نصيحة..
يا بنات لا تخاطرون بالكريمات ترى ماكو شي يزيد حجم الصدر غير زيادة الوزن وآلة الحديد مالت الصدر بس غير جذي كللللللللللللله كلام فاضي مع احترامي للجميع اذا في كريمات او اجهزة تكبر وتشد لانها تسوي التهاب او نوع من الحساسية تتفخ وتشد فيبين الحجم اكبر.. يعني مثلا اي عضو ملتهب او متورم تشوفيه اكبر من حجمه ويكون مشدود. واللي يقول ان الكريمات تبني خلايا فهذي مصيبة لان معناته انها تسوي تليفات وممكن تسبب السرطان يكفينا شره.
الصدر عبارة عن عضلات ودهون يعني شنو ممكن يزيد حجمه برايكم؟؟؟ يا انكم تكبرون حجم العضلة بالبروتين والحديد وطبعا هني تستعملون نظام تكبير العضل اللي اهو استعمال وزن كبير مع عدد مرات اقل لان استعمال وزن خفيف وعدد مرات كثيرة يضعف ويشد ما يكبر وبالنهاية التكبير راح يكون جدا بسيط بس الشكل راح يكون احلى لانه مشدود. الحل الثاني انكم تزيدون وزنكم علشان تزيد طبقة الدهون وهذا يعتمد على طبيعة الجسم يعني في بنات يروح كل الدهن فبطنها وما راح تستفيد شي.
لو كان الحل كريم ما كان احد اشتكى وكان وصفوه دكاترة التجميل.. لا تصدقون وتجربون على نفسكم قبل لا تفهمون اهوه شلون يشتغل عالجسم.
واللي يقولون الدكاترة مستحيل ينصحون بشي جذي لانه يأثر على عمليات التكبير فهالشي مو صحيح لانهم يقدرون يسوون جلسات مثل الليزر و بيطلع السعر اعلى .. كانا نشوف ليزر الجسم الجلسة الوحدة ب 150 و 200 وفي 300 دينار تخلصين وانتي دافعة اكثر من قيمة عملية تكبير الصدر.
