ابي حقي وماني عارفة اشلون اطالب فيه

[jen2n]

اشلونكم يا احلى معلمات في الدنيا :eh_s(7):

بنات انا مودي الحين جذي :eh_s(14):

أبي حقي :bbbiu: وماني عارفه اشلون اطالب فيه

القصه ان مدرستنا الاولى سوت عمليه واحنا ابلات القسم وايد نعزها ونحبها

فأتفقنا احنا مدرستين ان نسوي بوفي ريوق لها

وطبعا المدرسه اللي وياي قالت لي دفعي وبعدين احط وياج

طلع علي 60 دينار

والمفروض تدفع 30 وقلت لها جذي طلع علي المبلغ

والاخت قاعده تماطل الحين وتضيع الصقله

والحين انا ابي حقي

وابي طريقه اخليها تنجبر تدفع لي

يعني مو معقوله يكون باسمنا البوفيه واهي ما ادفعت شي !:bbbiu:

فأشلون الحين بنات :eh_s(10):

 

[الحياة فرص]

والله هالنوعية مال تبطينها بالوجه وقوليلها وين فلوووسي؟!
ههههههه

 

[jen2n]

مشكلتي ما اعرف اقول وين فلوسي



واذا ما عندج يا ابلة ليش ما قلتي من اول عشان ما اتورط

 

[_--_]

اب اب اب اب اب

لعيووونج
​

 

[*السكب*]

انا مو مدرسه !!​

بس ان كانت ظروفك ok لاتحاولين تطالبينها واحتسبي الاجر عند الله لاتنزلين نفسك لها ويمكن ماعندها الحين ولا تطيحين في هالغلطه مره ثانيه​

يعني اللي دفعتيه احتسبيه صدقه ​

ولك اجر اطعام الطعام​

عَنْ أَبِي مَالِكٍ الأَشْعَريِّ رَضِيَ اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ : « إِنَّ في الْجَنَّةِ غُرَفَا يُرَى ظَاهِرُهَا مِنْ بَاطِنِهَا ، وَبَاطِنُهَا مِنْ ظَاهِرِهَا أَعَدَّهَا اللهُ لِمَنْ أَطْعَمَ الطَّعَامَ ، وَأَفْشَى السَّلامَ وَصَلَّى بِاللَّيْلِ وَالنَّاسُ نِيَامٌ » .


سبحان الله وبحمده ... سبحان الله العظيم
:33_1185028183:​

 

[∫ ∫ ∫ ∫ جــوان ∫ ∫ ∫ ∫]

كلميها على بدايه الاسبوع الجاى تكون الرواتب نازله وعادى اطلبيها منها قولى فلانه عفيه ترى ابى المبلغ ضورى ولى يعافيج

وما اشوف انه عيب تكلمينها مره ومرتين هذا حقج

وبالنسبه للاخت الى تقول لا تاخذينها منها واحتسبيها صدقه ما اوافقج الراى الواحد اذا يبى يتصدق يتصدق من كيفه والمبلغ الى

يبى مو مبلغ ينوخذ منه بالحيله والكذب

بعدين طلمها انها مدرسه يعنى مشا الله عندها راتب زين ولو عندها ظروف جان اعتذرت انها تساهم بالبوفيه مو تماطل

 

[LA TROO7]

شدعواا

نطري عليها شوي ترا كلها 30

 

[طالبة1990]

مالومج صج شي يحر

الواحد يحتاج لكل فلس هاليومين

بس خبرج احنا ع نهاية الشهر والكل مفللس

وادري انه مو ذنبج

بس ذكريها هاليومين

او انتظري عليها لي الاسبوع الجاي مع المعاشات

اما سالفة انج تسكتين ما انصحج فيها

المثل يقول اذا تبي حبيبك دوم حاسبه كل يوم

 

[رزه مرتزه]

حرام لا تظلمينهاا يمكن ما عندها الحين نطري حزة المعاشات هي من نفسها بتعطبج

وهي الظاهر كان بخااطرها تشارك بالبوفيه واكييد بتعطيج الفلووس

 

[jen2n]

اذا ما عندها اشحقا تقول لي بحط معاج

ومو سالفه ال30 دينار السالفه سالفة مبدأ

عيب تاخذ وتقول بعطي واهيا راح تعطي طاف

اصلا ما اسألت جم المبلغ انا اللي قلت لها بعد ما خلص البوفيه ان جذي جذي

قالت اوكيه وعطتني طاف !

