ابي جيب ذرب ويشابه انفنتي

[الكرملين]

السلام عليكم بنات ديرتي

بغيت تعطوني نصايحكم ابي جيب حلو وياليت فيه من تصميم انفنتي لاني ماقدر على سعره صراحه


او جيب وسط وذرب:eh_s(2):

 

[أساور]

شوفي جيبات هوندا
او اكاديا من جمس

 

[أسولة]

جيب مازدا cx9 روعة:eh_s(15):

 

[فرفورة2]

حبيبتي مايبيله تفكير اخذي مورانو من نيسان البابطين جيب ذرب ونعوم ويشبه الانفنتي حيل عند رفيجتي نفسه
لمن شفته على بالي انفنتي الصراحة فخم من داخل والله يعطيها خيره ويكفيها شره امين ولايق عليها الصراحة
اهي ناعمة وسيارتها نعومة مثلها

 

[carrot^cake]

مورانو من نيسان

اكاديا من جمس

ادج من فورد

جيب مازدا وايد حلو نفس حجم الانفينيتي

 

[أسولة]

جيب مازدا cx9 روعة:eh_s(15):

حاولت امس انزل الصورة ما قدرت

شوفي هذي صورتها

 

[الكرملين]

تسلمون بنات الله يعطيكم الجنة

مازدا تبع اي وكاله وين اروح عشان اشوفه

 

[-الزين-]

ادج من فووووووووووور عجييييييييب ... ويحجى لما تشوفينه بالشارع...........

راح اخذلي واحد عن قريب انشالله.........

 

[Toulin RTN]

كل اللي قالو عنهم البنات حلوين
بس لازم تروحي تشوفيهم كلهم وانتي تقررين

 

[عبق البنفسج]

انفينيتي ونيسان نفس الشركة .. أذكر مرة كنا نسأل عن الجيب الكبير بانفينيتي نسيت اسمه فالشخص الي يشتغل بالوكالة قالنا ان المكينة وكل شي نفس الشي ماعدا العلامة وشوية تغييرات بالبودي بس
اخذي جيب مورانو من نيسان .. وعندج جيب فولفو بس مادري جم سعره وعندج فولكس طوارق حلوو وذرب وعندج جيب ايدج من فورد حلوو ونعوم وعمدج جيب شفر اليديد ماعرف اسمه .. وعندج جيب مازدا هم حلييووو

 

[أسولة]

تسلمون بنات الله يعطيكم الجنة

مازدا تبع اي وكاله وين اروح عشان اشوفه

حبيبتي مازدا تبع وكالة الشايع والصقر روحي عندهم بالوكاله بالري آنا خذيتلي واحد صارله عندي أكثرمن سنة وماشا الله تبارك الرحمن من أحسن ما يكون كافي أنه شركة يابانية 100% يعني لا تحاتين المكيف روحي عندهم وجربي بس راح يعجبج مثل ما عجبني وغير راي بجيب اللكزس مليون مرة كافي 7 مقاعد فيه وفي عدد 2 ديفيدي حق اليهال والدبة تتسكر وتنفتح بالرموت الكنترول روحي شوفيه أحسن لأن ما شا الله وايد مميزات فيه

آنا قبل لا آخذ الجيب كنت حاطة عيوني على جيب اللكزس ار أكس بس قالولي صغير علي كوني عندي ماشا الله يهال ورحت شفت اللإنفنتي صغيرحيل والأكاديا ما عجبني شكلة بالمرة وشفت جيب المورانو ما عجبني قصته من الخلف أما جيب سي اكس ناين إهوا إلي دخل قلبي من يوم شفته وسعرة كامل المواصفات خذيته مع العرض 9 كاش.

بس إنتي مثل ما قالولج البنات روحي الوكالة وشوفي السيارة إلي تعجبج وأهم شي الإستخارة والله يوفقج ويرزقج السيارة إلي إبالج فكري بالياباني والأمريكي أحسن شي حق جونا الحلو

 

[الكرملين]

بعد عمري ماقصرتوا

وخصوصا أسوله الله يبلغج في عيالج وتفرحين فيهم ماقصرتي والله