ابي حيوان حق ولدي شنو ؟

[:: Diva ::]

السلام عليكم












عمره سنه اسم الله عليه
يموت بالقطاوه
بس حرام اشوفه يهجم على قطوة اختي
حرام اخاف يعورها و اخاف اهو يتعور




يستانس على سمج الزينه
بس ما احبهم لان الماي يبي له تنظيف
و اكسجين و عنايه



مستانس على الكاسكو
بس الطيور ازعاج و وصخ
ما احبهم



الارنب
اخاف يعضه !
او اييب له امراض


الكتاكيت
حرام ما ابيها تموت


الجلب
مع اني عندنا فوق 24 جلب بالياخور
بس عمري ما خليته يلعب او حتى يشوفهم
نياسه









شسوي ؟
:eh_s(3)::eh_s(3)::eh_s(3)::eh_s(3)::eh_s(3):

 

[Qـويتية]

حبوبة .. بهالسن صعب توفرين حيوان للياهل لإن احتمال اهو يعور الحيوان أو الحيوان يعوره ... أحسن شي حبوبة طيور مو شرط كاسكو اخذي كناري أو طيور حب وتنظيف قفاصة الطيور وايد سهل وأكل وماي وبس ^_^

 

[:: Diva ::]

الطيور و السمج يلوعون جبدي !

احط له عصفورتين ؟
وااااااي ما احب العصافير

 

[Qـويتية]

حبوبة بالعكس صوتهم حلو ^_^ طيور حب أثنين أو كناري أو بلابل ويتانس فيهم .. إذا كلش كلش ما تحبين الحيوانات أو تييلج حساسية منها ((احتمال تصيبه اهو بعد بعيد الشر عنه لإنه توة صغير حيل بسم الله عليه)) وديه سوق الحمام مشيه بين المحلات اختي تسوي جذي مع عيالها أو وديه حولي بارك محلات الحيوانات ^_^

 

[dj.RomanCe]

رد : رد: ابي حيوان حق ولدي شنو ؟

حبيبتي أنا أقول جيبيله قطوهـ

مادام يحبها

والله يخليه لج يا رب وتشوفينه معرس

 

[Qـويتية]

السموحة اختي dj.RomanCe لكن القطوة رح تشمخ الولد خصوصا إنه حيل صغير هذا غير الحساسية والاعتناء فيها كبداية الطيور احسن شي والقطوة لي مسك ذيلها بالغلط أو أذونها بشدة رح تشمخ والقطوة يبيلها عناية خاصة

 

[:: Diva ::]

انا بالفعل اوديه حولي بارك
يطلع روحي يجابل الحيوانات ما يرضا يطلع
و ان طلعته يبجي و يفضحني بين الناس لوووووووووووووول



و اذا شاف قطوه بالشارع صرخ من قمة راسه
بالفعل قطوة اختي عورته
و اهو عورها


و اخاف من الامراض


متى السن المناسب لوجود بت بالبيت ؟

 

[منانا]

سمالله عليه مشالله يييبيله ارنب

بنت اختي سنه ونص يبنالها ارنب يختي حده كيوت ابيض شريناه من معرض افكاري بره فيه هنود يبيعون وملبسينهم نفانيف يهبلوون

راح يستانس عليه ما يعض ولا شي

وحتى ما يوصخ مثل اي حيوان ثاني وانتو بكرامه

واكله ممكن اي خضرا واحنا شريناله من الريال

لان بعد بنت اختي تموت عالقطاوه بس الارنب اهون

الله يخليلج اياه

 

[Qـويتية]

حبوبة احسن عمر هو إن لما يكون قادر يتحكم بقبضة ايده يعني لي بغى يمسك شي ما يفقصه انما يمسكه شوي شوي ويمسح عليه خليه يكبر شوي 3 سنين أو سنتين على الأقل بس أقولج احسن شي طيور وباجي الحيوانات لي قلت لج قطو أرنب جلب هامستر ... إلخ كلهم يبيلهم عناية خاصة وتنظيف لكن الطيور أسهل شي حبوبة كبداية ولي كبر وشفتيه يتحكم في قبضة ايده بشكل تمام وبدا يعرف الي حواليه حمليه مسؤولية حيوان أرنوب أو كاسكو ^___^ وشكرا حبوبة ... شوفي اشتري له كتب حيوانات أو اشتري له رسوم حيوانات أو طالعو برامج عن الحيوانات ^_^

