ابي تساعدوني

[shams2008]

سلام بنات
عسااكم بخير وصحة وسلامة
بنتي عمرها سنتين ماتمشي ولاتتكلم لاوتحبي
عقلها سيلم لانها تفهمني لم اكلمها 00وايدها وريلها كله مسكره
الخلل بجنبها اليمين ماتقدر تمسك شي بيدها
قالولي الاطباء انها عندها مشكله بالاعصاب يعني اعصابها مشدوده
صارلي جم شهر بلشت معاها علاج طبيعي
ودي اعرف منو مرت عليها مثل حالة بنتي وتهقون بنتي راح تمشي ؟
علي فكرة 3مرات يحطولها موعد حق لاشعة المقطعية وتتاجل لانها تكون مريضة
ولي دش الموضوع ماعندها فكرة رجائي تدعي حق بنتي الله يشافيها
بارك الله فيكم
وجزاكم لله الجنة ​

 

[الصابرة المحتسبة]

هلا يالغالية
إن شاءالله بالعلاج الطبيعي المستمر والتدليك تكون النتايج طيبة .ومن رايي تاخذين لها موعد بالطب التطوري ومركز الوراثة لعمل التحاليل اللازمة لها لتطمئنين أكثر عليها وكل ماكان العلاج والمتابعة أسرع كل ما تكون النتائج أفضل وأسأل الله العظيم رب العرش العظيم أن يشفيها.

 

[غربة الروووح]

هلا اختي الله يشافي بنتج من كلامج بنتج عندها مشكلتين المشي والكلام افضل انج تودينها دكتور اعصاب انا مع اختي الصابره انج تودينها الطب التطوري بس مواعيدهم اطول انتي سويلها موعد وروحي حق دكتور ثاني انا رحت للدكتور هشام الخياط بدار الشفا وهو مختص بالاعصاب علشان حالة ولدي وطلب تحاليل وتخطيط للاعصاب اما عن الكلام افضل انج تودينها للدكتور محمد سعيد واذا عندها مشكله بالسمع راح يحولج للدكتور عبدالله العلي والله يخليها لج وبشرينا عنها وان شاء الله تحسن حالتها.

 

[مشاعل الشمري]

أسأل الله ان يشفيها لج ويعافيها
واستمري على العلاج الطبيعي
مع نصيحة البنات اتودينها التطوري

 

[مرمر]

الله يشفيها انشاءالله ويعافيها ويبلغج فيها

حبيبتي لازم تعرفين السبب شوفي دكتور واثنين لا تتعبين ولا تياسين لان تحديد المرض هو مفتاح العلاج
الله يعينج علي مشوار الاطباء

وبيني بينج اذا تعرفون نائب حاولي يطرشونج بره علي الاقل تعرفين المرض
ولا وديها المستشفي الامريكي بجدة وايد يمدحونه وفحصيها بالكامل
انا دكاترة الكويت ما اثق فيهم للاسف

 

[مباركيه]

من لزم الإستغفار جعل الله له من كل هم فرجا ومن كل ضيق مخرجا / الله يشفيلج ابنيتج اللهم آمين ومثل ماقالو خواتنا الطيبين العلاج الطبيعي والطب المتطور وأنا من المجربين الطي الطبيعي والحمد الله على كل حال

 

[HearT ChocolaTe]

عسى الله يشفيلج بنيتج حبيبتي..أنتي قاعده تسألين عن المشي ؟؟
يا قليبي أنتي وكلي أمرج لله وحده العالم بشفاها (( يحي العظام وهي رميم ))
ورحمته سبحانه عظيمه فهو العظيم (( ولا تقنطوا من رحمة الله ))

أما بالنسبه للمقطعيه هي ضروريه ولازم تسوينها وأنا ترى سنه ونص وكل ما جاء وقتها
تاجلت لين ربي سبحانه شاء ... وهي مهمه لكن الأهم منها (mri) وهي أشعة الرأس

شوفي فديت قلبج لازم تروحين طبيب أطفال وتبدين بالفحوصات اللازمه ..
فحص العيون .. فحص الأنف والأذن والحنجرة .. الأشعات كلها .. تحاليل الدم
وأنتي طلبيهم لا تعتمدين عليه قولي له أنا أبي أتطمن على كل شي .. وخليه يحولج لطب الوراثه
والطب التطوري أظن الأعصاب يحولونج والطب الطبيعي مهم بالدرجه الأولى أبدا لا تهملين فيه ضروري حيل

وصبر جميل والله المستعان <<< هذي الجمله مبيوقه من مباركيه
وسامحيني على الإطاله

 

[shams2008]

والله صج صج تبردون القلب
خل اوضح لكم اكثر انا وديتها اكثر من طبيب واخر شي رسيت علي مبارك الكبير عيادة الاطفال
فحصوها وسوولها تحاليل شاملة وحولوني علي العلاج الطبيعي
وديتها دكتور اعصاب خريبط الي بالجابرية
قالي خلج علي مبارك الكبير
ولازم تسوين الاشعه
وقالي فحص الاعصاب يتعب الطفل ومابي ااذيها
بس بنات معاليكم امر ممكن توضحولي شنو الطب التطوري
اول مره اسمع عنه ومنو يحولني عليه
بنتي مولوده ام 8 شهور ولاده غير طبيعيه

 

[الصابرة المحتسبة]

هلا يالغالية الطب التطوري تقدرين تطلبين من دكتور المستوصف يعطيج تحويل للطب التطوري وهناك يسوون لها كل الفحوصات اللي تحتاجها

 

[shams2008]

يعطيكم العافية
ومشكووووورين ماقصرتو
الله يوفقكم ويرزقكم من خيرة

 

[الصابرة المحتسبة]

بشرينا

 

[الصابرة المحتسبة]

رفع

 

[@شمس الضحى@]

شصار على البنيه الله يشفيهاا؟؟؟

 

[@شمس الضحى@]

شصار على البنيه الله يشفيهاا؟؟؟

 

[جبــرني اتركــه]

اللـــــــــه يشفيـهـا يآرب

 

[™〓 تۈڷيـــטּ~»❀]

ياقلبي فديت البنات والله =)
االله يشفيها وتفرحين فيها ياااارب

بشرينا عنها اول بول =)