ابي حل حدي مضايقه ؟؟؟؟؟؟؟؟؟؟؟؟

[وليدي حبي]

السلام عليكم


انا توني متزوجه ما صار لي سنه
وانا كنت منقبه عند اهلي و زوجي
مايبيني البسه يقول هذا النقاب انا
ما احبه قطيه قطيته وقمت البس عبايه
مع ملفعهاا ابي ارضي زوجي وللعلم
شكل زوجي صغير يعني مو جنه متزوج
حتى انا شكلي صغيره يعني حتى لما نروح
مكان علبالهم انه اخوي المهم ما اطول عليكم
بس اخوي بط جبدي يقول لي البسي النقاب
وانا الحين محتاره شسوي وزوجي ما يبيني
البسه والله حدي مضايقه والله انه ولا شعره
تطلع من راسي حتى مكياج ما احط لما اروح مكان
شسوي بنااات تكفون ابي حل انا كلمت زوجي
وقال لي ماله شغل فيج انتي الحين على ذمتي



ابي حل .......

 

[bitter-sweetness]

ما ادري والله
اهوا النقاب مو مفروض علينا
بس انتي اذا حابيه تلبسينه اقنعي ريلج
و صدقيني بيقتنع
و اذا عادي عندج ما تلبسينه
انتي الحين على ذمه ريال
و اخوج ما يتحكم فيج

 

[ليت العتب يكفي]

يعني شلون كنتي تغطين وجهك والحين شلتيه وصرتي كاشفة وجهك لان زوجك يبي كذا ؟؟؟؟؟مو معقووووول

تذكري اختي لا طاعة لمخلوق في معصية الخالق

اتمنى اني فاهمة غلط

 

[ليت العتب يكفي]

اختي bitter-sweetness
ديري بالج تفتين بدون علم لان اي احد يقراء ردك بيكون عليك حجة يوم القيامه

وذا عندك شك بغطاء الوجه فسري هذة الأيه من كتاب الله عز وجل

{يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً }الأحزاب59

والله يسترك دنيا وأخرة اختي

 

[MoonDiamond]

استفتي عند شيخ ثقه احسن لك

 

[فخامه كبريائي]

رد : ابي حل حدي مضايقه ؟؟؟؟؟؟؟؟؟؟؟؟

الله يهديه ريلج ...في احد ما يبي الستر لمحارمه ...!!
بس همن كلامه صح ان اخوج ماله شغل فيج و انتي الحين على ذمته ...

 

[rehana69]

اخوج شكوووووووو؟؟؟؟؟؟؟؟!!!!!!! ماله شغل انتي على ذمة ريااااااال!!!!!!
وبصراحه ماقدر افتي بسالفة النقاب اذا يصير اتقطينه او لا لانه مونفس الحجاب اللي تلتزمين فيه وماتقدرين اتقطينه!
بسس نصيحه سالي شيخ دين فيها اضمن واريح لج وموفقه خيتوووووو

 

[ليت العتب يكفي]

اختي bitter-sweetness
ديري بالج تفتين بدون علم لان اي احد يقراء ردك بيكون عليك حجة يوم القيامه

وذا عندك شك بغطاء الوجه فسري هذة الأيه من كتاب الله عز وجل

{يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً }الأحزاب59

والله يسترك دنيا وأخرة اختي

 

[CUTE_LIZ]

صراحه من عذره اخوج صعبة وحدة منقبة وتقط النقاب..عالعموم مادري شقول صراحه الله يعينج ويقدرج على اللي فيه الخير

 

[monmon12]

حبيبتي انتي طلعتي من ذمة أهلج ومالهم راي عليج

انتي بذمة زوجج شنو يقول تسوينه
تدرين حتى لو يقولج ما تروحين حق أهلج ما تروحين والا يصير عليج ذنب

صح خطأ ايهو الي يتحاسب مو انتي
وعموما النقاب مو شرط أساسي في الحجاب لأن السلام أجاز حق الملاأه ان تظهر وجهها وكفين ايدها

 

[نانسيq8]

رد : ابي حل حدي مضايقه ؟؟؟؟؟؟؟؟؟؟؟؟

اهم ماعليج ريلج ! دامج لابسه ومستره اخوج لايدخل بحياتج ! يدخل بحياة زوجته بس .

 

[FeShinGoOo]

رد : رد: ابي حل حدي مضايقه ؟؟؟؟؟؟؟؟؟؟؟؟

حبيبتي انتي طلعتي من ذمة أهلج ومالهم راي عليج

انتي بذمة زوجج شنو يقول تسوينه
تدرين حتى لو يقولج ما تروحين حق أهلج ما تروحين والا يصير عليج ذنب

صح خطأ ايهو الي يتحاسب مو انتي
وعموما النقاب مو شرط أساسي في الحجاب لأن السلام أجاز حق الملاأه ان تظهر وجهها وكفين ايدها

معاها
النقاب مو فرض بس مستحب
واخوج مو ولي امرج حبوبه

 

[وليدي حبي]

رد : ابي حل حدي مضايقه ؟؟؟؟؟؟؟؟؟؟؟؟

مشكورييييييييييييين على المرووووور يا حياتي تسلموووون

بس انا كنت لابسه نقاب العادي السير مو الكامل وعبايه كتف

 

[monmon12]

اختي bitter-sweetness
ديري بالج تفتين بدون علم لان اي احد يقراء ردك بيكون عليك حجة يوم القيامه

