ابي بشرتي مرآيه وقزازه وبراقه

[ياحلمي لابد أوصلك]

هلا بنات شخباركم

الموهيم انا جديده هون تقريبا بس اني منزمان ناقعه بالقسم خخ
اي شبقول ابي شي اروح المستشفى يعطوني اياه وتصير بشرتي قزازه صافيه جداا حتى لو مؤقت راضيه بس شنوووو
اتمنى تفيدووووونييي

 

[freethinker]

حتى انا ابي

ماعندي فكره

بس اذا لقيتي قوليلي لووول :d

 

[على الدنيا سلام]

اذا عرفتي علميني

 

[نوف الرياض2]

اهلين حبايبي كيفكم حبيت اشارك باللي اعرفه وجد روعه مجرب من الكثير ... كريمات تخلطيهم في علبه زجاج ويكون لونه غامق
الكريمات هي؟
رتن اي مقشر
الدوكئين4% مبيض
الكوم مرطب
يخلي وجهك مرايه ويشد البشره
اتمنى ترضيك النتيجه والخلطه مره حلوه
والكل بيسال عنها روعه

 

[شذر44]

ااااااب




رب اشرح لي صدري ويسر لي امري
لا اله الا الله ومحمد رسول الله ولا حول ولاقوة الا بالله العلي العظيم
استغفرالله للمؤمنين والمؤمنات والمسلمين والمسلمات الاحياء منهم والاموات

 

[ريسان]

انا بعد ابي بس الرتن ا و الدكوين ما نفعوني من اول يوم حرقو ويهي

عالاقل نبي دكتور جلدية زين

 

[reem alflla]

الرتن اي حلو مو حلو بس خطـر ويعور ويحر احس يقـطع لحمج ويطلع لحم يديد

تحطينه مدة جم يوم وخلال 10 تيام بشرتج تفرق عليج بس مادري ما انصح فيه


انا وايد كنت مفكره بالروكوتان هالفتره بس يوم سويت سيرج عنه اوكيه وايد حلوو بس يطيح الشعر اخـــصل اخصـــل فهونت


وامممم مادري ماعرف دكتورة جلديه شاطره ياليت يفيدونا

 

[ياحلمي لابد أوصلك]

امبيه اشياء تخوف
لالا مابي اعراض جانبيه خفت صراحه
مافي جهاز يحطونه على الفيس مثل الليزر او هيك شي ؟

 

[ساندريلا]

شنو طبيعة بشرتج
اذا صافيه طقي ابر نظاره
واذا فيها مسام سمعت ان في جهاز عند قطينه للمسام يخلي الجلد مستوي واحد بس يبيله 3 جلسات بس اذا رديتي تستخدمين مكياج رخيص وبلاشر مو ذاك الزود راح ترد المسام

 

[ياحلمي لابد أوصلك]

سندريلا بشرتي حليوه بس ودي يصير لونها موحد والمسام يتسكر ببعض الاماكن
شنو اسم الجهاز ؟

 

[ساندريلا]

لين لاين هذا اسم الشركه الي مسويه هالجهاز بس بصراحه ماجربته
بخاطري اسويه ياريت اذا وحده مسويته عند فيرجينا كلينك تقولنا لان المسام مصيبه حتي لو البشره صافيه تلوع الجببد:eh_s(16):مااحبهم قطيعه تقطعهم

 

[نمبر ون]

up

ياليت حد يفيدنا

 

[غلا الأيام]

اب اب

 

[** رش رش **]

انا بعد ابي

 

[&موناليزا&]

عزيزتي رفع لعيوووووووونج

 

[Dreamy G!rl]

يمدحون ابر النظارة
بس صراحة ما جربتهم و لا شفتهم على احد
انا اقول روحي دكتور جلدية و شوفي شيقولج بس لا يقعد يقص عليج
و يقولج استخدمي الكريم الفلاني و مادري شنو ترا كله حجي فاضي
اما ليزر او ابر او حبوب غير جذي حجي فاضي

 

[نمبر ون]

up

up

 

[فجرر]

انصحج بزيت جنين القمح للبشرة


























روعة

 

[البوه الحلوه]

عندي ماسك اسويه بالبيت من الطب الياباني روووووووووووووووووووووووعه استخدمته يومين بس شد وجهي وراحت التجاعيد خفيف واحس بشرتي رجعت 5سنين ورا بس اروح البيت بكتبه لك لانو الحين بالدوام وهو شوي معقد

 

[diamonda]

انا ما احب اروح حق دكاتره يلعبون ابشرتي!
الا اذا كان دكتور جلديه شاطر.. ونادر تشوفين هالشي!

عموما انا احب اعتمد على نفسي من ناحية بشرتي
ومره جربت ماسك بالبيت وكان وااايد حلو
كل يوم كنت اسويه وحسيت بنضاره وشد بشرتي وفتحها وايد وصفاها:
ماي ورد + حليب بودره (استعملت نيدو)
تخلطينهم عدل لما تتكون عجينه
وخطليه على بشرتح 20 دقيقه وغسليه بماي بارد
بعد الماسك ممري ثلجة ماي ورد (حطي بقوالب الثلج ماي ورد ودخليها الفريزر)
ولا تنسين كريم مرطب بعد الماسك

اسبوعين وشوفي بشرتج اشلون تصير
واذا حبيتي تغيرين هذا الماسك الثاني:
شوفان مطحون (بمطحنة القهوه)
حليب بارد او لبن
ونفس خطوات الماسك الاول

وبالنسبه حق المسام انا عندي صغار واايد
استعملت كل شي
بس الحين قاعده استعمل سيروم استي لودر وبشوف النتيجه لاني مو ملتزمه فيه عدل اخلصه واعطيكم النتيجه اذا نفعتني

واذا ما فادني بستعمل هذا السيروم
من كلينيك

او هذا السيروم من بينيفت

هذولا اللي حاطتهم ابالي بالنسبه حق المسام
ولا تفكرين تطقين ابر النضاره لان شي مؤقت والنضاره اتيي من العنايه والاكل الصحي والماسكات

وانصحج بهذا الماسك العجييييييييييييييييب من الهملايا تشترينه من الجمعيه وحيل رخيص وتشوفين نتايجه من اول مره
اسمه ماسك النيم (اذا كانت بشرتج دهنيه او مختلطه)

ولازم كل يوم تمسحين بشرتج بتونيك مناسب لنوعية بشرتج
وكل يوم رطبيها
الاهتمام يعطيج النضاره ويصفي بشرتج حيل (عن تجربه)

وقبل لا انسى:
ماسك الطماط المهروس (علمتني عليه فلبينيه)
يصفي بشرتج ويعطيها منظر وايد حلو..
ونصيحتي لا تستعملين كريمات مضره لبشرتج وتكون نتايجها سلبيه!
نفس الرتن ايه ومادري شنو!! ما تدري شيسوي على المدى القريب والبعيد!!