملابس اكيد تقصدين هذا وخانج التعبير مثلي انا ما اعرف اعبر

 

[so_what]

شووفي كمايو واذا مخلص من النوع اليي تبيه قوليلهم لما يوصل يدقون عليج

 

[ღa7La TeaCHeRღ]

فاشن مل
الوان الدنيا قطن و في نايلون
ما قصرت رفيجه اختي مدحتهم والله خوش بديات حلوين
وببلاش دينار ونص وحق كراف تشترين منه الدنيا

 

[@style@]

حبوبه في ب كويت مجك نفس مالوت زارا نفس الخامه مو قطن سترج حرير وطوال بس احس طولهم اوفر سأليه اذا يقصرهم
انا شريت بس برجعهم لان طلعوا ضيجين علي اذا مالقيت قطن حلوين باخذهم لانهم تحت الملابس بس مرتبين صراحه واذا تبين قولي لي علشان اوصف لج المحل لان موجودين بمحل واحد الباجي قطن​