وذا عندك شك بغطاء الوجه فسري هذة الأيه من كتاب الله عز وجل

{يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً }الأحزاب59

والله يسترك دنيا وأخرة اختي

اختي حبيبتي النقاب مو واجب لبسه للمرأه ان تظهر وجهها وكفين ايدها

معنى كلمة جلباب
http://baheth.info/all.jsp?term=جلباب
والجِلْبابُ القَمِيصُ.
والجِلْبابُ ثوب أَوسَعُ من الخِمار، دون الرِّداءِ، تُغَطِّي به المرأَةُ رأْسَها وصَدْرَها؛ وقيل: هو ثوب واسِع، دون المِلْحَفةِ، تَلْبَسه المرأَةُ؛ وقيل: هو المِلْحفةُ. وأَوّل المرثية: كلُّ امرئٍ، بطُوالِ العَيْش، مَكْذُوبُ، * وكُلُّ من غالَبَ الأَيَّامَ مَغْلُوبُ وقيل: هو ما تُغَطِّي به المرأَةُ الثيابَ من فَوقُ كالمِلْحَفةِ؛ وقيل: هو الخِمارُ.
وفي حديث أُم عطيةَ: لِتُلْبِسْها صاحِبَتُها من جِلْبابِها أَي إِزارها


وتفسير الآية الكريمه

حسب مجمع الملك فهد لطباعة الصحف الشريف من الموقع التالي
http://www.qurancomplex.org/Quran/tafseer/Tafseer.asp?nSora=33&t=katheer&l=arb&nAya=59#33_59


موجود اهني
التفسي الميسر
أيها النبي قل لأزواجك وبناتك ونساء المؤمنين يرخين على رؤوسهن ووجوههن من أرديتهن وملاحفهن؛ لستر وجوههن وصدورهن ورؤوسهن; ذلك أقرب أن يميَّزن بالستر والصيانة, فلا يُتعَرَّض لهن بمكروه أو أذى. وكان الله غفورًا رحيمًا حيث غفر لكم ما سلف, ورحمكم بما أوضح لكم من الحلال والحرام.

 

[monmon12]

اما الموقع هذا
http://www.saaid.net/female/h27.htm

ناقش النقاب

الحمد لله والصلاة والسلام على رسول الله صلى الله عليه وعلى آله وصحبه أجمعين وبعد .
فقد اختلف العلماء رحمهم الله في حكم تغطيتهما وكثير من الناس يجهل ويخلط في هذه المسألة ، ولذا لابد من تحرير محل النزاع بين العلماء فيها .
أولاً : محل الخلاف إنما هو الوجه واليدين ، أما ما عداهما فيجب فيها التغطية بالاتفاق ؛ كالقدم ، والساعد ، وشعر الرأس ، كل هذا عورة بالاتفاق .
ثانياً : اتفق العلماء على وجوب تغطية الوجه واليدين إذا كان فيهما زينة كالكحل في العين ، والذهب والحناء في اليدين .
ثالثاً : اتفق العلماء على وجوب تغطية الوجه واليدين إذا كان في كشفهما فتنة . وقد نص كثير من العلماء القائلين بأن وجه المرأة ليس بعورة على وجوب تغطية الشابة لوجهها دفعاً للفتن

....................... بعدين قال

فمحل الخلاف إذاً بين العلماء هو الوجه واليدين فقط ، إذا لم يكن فيهما زينة ، ولم يكن في كشفهما فتنة ، واختلفوا على قولين : الوجوب والاستحباب . فالقائلون بأن وجه المرأة عورة قالوا بوجوب التغطية ، والقائلون بأن وجه المرأة ليس بعورة قالوا يستحب تغطيته .




أما العلماء فإنهم لما بحثوا المسألة بحثوا عورة المرأة ؛ هل الوجه عورة ؟ أو ليس بعورة . بمعنى هل تأثم المرأة إذا كشفت وجهها أو لا تأثم ؟ أما استحباب تغطية الوجه للمرأة فهو محل اتفاق بين القائلين بأن وجه المرأة ليس بعورة

 

[eman12]

انا مو منقبه بس بصراحه عندي الوحده لي كانت على وضعيه معينه بالحجاب تلتزم فيه يعني اللي تلبس عباة راس او كتف او بدل تظل تلتزم بالشكل اللي يكون ساتر جسمها وموباين منه الا ماحلل الله لنا فيه

 

[-Bello-]

رد : ابي حل حدي مضايقه ؟؟؟؟؟؟؟؟؟؟؟؟

ايي صح اخوج ماله شغل

 

[0(مـــســـ(مطير)ــــــك)0]

البنات الموضوع مو للفتوى عشان كل وحده تحط رايها وتفتي من راسها ..

صاحبة الموضوع اذا تبين فتوى روحي القسم الاسلامي واذا تبين حل لمشكلتج اكتبي بالموضوع بدوووووووووون فتوى ؟!؟!

كلن يفتي من راسه .. !!!!!!!!!!!!!!!!!!!!!

 

[دنيا جديده]

اللي اعرفه انج طلعتي من ذمة اهلج وعلى ذمة ريلج يعني اخوج ماله شغل لو شنو يلبسج زوجج الاهل خلاص مايتدخلون

 

[وليدي حبي]

رد : ابي حل حدي مضايقه ؟؟؟؟؟؟؟؟؟؟؟؟

تسلموووووووووون على مروركم العسسسسسسسسسسل والحلوو على قلبي

ومشكورين على المساعده حبوباتي