 

[ســكــّر]

/
،

عليكم السلام

الله يخليه لج ويطول بعمره

بس شوفي اختي في نقطه يسوونها الاهالي يشترون الحيوانات المسكينه حق عيالهم والعيال عبالهم

لعبه ويعزرونها وتتعذب وتموت ويشيلون اثامها لانه ياهل مايعرف .. انا افضل لولدج " الطيور " اولاً لسلامته ولاتنقل له

الامراض


اولا القطط تربيتها مو بالسهله لانها تبي عنايه القطط ادنى شي تمرض وبعض امراضها تتطور وتكون بمرحله

متطوره وبعضها شرسه بخصوص الي يعزر فيها ممكن تعضه وتسبب له الجروح


/


والسمج حلو بس يبيلها نظافه كل فتره وشغلها عليج بيكون وايد اهتمام الاكل الماي والكهربا إلخ

وفتره راح يمل ولدج منها



/


الطيور البادجي الي اكثرهم يسمونها طيور الحب حلوه بس مو نشيطه ولا عندها حركه ونشاط


/


انا افضل لولدج طيور الزيبرا حلوه ونشيطه بالقفص ماتقعد وحلوه ممكن تشترين مجموعه بقفص كبيره أحلى

صج اصواتهم حلوه بس ماشوف ازعاج لهم ولا ريحه بالعكس واهتمامج لهم شي بسيط بس اهم شي

تقفلين القفص بالسيم بحيث مايفتح الباب ويطيرهم او يمسكهم ^^

وهذي صورهم




والذكر يكون لون الرمادي وملون اما الانثى بيضه شحلاتها



موفقه بإختيارج والبنات ماقصرواً :eh_s(7):

 

[:: Diva ::]

فديت عمركم مشكوووووووووووووورين
انا خايفه اييب له اي مخلوق اخاف يموت !

الله بيحاسبني عليه
فعلشان جذي بشوف الانسب الي انا اقدر اهتم فيه


اممممممممم و مع اني ما احب الطيور
و لا اوطنها بس باخذ له طيور
و ان شالله بشوف الزيبرا


و يااااااااارب يفرح ولدي فيهم
و يفرح قلوبكم

 

[al39laa]

لا الطيور وصاخه والقطاوه عنايه والارانب ريحة خايسه

والسمج اذيه مع الحوض

ليش ماتاخذينله سلحفاة !!

 

[:: Diva ::]

السلاحف ما يلعبون و يسوون حركه و صوت

 

[tnkora]

:COLOR]

:balo:

بااااي

 

[tnkora]

اخي منانا بول الرنبيسبب حاق بالرض في الكاشي اوبقعه لانه بوله تكرمون حار
ولما ييكبر يقعد يسوي الكبيره والريحه اتصير اتلوع الجبد
اقول نطري عليه لما يكبر شوي وقعدي معاه وساليه اي حيوان ودك يكون عندك:lolo:

:balo:

بااااي

 

[اسبرسو]

سنة صغير مرررة الله يخليه لك ..بهذه السن مايعرف ومايفهم ممكن يسحب ذيل القطو وتعوره او تمخشه
جيبي له دبدوب لعبة حلو يتكلم او يمشي وراح تعجبه

 

[ام ناصر 2009]

رد : ابي حيوان حق ولدي شنو ؟

اشتري له عصافير راح يستانس عليهم
انا شريت لولدي عصافير الحب معلقتهم عالطوفه ولا دراا عنهم خخخخخخخخ

 

[بـنت الكويت]

رد : ابي حيوان حق ولدي شنو ؟

احسن الكتاكيت حطيهم بقفص وحطيلهم ماي واكلهم وبس

 

[لميس]

رد : ابي حيوان حق ولدي شنو ؟

لالا في حل ....كل يومين او ثلاث ..وديه عند اختج وبس !!

 

[AmOoNa-]

حبيبتي ولدج صغير عالحيوانات بيعورهم ويصير بذمتج حراام