 

[JOoORY2000]

هذي خباثة الحريم في المدارس يلوعون الجبد والله مر علي اكثر منة جذي وبوقاااحه اشكره
بس حبوبه هذي طافت
مرة ثانيه ودي حلو وقهوة باسمج بروحج وهدية بخور وعطورات
وخلاص علي الاقل شغلج باسمج ومبين

ولا تجي وحدة تتجمل علي ظهري وعلي حسابي
ليش فقيرة مسكينه. كلبونا معاشاتناوصلت الالف وامهات عيال ومسووليات عندنا>>~>> اشدعوا ماعندهاا
بس العيب عيب ما قط نفسي بوقاحه علي الحريم وين قاعدين

 

[ام الحوراء زينب]

انتي 30 انا 50
قالتلي اشتري وادفعلج وبعدين سحبت علي وانتقلت هههههههههههههه

 

[قمر الكويتية]

ما شاء الله البنات عطوك أكثر من حل
و أنا رأيي إذا تستحين تكلمينها دزي لها مسج ذكريها بالمبلغ
و الله يعينك

 

[Miss independent]

عطيها فرصة لي المعاشات

 

[المها الابيض]

مادري والله شقولج
بس نطري عليها يمكن تردهم على المعاش

 

[اريج الجوري]

انا قطيت ٩٠ دينار من جيبي على اليوم المميز للقسم وما عطوني الا ٢٦ دينار مع اني مو ملزمه ادفع بروحي لكن محد رضى يسوي الشغل وقالت لي رئيسة القسم

اعطيج كل حسابج بس عاتي فواتير وجبت فواتير وما شفت غير ال٢٦ من الكورس اللي فات ،،،

ويوم قلت ابي باجي فلوسي قالوا ماعنطنا ميزانيه وعديه من بند التعاون ؟؟؟؟

بس هذا درس لي مره ثانيه ما ادفع ربع دينار بشي ما يطلع باسمي بروحي ،..

 

[اريج الجوري]

شكثر بدليات مالي خلق اعدل ،،، ههههههههههه

 

[zqertya]

خلاص خلي البوفيه باسمج قولي انا اللي سويته اذا قالوا فلانه معاج قولي لا انا بروحي دفعت بس حبيت احط اسمها معاي وحتى لو ازعلت قوليلها الحق ماينزعل منه وبس

 

[ترف بابا]

حبيبتي جيبوا طاري المعاشات وقوليها اشكره

صج فلانه انتي ماعطيتيني حطة الريوق ؟؟

لاتستحين ... انا عندي وحدة تطلب من المطعم الهندي لما يصير عليها الدور يطلع الحساب دينار وميتين او دينار ونص

ولما يصير دوري تسلط تنقي المطعم وتوصيني علي العصير الغالي لازم طاازج وساعات صمدي غير الريوق طبعا تخيلي... مره مرتين لما لاعت جبدي

قلت تري ما عندي الا 3 دنانير بطلب علي قدها - حست وانجعمت *

 

[PuPa^^SWeeT]

نطري الاسبوع الياي اقصاهم 3 ايام




بعديين قوليلها الاسبوع الياي اذا ماعطتج ويين فلووسي حبيبتي



انا محتاجتهم



و فصلي عليها مسجات و ساليها جدام الابلات

ومرة ثانية لاتشيلين عن احد ماتعرفين اخلاقه عدل