ابي رايكم اي روضه اودي بنتي .. ماعليكم امر

[Om eLkakawiya]

صباح الخير امهات
عساكم وعسى عيالكم بخير وصحه

ماعليكم امر ابي رايكم...
انا بنتي الله يحفظها الحين بأولى روضه ..
واللي عرفته انه في مدارس خاصه مايقبلون ابتدائي الا اللي كانو معاهم بثانية روضه.. صج هذا واذا صج في مدارس تقبل اللي مو بروضتهم ؟؟

الحين بنتي بروضة انقلش بلاي قروب بس مابي تكمل معاهم ابتدائي .. ابي مدرسة فيها مدرسات عربيات و يهتمون بالدين ويعلمونهم على عاداتنا .. و عطلهم مع الحكومه.
منطقتنا عبدالله مبارك
مو عارفه وين اروح .. اهم شي يريحون الياهل ما يأذونه .. وتاسيسها قوي.

هذي بنتي البجر من جذي مو عارفه عدل شسوي .
ومشكورين مقدما :eh_s(7):

 

[الدنيا لحظه**]

اب لعيونج

 

[Ibelievein God]

يقبلونها لاولى ابتدائي بامتحان بسيط بس والله نصيحه دخليها ثانية عشان تتهيأ وماتضيع ويخف التعب عليج

 

[Om eLkakawiya]

يعطيكم العافيه

اي بليفن قود

مشكوره .. اي مدرسه تنصحيني فيها؟

 

[Ibelievein God]

بأي منطقة تبين

 

[دلع86]

بدش عرض سوووري بس بسال شلون روضه بلاي قروب تحسين تأسيسهم قوي ويهتمون بالدراسة وشنو المواد الي ياخذونها

 

[A boss]

dakhliha new english school

 

[عشق]

في يمكم الباكستانية شوفيها وعلى فكره بلاي قروب يهتمون بالدين وبنتي الحين حافظة الآيات القصيرة ماشاءالله والادعيه

 

[Om eLkakawiya]

رشحولي مدرسه وانا اشوف مكانها .. اهم شي زينه

 

[Om eLkakawiya]

A boss

ما عليج امر تقوليلي هذي اي منطقه ؟ ..

 

[Om eLkakawiya]

عشق

ايه ادري حبيبتي يحفظونهم جذي .. بس صراحه مابي كريسمس و شغلاتهم اللي مالنا فيها .. والمدرسات ما يعرفون عربي .. يعني يبون اليهال يتكلمون بس انقلش .. وحصه وحده عربي والباجي كلهم بالانقلش .. مادري هالشغلات عادي بالروضه بس بالابتدائي الياهل راح يتربى عدل ويفهم .. واحسها اهم مرحله .

الباكستانيه قويه بمرهم اشوف ..
في جنه اللي سمعت عنهم التمير والرؤيه وجنه التكافل والابداع والغانم .. ودي ترشحولي مدرسه

ما اعرفهم عدل بدور عليهم بس قولولي شنو احسن شي .. لاني اشوف بنات تمدح بمدرسه وناس يذمون :/

يا ربي : (

 

[Om Zayoona]

انا بالضبط نفس وضعج وحوستج
بس قاعده ادور روضه مو ابتدائي وشكلي راح اكمل بالplay group .

 

[Om eLkakawiya]

ام زيونه

لا الروضه انصحج تكملين عندهم وااايد زينين .. والروضه احسها مو وايد مهمه مثل الابتدائي .. لانه الروضه بس تخالط اليهال وتنمي مواهب اهي ما تدري عنها وغير تسولف و حفلات وجذي .. خلج عندهم ترا الحين نادرما تلقين معامله مثلهم .. ومتابعة مسؤولتهم ماشاء الله وايد زينين بمعاملتهم ما تحاتين عيالج.. وترا اهما بعد ما يقبلون ابتدائي الا اللي داشين عندهم ثانيه روضه.

 

[Om eLkakawiya]

امهات ع الاقل قولولي اسامي مدارس !