ابي رايكم بسرعه بليز

[ran drop]

مساء الخير بنات انا بدش بالسالفه على طول بنات انا زوجي يحب افلام الاكشن والطق والسجون يعني يطالعهم من فتره لفتره بس اللي حارني وقاهرني ان هالافلام فيهم لقطات وصخه وبنات بكيني وحدي محتره بس اذا طلعوا يطوف واكيد اذا بروحه ماراح يطوف ومره كلمته قلته شهالقطات الوصخه جان يقول كل فلم فيه لازم يحطون بطله وهالسوالف وسكت شسوي بنات اطوف عشان مااغثه وهو مومقصر معاي بشي وللله الحمد ولا اقوله هلافلام مادش بيتي ولا راح يطالعهم من وراي برا البيت بالياخور مثلا لان ساعات ينام هناك وانا الصراحه ماخذه قاعده اني مااحسبه بولاشي مثلا قصر بالصلاه او شاف بنات او اي شي ان الله سبحانه يحاسبه وكل شي طاف الا الخيانه والخرابيط طبعا لا والحيله حلوه وهو الحمدالله ماصت عليه شي قوي وهو يقول وي الربع بالياخور يطالعون هالافلام ولا بعد اجزاء انا ماابي احط بذمتي انه يشتريهم حق اللي فيهم ولاشرايكم بنات شسوي الله يعافيكم

 

[كويتيه وافتخر]

رد : ابي رايكم بسرعه بليز

شتسوين بعد

اكثري من الاستغفار جدامه ذكريه بالرحمن

 

[ام سلوم DoDo]

حبوبه شتسوين كل لافلام فيهم لقطات

 

[@فطفوووطه@]

خليه يشوفهم عندج احسن من يشوفهم وراج والحين الافلام لازم فيهم لقطات x بس اذا طلعت هاللقطات حاولي تلهينه وعلى قولتج اذا ماشافهم عندج بيشوزفهم وراج والله يهديه يارب

 

[** محبوبه**]

يا حلوه أذا كنتي شاطرة أشغليه عن القعده قبال تلفزيون طفي التلفزيون وقولي بقعد أسولف معاك مابي شئ يشغلك عني وألبسي وتكشخي وتعطري ولا تنسين الأبتسامه الحلوة والسوالف ألي تغنيه عن السوالف هذي _03BA: ومرة أذا عندج يهال يطالعون التلفزيون حطي على توم وجيري قبل لا يجي وخلي عيالج قبال التلفزيون مراح يغير القناه يخاف من الهجوم ألي راح يصير من اليهال:j013:
وتقبلي مرري:tek:

 

[حياتي فراغ]

رد : ابي رايكم بسرعه بليز

والله انا اشوف الافلام الاجنبية استر من مسلسلاتنا الكويتيه


عوديه تروحون السينما الافلام مقطعه هناك

 

[زامليه وافتخر]

الله يكون بعووونج...

 

[Gourges]

كل الافلام فيهم بنات مو لابسين عدل ....

بس اذا طلع مقطع حطي ايدج وغطي عينه لووول اي مقطع مايعجبج سوي جذي ...

قولي مابي مابي ماحب اغار خو مايصير اغار ولا شنو

وبس خخخخ

 

[FeShinGoOo]

رد : ابي رايكم بسرعه بليز

وييه انا من جذي قطعت التلفزيون ولا احب اطالع ويا ريلي بالشهر مره او مرتين يمكن ..
مثلج ذاك اليوم قاعدين نطالع فلم اجنبي << من عقب دهر مو شايفين تلفزيون
جان تطلع لقطه وصخه وريلي ماغير
جان اقوم واروح انام بالغرفه .. يالي قالي اشفيج قمتي مره وحده ..؟؟
قتله استحرم اطالع هالسوالف تلوع جبدي واتنرفز ..
جان يقول انا بعد ماحب بس ابسرعه راحت اللقطه
الحين ماخلي التلفزيون شغال خير شر الا احطله اذاعة القرآن الكريم او البث المباشر حق مكه واخليه لاهي بشي لاب توب او غيره