ابي رايكم الله يفرجها عليكم

[عقدلولو]

بنات اخو طليقي تقدملي ويبون الرد عقب اسبوع مع ،ان امه الله يهديها كانت نسره
لما كنت على ذمة اخوه كانت ماتواطني بعيشة الله ، ونشرت غسيلي جدام عمتي وكانت اتدخل بكل كبيره وصغيره ف حياتي ، والحين بعد عشر سنين الله هداها وصارت تروح تحفيظ قرآن واعتذرت مني والحين تقدملي ولدها الثاني بس متردده خصوصآ اخوي الكبير حطمني يالفاشله ماتنفعين روحك ليش ماتوافقين ، وافقي شناقصهم ، مليت من اسلوبه المستفز وياي وامي بعد تبيني اوافق خايفه يفوتني قطار الزواج بعد ماشارفت ع الثلاثين
بنات يهمني رايكم ​

 

[mnoooll]

اخو طليقك كيف اخلاقه اكبر من اخوه واعقل والا نفس الشاكله



اذا نفس الشي ارفضي ولا تخلي حياتك تجارب




واذا تعرفي ان اخلاقه افضل واحسن وتعرفي ان امهم تعدلت اخلاقها واتجهت لله وافقي


والافضل مني ومنك استخارة رب العالمين استخيري الله وشوفي ايش ربي كاتب لك


موفقه عزيزتي

 

[منيره آل ثاني]

اولا صلي استخاره
ثانيا الام لو صج تغيرت وشوفي بعد الاستخاره شنو حسيتي هل ارتحتي ولا لا

في حفظ الرحمن ورعايته

 

[ام عمر جمال]

توكلي علي الله لو في خير راح يكمل الله

 

[قطرية كشخة]

استخيري وقولي له يحط لج مسكن مستقل

 

[M!ss CoLoRz]

مثل ما قالوا البنات

انتي عاشرتيهم ، يعني عارفة معدن الريال ولو شوية .. شرايج فيه؟؟

واهم شي الاستخارة وإذا قبلتي شرطي سكن مستقل ولو بعيد شوية افضل

وافعال الام انسيها دامها تغيرت وفتحي صفحة يديدة معاها

 

[M!ss CoLoRz]

مثل ما قالوا البنات

انتي عاشرتيهم ، يعني عارفة معدن الريال ولو شوية .. شرايج فيه؟؟

واهم شي الاستخارة وإذا قبلتي شرطي سكن مستقل ولو بعيد شوية افضل

وافعال الام انسيها دامها تغيرت وفتحي صفحة يديدة معاها

 

[shahad 88]

استخيري واسألي عنه والله يجبلك اللي فيه الخير

 

[غــايــه]

لو انا منج ما أوافق
لأنه بتآخذين أخو طليقج!
أحس صعبه شوي , وبتشوفين طليقج رايحه وراده
بتصير حياتج صعبه شوي , وإنتي توج والحيا جدامج ولا تستعجلين
وكل شي خيره , والله يرزقج بالزوج الصالح يارب

 

[بنت شيخ]

ليش اخو طليقج يتقدم

وين طليقج

 

[الجسوره]

استخيري و ان شاء الله يكون زواجج الثاني احسن من الاول

 

[تحت ظلك]

استخيري واطلبي الله في ثلث الليل الأخير أن كان فبه خير يتمم لك وأن كان شر يصرفه الله عنك
لاتقصرين بالدعاء والله مايقصر باأرشادك للحق,,

ممكن تكون الأم حبت تفتح صفحة جديدة معاك وتكفر عن أخطائها بحقك!!

وممكن تحصلين مشاكل من طليقج!!

الأهم الدعاء الدعاء الدعاء والله يوفقك للخير.

 

[سحرالعيوون]

انتي من يقدر يقيس في هالموضوع وعقل عندج ماشاءالله
ولكن ما يمنع التعقيب انتي شايفتهم وعارفتهم يعني لا سمح الله لازم تكونين مستعدة للطلاق مرة ثانية من نفس البيت
الشي الثاني لا توافقين والسبب اخوج وامج ابداا دي حياتج
انتي شوفي مواصافتج وشوفي جسمج وتصرفاتج في امل يتقدمون لي الشباب الرزن
وفي احتمال ام الولد اعتذرت وجيه عشان توافقين تخمين الله اعلم وبعدين الدنيا قايمة وقاعدة ام الزوج ماتسكت بكل مكان اللهم الطيوبات واخيرا وليس اخرا انتي بعدج صغيرة ثلاثين ابد ماهي كبيرة

 

[عقدلولو]

اخو طليقك كيف اخلاقه اكبر من اخوه واعقل والا نفس الشاكله



اذا نفس الشي ارفضي ولا تخلي حياتك تجارب




واذا تعرفي ان اخلاقه افضل واحسن وتعرفي ان امهم تعدلت اخلاقها واتجهت لله وافقي


والافضل مني ومنك استخارة رب العالمين استخيري الله وشوفي ايش ربي كاتب لك


موفقه عزيزتي

اهو اصغر من اخوه ومطلق بعد ​

 

[عقدلولو]

بنــات كلكـم مشكورين علـى الردود الله لايحــرمني منكــم ​

 

[عقدلولو]

ليش اخو طليقج يتقدم

وين طليقج

طليقي تزوج وعنده بنتين وولد ، كانت امه الله يسامحها اهي اللي تحل وتربط​

ماخلتني بحالي لين فارقت ولدها​

 

[عقدلولو]

انتي من يقدر يقيس في هالموضوع وعقل عندج ماشاءالله
ولكن ما يمنع التعقيب انتي شايفتهم وعارفتهم يعني لا سمح الله لازم تكونين مستعدة للطلاق مرة ثانية من نفس البيت
الشي الثاني لا توافقين والسبب اخوج وامج ابداا دي حياتج
انتي شوفي مواصافتج وشوفي جسمج وتصرفاتج في امل يتقدمون لي الشباب الرزن
وفي احتمال ام الولد اعتذرت وجيه عشان توافقين تخمين الله اعلم وبعدين الدنيا قايمة وقاعدة ام الزوج ماتسكت بكل مكان اللهم الطيوبات واخيرا وليس اخرا انتي بعدج صغيرة ثلاثين ابد ماهي كبيرة

الله يعطيج العافيه على ردج اللي اقنعني ، كلامك عين العقل

​

 

[عقدلولو]

واذا صار زوجـي يمكـــن يشـك فينـي الله اعلم
، مابي ادش بنجره مره ثانيه، كـافي اخوه الله يسامحه
اللي كان الكلمه كلمة أمه ​

 

[يستفزني غلاك]

صعبه شوي طيب لما تتزوجينه بتسكنين معاهم؟ طيب وين طليقج يمكن تؤثر على حياتج وجوده بعدين صعب موقفج يبيله جرأه واتخاذ قرار

 

[محلى حياتك]

استخيري وربج يقدم اللي فيه الخير