ابي حل ..

[ذبحني الفراق]

السلام عليكم ..


بدخل بالموضوع على طول لانه ذاااابحني


بنات انا بـ 12ع

وابوي توفى من اسبوع .. وحالتي مايعلم فيها الا الله




المهم

الامتحانات ماباقي لها شي .. وانا والله للحيني ماااادرست شي

بالاول قلت بدش لجنه خاصه يمكن يساعدوني عشان ظروفي .. بس الوكيله الله يسامحها حيل حبطتني قالت اوكي ادخلج لجنه خاصه بس بعدها ماعرفج .. قلت ولا منت احد اخذ الامتحانات كلها مؤجل وادرس وانجح بمجهودي .. بس يابنات امي ذبحتني تقول اذا تبين تريحيني قدمي الامتحانات وهالله هالله بالنسبه الي كان يبيها ابوج .. محد حاس باللي فيني انا والله ماقدر ادرس احس مالي نفس شي ولاني طايقه نفسي ..بس مع كل هذا قلت مو مشكله اضغط على نفسي واقدم الامتحانات عشان امي وابوي ..


الحين الي ابيه منكم تعطوني جدول انظم فيه وقتي والي عندها تلاخيص لاتبخل علي ..

واهم اهم شي دعواااتكم لي ..


اسفه ادري طولت عليكم بس وربي مخنووقه وحيل مظايقني هالموضوع ..

 

[صدى القلب]

حبيبتي والله

عظم الله اجرج بوفاة ابووج وعسى الله يرحمه ويغفر له ان شاء الله


شوفي حياتي حاووولي تضغطيين على رووحج شووي اذا مو عشاانج عشان امج وابوج الله يرحمه

حاوولي تدرسين الموااد الصعبه علييج حييل بس مو كلها لالا

ادرسي الجزء اللي مافتحتييه كللش يعني مال الفتره الاولى وامتحانات القصيره مالت الفتره الثانيه لاتفتحيينه بس ادرسي اللي مافتحتيه ولا درستيه كلش

ومثلا يكون الصبح ماده والمغرب ماده وجذي يكوون عندج وقت ان شاء الله مني لي الامتحانات

وترى الحمدالله احنا يا 12 جداولنا حلووه الحمدالله فيه مجال ندرس


وحاولي وانتي تدرسين تشغلين قرآن وتعوذي من الشيطاان وانسي فكره اللجنه الخااصه

وحطي دافع لج انتي جذي تحبطيين رووحج لا قوولي انا شاطره واقدر انجح بأذن الله بدوون مساعده احد ولا لجنه خاصه

واستغفري واااجد ترى والله زيين الاستغفار



ونصيييحه من اخت
بس اذا كنتي تسمعيين اغااني حاولي ماتسمعيين فتره الامتحاناات كللللش كللللش شغلي بداله القرآن
والله لج ولكل البناات لان الاغااني تجييب الضييقه فووق مانتي متضاايقه وتخلييج تسرحيين وااجد وهم تصيرين مهموومه
لو تعرفوون احد يسمع الاغااني والله بتشوفوونه على طوول متضاايق ومتكدر ومهمووم ويسرح وااجد
اما اللي يسمع القرآن ماقوول خالي من الهمووم بس يكفي انه مرتااح وهو قرريب من ربه وتلقى وجهه منوور ولله الحمد


فشغلي القرآن منها تاخذين اجر ومنها ترتااحين وتنفتح روحج للدراسه


وسوري طولت عليج حبيبتي بس توكلي على الله ولاحفزي روحج من الداخل وابعدي اني ماقدر ومادري شنو من هذا الكلام
وفيييه وقت لاتقولين ماكو وقت فيييه عندج من اليوم لي الثلاثا كل يوم ادرسي مادتيين واهم شي الصعبيين عليج حيييل ويحتااجون تركيز اكثر

والله يعينج ويووفقج ويوفقنا معااج ونتخرج السنه هذي ونرفع راس اهلنا والتوفيق من الله

 

[اسيل الصمت]

رد : ابي حل ..

يا حياتي

عظم الله اجركم
درب الكل ماشي فيه

حبوبه انتي ما تقدررين تدرسين لان نفسيتج
تعبانه لا تجبرين نفسج بتتعبين وايد

مخليهم مؤجل وحسبي الله عليها هالناظرة ماتقدر الظروف


الله يعينج

 

[3so0ola_94]

عظم الله أجرج حبيبتي والله يكون بعونج
ان شاءالله البنات مايقصرون معاج

 

[ذبحني الفراق]

مشكورين بنات ..

 

[كويتيه و اافتخر]

رد : ابي حل ..

عظم الله اجركم
اب اب

 

[lojeeen]

عظم الله اجرج حياتي

و المراجعه اهم شي ركزي على أسأله التقويم خصوصا لو كان تخصصج علمي اكثر شي الأسألة تجي من التقويم و خلي إيمانج بالله قوي

 

[ذبحني الفراق]

لا وازيدكم .. دقيت على اكثر من 10 مدرسين فيزيا وولا وااااحد فيهم راظي يجيني ..

الحمدلله على كل حال ..