افا علييج ماطلبتي شي اضبطج ^^
من الجمعية و لو تروحين جمعية الفيحاا يكون احسن بهاراتهم تهبل و كل الانواع هنااك
روحي صوب البهارات
اكو بهار بحريني للحم وعليه صورة خرووف اخذيه يهبل للمجابيس
و في ماركة بهارات اجنبية عليها صورة شيف اسم الماركة magic
اخذي منه : بهار الفاهيتا حلوة للدياي و الاكلات المكسيكية و اللحم المفروم و بهار السمج السالمون وايد حلوو اتبلين فيه بطن السمج من الداخل لانه صاير حب وبهار ايطالي للبيتزا و الباستا في بالفلفل و في بدونه
وفي بهار الكاري العلبة المعدنية الخضرا
ماركة طيارة تعطي نكهه حلوة للحم المفرروم و الحمسات وحشوات السمبوسة الخضرة و اللحم
وفي ماركة اسمها اطايب شغلهم دايما طاززج
اخذي منها الثوم البودرة و السماق و الاوريغانو
و البابريكااا هذي تحطينها مع الحمسات و الاكلات المكسيكية
و بهار السمج مالهم بعد حلو
وبهار كويتي بني و بزار سعودي لونه فاتح هذول روعه لمجبوس الدياي و الحشو
والكمون و الكزبرة و الدارسين لو ناقصج اخذيها من هالماركة وايد نظيفة
وعندج صلصة ورشستر لونها بني مثل الصويا صوص بس طعمها مو قوي مثل الصويا
حلوة للتتبيلات / الدياي اللحم او تحطين منه شوي بالمرق ^^
خلصنا من الجمعية
الحين خلي وجهتج صوب سيتي سنتر او جيان شوفي ايهم اقرب لج
هذول عندهم اخطرر ماركة بهار تخليج تصيرين
شيفة اصلية بالطباااخ وخاصة بالبرياني و المرق
روحي صوب الاجار و الصلصات و هالسوالف مو البهارات لا
في ماركة اسمها بريا priya
شغلهم اتعب وانا اقولج شي شي
اخذي منهم كاري في نوعين للخضروات هذا لكل شي و في كاري لغير الخضروات يعني للحوم هذا للبرياني الدياي و اللحم و اذا كنتي تحمرين الدياي مال المجبوس بالفرن استخدميه مسحي الدياية بالفرشة و شوفي الطعم
بس مو تحطين وايد حده نص قفشة وسط و ذوقي و اذا احتجتي زيادة زيدي نص قفشة ثانية لانه معجون مركززززز
و عندهم خوش صبار / تمر هندي للدقوس او خففيه بشوية ماي و خليه يغلي شوي ويثقل و حطيه فوق اليريش
و في شيين روعه للسندويشات
عندهم جتني المانجو الحلو و مخلل الكزبرة هذول تحطين منهم انتيفة مع سندويشات الجبن المالح او البيديان والبطاط او اي حمسة
وبتقولين ويني عن هالماركة من زماااان
وفي عندهم مخللات انواع واشكال لو تحبين الفلفل بس هذول تقريبا التووب من هالماركة
وهالله هالله بالدعوة الحلوة ^^
