ابي خدمه واكون ممنونه الله يخليكم

[ام راما]

بنات الله يسعدكم ابي تساعدوني انا من السعوديه وجاتني شغاله من ثلاث شهور وهي حيل عسوله من فتره التقت بشغاله اخت زوجي وصارت بينهم مشكله واليوم تتصل بي اخت زوجي وتقول انه شغالتي قايله لشغالتها انها مسيحيه مو مسلمه بس ماتبي تقول لي وانا خايفه حيل مادري اشلون اتاكد انها مسلمه ومامدى خطورتها على عيالي علما انه بالجواز مكتوب مسلمه بس مو عارفه اش اسوي افيدوني ياهل الخبره اشلون اتعامل

 

[سحـورة]

ماشوف فيها شيء ؟
في خدامات مسلمات لا يصلن ولا يصومن ؟
إذا شفتي انها زيينه ونظيفه و كلامهاا اوك وتعاملهاا مع اطفالج مافيه شيء
ماعتقد بتأثر على عياالج



انتي فكري عدل

 

[mahawey]

اب
اب
اب
اب
اب
اب
اب
اب
اب
لخاطرعيونج
البنات راح يفيدونج باذن الله

 

[أم حورية]

هلا فيج اختي

تصدقين صار نفس الموقف مع خالتي تقول خدامة ثانية قالتلهم ان خدامتهم مو مسلمة بس اهي مل تسرعت وسألت شيخ دين وقالها لا تحطين بذمتج اذا اهي تصلي خلاص ودام طلبتوها مسلمة لا تشكون ولا تحطون بذمتكم

يعني انتي الحين الافضل انج ما تبينين شي وراقبيها وراقبي تصرفاتها يعني اذا تصلي ولا لأ وجذي وعقبها سأليها واذاقالت مسلمة جذي انتي سويتي اللي عليج ومن نتحية تأثيرها عاليهال انا بوجهة نظري ان حاولي لا تخلين اليهال مع الخدامة بروحهم وخصوصا بالدار بروحهم الا اذا اضطريتي حاولي على طوب يكونون تحت عين احد

وانا عندي المسيحية اهون من غيرها الكافرة او البوذية او غيرهم من الديانات عالاقل اهي من اهل الكتاب

واذا على قولتج ان الخدم متهاوشين فحطي ابالح ان يمكن الموضوع كله جذب بسبة الهوشة ويمكن صج وهذيج طلعت حرتها عقب السالفة

 

[* Snow White *]

عادي؟ شفيها لو كانت مسيحيه؟ ديانتها سماويه
وناكل منهم مافيها شي
وياما شفنا خدم مسلمات ماشفنا الا الشر منهم
وياما شفنا خدم مسيحيات ماشفنا الا الخير منهم

واحنا الحين طالبين مسيحيه وتعودنا عليهم نظاف وطيبين ويحبون اليهال
وحتى يتاقلمون مع مجتمعنا ومحترمين

 

[الحسن الرقيق]

والله احنا خداماااتناا مسيحيات ولا اثروا على اعيالنااا الحمدالله ..

ا

 

[سكوتي بذوقي]

اب اب ماعرف بسوالف الخدم ماحبهم

 

[* Snow White *]

وصج دام انج شايفتها زينه خليها
لاتحطين الديانه كـ حاجز جدامج
مو الدين اللي يحدد اخلاق المرء ترا

وانا بنظري ماتسمعين من فلان وغيره، حتى لو تكلمو يعني باتصال اخت ريلج
جنها ودها تتحكم فيج وبخدامتج ما احط بذمتي، بس يعني لاتاخذين راي احد
وخدامتج مردها بتخلص مدتها وبترد بيت اهلها، اهيه بس قاعده تشتغل عندكم وتترزق الله
ويمكن تاخذين فيها اجر، لما تشوف معاملتج الحلوه لها وطيبتكم معاها تحب ديانتج وتدخل الاسلام

احنا كانو عندنا 3 خدم اسلمو ماشاءالله والحمدلله وبرضاهم بعد واهما الي قالو
لا اكراه بالدين، والدين يسر وليس عسر

وموفقه

 

[جمال هنديه]

اب
اب
اب
ما ادري

 

[الغزال الابيض]

انتي دام تشوفينها زينة في شغلها وتعاملها خلاص ماعليج منها
وعيالج خليهم تحت عينج
انا بالنسبه لي تعب الجسم ولا تعب القلب
الشغالات صج انهم يريحون الجسم بس يعلون القلب

 

[fulla 7elwa]

كل خدمنا مسيح
و عااادي دام البنت ما فيها شي و عسوله ع قولتج شالمانع احسن من مسلمه و تسحر و الا مو زينه
خو انتي تبينها خدامه ما راح تخطبينها
المهم سنعه و يعتمد عليها

 

[فلسفة جرح]

لا بالعكس الخداديم المسلمات بنظري مو زينين ويكرهون اليهال
اما المسيحيات والله يحبون اليهال ومحترمين وحتى لو كانت مسيحيه
عادي اشفيها لو كانت زينه معاج ومع عيالج عادي حتى لو كانت مسيحيه

 

[VET-Nour]

ععًآدي’ ليشْ مكبره ألسسآلفه ؟
ما تأثر علا ععيآلجْ كلششً ,
اححنآً خدمنآ مو مسلمين , مأ أثرو علينآ كلشش , أصلآ مآ يصلون ولآ يتعبدون ولآ شيء !

 

[سميتك الغلا كله]

احسسن لج عشان بأرمضضان تمسك اعيالج لما تفطرين < اهم شي لوول ..

اب اب انشالله يَ قلبي البنات يفديونج

 

[miss_whitemocha]

حبيبتي ما أشوف فيها أي شي..
هي حرة بمعتقداتها و ديانتها..
و تربية عيالج عليج مو على الشغالة..
وياما شفنا شغالات مسيحيات و أحسن منهم مافي..
ما أشوف أي مشكلة بالموضوع صراحة..​

 

[القصيدة]

السلام عليكم و رحمة الله و بركاته

عادي حياتي حتى لو كانت مسيحية

أهم شي تعاملها مع أطفالك و أمانتها و نظافتها

و يمكن ربي يهديها للإسلام إذا شافت حسن تعاملكم معها

هذا إذا صدق مو مسلمة و يمكن تطلع السالفة مجرد كيد خدم

موفقة يا رب :eh_s(17):​