ابي حل لبشرة بنتي 00فيها حبوب,,

[*رومنسيه*]

السلام عليكم 000انا عندي بنت عمرها 10 سنوات طالع لها بوجهها حبوب حمره صغيره رحت للطبيب وعطاها علاج ومانفع ابي حل 000!هل صابونه الكركم اللي عند العطار تنفع وتحل المشكله لأنه بادي بالجسم شوي سااااعدوني بليز حدي متضايقه من الحبوب اللي ببنتي

 

[whitish]

رد: ابي حل لبشرة بنتي 0000؟

يعني حب الشباب ولا حب حساسية ولا شنو قصدج اختي ؟

لانه انا بنتي نفس الشيء عمرها عشر وطلع فيها حبوب وتكسر خاطري تقول ماما ليش ويهي جذيه ورفيجاتي بالمدرسة ما فيهم ؟!

والبنات بهالعمر فيهم قسوة يعني يتطنزون علي بعض وتقولي كله يضايقوني ويقولون لي ليش ويهج جذيه !

والله كاسره خاطري وابي حل

 

[CANDLES]

رد: ابي حل لبشرة بنتي 0000؟

غسول كلين اند كلير البنفسجي زين بس ماادري بعد يمكن بشره عن بشره تختلف او اهيا يمكن حساسيه يبيله علاج بس هالغسول زين

 

[نووووونا]

تم تعديل العنوان

 

[*رومنسيه*]

مشكورين عالمرور 000الحبوب اللي بوجه بنتي قالي الدكتور انا حب شباب مو حساسيه والمشكله ان هالحبوب ماتطلع الا بوقت المدارس والصيف بذات وماني عارفه سببها وشنو هي بالضبط والمشكله اني وديتعا لاخصائي جلديه وكل ماعطاني كريم قام يحرق بنتي ويتكاثر وعلييييييه بنتي وغيره الكريم الدكتور مافيه فايده كل واحد العن من الثاني وبنتي تعبت ونفسيتها تعبت تقولي ماما شمعنا انا بالعائله وبين رفيجاتي اللي وجهي فيه حبوب مع العلم ان بنتي من النوع الحساس جدا 00جدا 00جدا وتسلمون وناطره الرد منكم

 

[white**angel]

اهيا انشاءلله فتره وتعدي وبعدين يصير ويها صافي
انا اقولج لا تستخدم صابون في اشياء كيمياءيه ومادري شنو
خل تستخدم صابون طبيعي والله احسن لها
وصابون رقي وايد زين خل تستخدمه

 

[مــســك]

اختي شووفي .. ترى النفسيه تلعب بالدور ولها آثر جسدي وصحي ..

وانتي قلتي ان ما تطلع الحبوب الا بوقت المدارس وبالصيف ..

شوفي بوقت المدارس .. يمكن تكون بنتج متضايقه من الدرس او من المدرسات او من الطالبااات والشيء هذا يلعب بالنفسيه ويخليها تتعب عشان جذيه طلع فيها الحبووب ..

وكــون بنتج انها حساسـة .. ما تتحمل يمكن حرارة الصيف .. والصيف له اثر في تلاعب بالبشرة وبالبدن ..

وعلى فكرة ترى الشوكولاته تسبب ايضااا ظهـور الحبوب في البشرة .. اذا كانت بنتج تآكل الشوكولاته وايد خليها اتخفف منه ..

والآهم من هذاا يمكن الي ادى ظهور حب الشباب آن بشرة بنتج نوعها دهني .. والبشرة الدهنيه تسبب ظهور حب الشبااااب ..

الحــل .. آول شيء هيئي نفسيه بنتج وقولي لهاا هذي فترة وتعدي وتطلع حق كل بنت عند فترة البـلوغ .. طبعا فترة البلوغ بين 11 و 13 سنه في البنات ..

ثاني شيء عليج يا اختي المرة ترى مفعولهاا عجيب والكل استفاد منه .. آطحني المره وخليها ناعمه مع شويه ماي ورد .. وحطيهم بشرة بنتج ..

وانشالله تتشافى من هالحبــوووب ..

وآسمحيـلي ع الأطالــة ,, واتمنى إني افدتج

 

[*رومنسيه*]

whitish-احلى حلاوه-@نجد@-lulu91-مسك- تسامولي حبايبي عالمرور وانشاء الله بستفيد من خبراتكم ومعلوماتكم والله يجزاكم خير

 

[اميره الاميرات]

مرحبا بنات شلونكم انشالله بخير؟

بالنسبه حق البشره ومشاكلها انصحكم بمركز الدكتور عادل قطينه عندهم 3 اخصائيات زينين انا بنت عمتي بشرتها مو حلوه

وعالجتها اهناك عموما الاستشاره عندهم فري روحوا وشوفوا شنو بشرتكم محتاجه واذا ارتحتي جربي وسوي صراحه اهم

شي هالايام الواحد يهتم بجماله

 

[^^ ريان^^]

اشتري لها غسول للوجه
وعطي لها المره نقعيها بنص فنجان ماي ورد ليين تذوب وبقطنه حطيه علي مكان الحبوب
حطيها لها باليوم ثلاث مرات
وعلميها لاتعبث بالحبوب
وقللي لها الدهون باكلها والمقالي والحلويات اقطعيها
وانشاء الله ما تشوف شر

 

[amoonaa85]

وي بنتج صغيره لاتستخدميلها هالاشياء يمكن اللي فيها حساسيه
روحي موسى جبر او الدكتور اللي معاه اذا ما خاب ضني اسمه احمد
ولا تلعبين ابشرة بنتج