ابي حل

[english muffin]

مرحبا بناات
بنات انا صار لي جمن شهر متزوجة اوكي ومن شهرين او 3 بس صرنا نجرب قذف داخلي عشان الحمل
بس انا مااعرف حق هالسوالف ومتوهقة .. مثلا كل مرة بعد الممارسة انبطح لي 15 دقيقة جذي عشان قالو لي هالشي يساعد عالحمل المهم لين اقوم اوقف (سوري عالمصطلحات) بس المني كله يرد يطلع مني !!!
يعني لين اقوم بغسل اجوف روحي متوصخة اصلا ومادش شي
شاسوييي حق يدش ويتم ؟ ابي احمل اخاف هالشي يأثر
اروح الدكتورة ؟؟
مو عارفة شاسوي

 

[Dancing^Queen]

الف مبروك ياعروسه ان شاءالله منه المال ومنج العيال

ترا الوصف اللي ذكرتيه عادي
وهذا الوضع الطبيعي
وانتي يتراولج ان كل شي نزل بس بالواقع لأ في كميه تظل دااخل
والله يكتبلج حمل
لاتحاتين

 

[ميمي..]

انا سمعت ان اللي يطلع يكون شي زايد
واذا تبين تحملين
ارفعي رجلينك لمده ساعتين
والله يرزقك بالحمل السليم

 

[الشيخة@]

شئ عادي حبوبه نفس الاخت الي فوق كلامه صح

 

[english muffin]

صج يعني ماحاتي ؟؟
انزين ابي اشياء تساعدني عشان احمل
وضعيات .. اكل .. اي معلومة ممكن تفيدني بليز لاتبخلون علي

 

[توتا حمرا]

اللي يصير شي عادي لاتحاتين
واذا خلصتو لا تتحركين وارفعي ريلج بعدين نامي على جنب​

 

[شقرا كويتيه]

والله شوفي حبيبتي هو اللي صار وياج طبيعي اصلا بس لوالله كاتبلج تحملين بتحملين لوقمتي بسرعه والله يرزقج بالحمل يارب

 

[بيتي بوب بس كويتيه]

حبيبتي عادي لازم يطلع

 

[غـرامـي أنـت]

عاااااااااادي طبيعي

 

[أم توتو]

سبحان الله اختي الحيوانات المنويه لمايقذفها الرجل بالملايين ماتلقح البويضه الاوحده منهم والباقي يموت
وانتي بوقت ايام التبويض عندج مدتها ثلاث ايام اللي بعد الدوره بخمس ايام يحدث حمل ان شاء الله والله يرزقج بالذريه الصالحه

 

[جنى q8]

الله يرزقج الذريه الصالحه ان شاءالله

 

[غلا-زوجي]

الله يهينج ويكتبلج حمل ..
ثاني شي لمن تخلصون شفتي الفراش وراج مو يصير تاج السرير نفسه نامي عكس وخلي ريلج فوق تاج السرير وخلج ساعه بعدها قومي يا حطي تحت ريلج مخدتين وتمو بالفراش سولفو مده بعدها قومي غسلي ان شاء الله تصيب ..

 

[noo7a]

شي طبيعي ينزل منج الزايد من المني
بس سؤال شلون يعني تنبطحين ؟ انا الي اعرفه ترفعين ريلج على تاج السرير
كل يوم عطي صدقه بنيه الحمل
والله يكتب لج انشالله الحمل بهذا الشهر

 

[أم شيوووخة]

حبيبتي هذا أمر طبيعي
ما تتلقح بالبويضة إلا وحدة بس
وربج يكتب لج الولد الصالح
إنتي ادعي وبس وربج كريييييييييم

 

[عاشقة_الجمال]

حبيبتي عادي هذا اللي زايد اهو اللي يطلع معاج

بس تأكدي ان في جزء منه دش داخل لا تحاتين

 

[english muffin]

ان شاااااء الله الله يرزقني و يرزق كل محرومة يارب .. شكرااا بناات

 

[Tom ♥ Jerry]

.،



حبيبتي عادي يا قلبي لا تحآتين دش دآخل
طبيعي مآ يدخل كلا و يطلع شوي !

عقب الجمآع آنسدحي نص ساعه الى ساعه !
بعدين قومي شوي شوي و روحي غسلي و سبحي و بس ،
لا تحآتين طريقج صحيحه حق الحمل

و عسى الله يرزقج الذريه الصآلحه يارب (=

 

[مناير ...!]

حياج الله
رفعي ريولج وحطي تحت حوضج مخده
والله يرزقج

 

[زوجة عزيز]

الف الف الف مبروك الزواج والله يهنيج ويكتب لج الذريه الصالحه روحي حق الدكتور احمد بركات

 

[هذا مزاجي]

ياعمري اكيد في جزء دخل للرحم لاتحاتين
واذا تبين الحمل كثرو الجماع وقت التبويض ومثل
ماقالو الخوات بعد الجماع لا تقومين خلج منسدحه
وارفعي رجولج
والله يرزقج من فضله ياااارب