ابي رايكم بشي وحدي خايفه @@

[To AMo]

قوه بنات شلونكم
شخباركم

بدش بالموضوع

انا قبل جم يوم كلمت امي عشان اسوي عمليه تكميم معده

وافقت وجي

وانشالله عمليتي الاسبوع الياي

بس ضاق خلقي لان رفيجاتي يقولون مو زين وجي

ابي رايكم :yaaaaaarb:

اسويها ولا لا

لان انا ماينفع معاي رجيم كل ماسوي وانقص اخربه وارد دبل الي نقصته

ملاحظه : عمري 17 والدكتور قال عادي تسوينها
​

 

[أحلى عيون]

رد : ابي رايكم بشي وحدي خايفه @@

الله يوفقج حبوبه واستخيري اول شي

انا عندي بنت عمي مااشاء الله مسويه تكميم وماشاء الله عليها نزلت وااااايد

 

[بنت الدسمه بسمه]

مافهمت حبيبتي شنو

وجي؟؟؟

 

[om deaj]

احس توج صغيرة على العمليات لو داشة نادي ومراجعة عند دكتور تغذية وعقب تخلين العملية اخر الحلول

الله يقومج بالسلامة يارب

 

[modern]

رد : ابي رايكم بشي وحدي خايفه @@

كتير بنات يسوونها
انشالله بالتوفيق

 

[دنيا رديا]

رد : ابي رايكم بشي وحدي خايفه @@

.,

استخيري والله يسهل عليج يارب : )


>بنت الدسمه بسمه جي يعني جذي <

.,

 

[ام علي84]

الله يوفقج حبيبتي توكلي على الله سويها انا مثلج خرعوني ومادري شنو من وانا صغيرة والحين متحســـــــــــفة ماسويتها والي كانو ينصحوني ويخرعوني اهمه سووها وشوفيهم الحين!!! وسويت التحزيم على بو انه بسيطة الي مافادني بشي والحين ودي اسوي هذي خصبقت جسمي ومانفع معاي شي سويها وان شاء الله ماكو الا كل خير دام امج راضية ان شاء الله

 

[كيكه توفي]

توج صغيره .. المهم انتي استخيري والله يسهل عليج

 

[Q8stylle]

الله يوفقج حبوبه واستخيري اول شي
والله يسهل عليج

 

[فجر_الكويت]

رد : ابي رايكم بشي وحدي خايفه @@

موفقه خير يارب

 

[ęmƷàпDўą.3sL]

رد : ابي رايكم بشي وحدي خايفه @@

تقوومين بألف سسسلآمه

 

[[[ عيون جابر ]]]

واي توج على العمليات
تقومين بالسلامه انشالله

 

[معكرونه أسبكتى يم يم]

رد : ابي رايكم بشي وحدي خايفه @@

استخيري والله يسهل عليج ...... الله يكتب لج الخير

 

[Mystique]

انا اتوقع دام الدكتور وافق عليها يعني وزنج حيل زايد و ممكن انه قاعد يأثر على صحتج
ليش لا سويها و توج صغيره تعيشين حياتج في كسل و خمول اللي يسببه المتن؟ حرام
باجر انشالله تدخلين الجامعه و انتي خفيفه و مرتاحه

الله يوفقج

 

[missdreamer]

رد : ابي رايكم بشي وحدي خايفه @@

حبيبتي الي يحدد هو وزنج مو عمرج

جم وزنج وطولج ؟

 

[To AMo]

رد : ابي رايكم بشي وحدي خايفه @@

وزني 100
وطولي 163

 

[ana mo ana]

استخيري...وربش يكتب اللي فيه الخير...موفقه

 

[توته الحـــلوة]

استخيرى والله يكتب الى فيه الخير بس والله توج صغيره حاولى عند دكتور شاطر اول

 

[فـدآ الـكويت]

رد : ابي رايكم بشي وحدي خايفه @@

انا يا الغاالية ما انصحك فيهاا لان وحدة من العايلة سوتها وكانت ماتعاني من اي مرض قبل العملية بس كان يوم العملية يومهااا سبحانه وتوفت الله يرحمها وهي توهاا صغيرة متزوجة وعندها طفلين ..
انا مثلك من يوم كنت بعمرك سمينة لحد الحين بس مافكرت بالعملياات فكرة بالنوادي وبدكتور تغذية
تدرين جم وزني 112 وطولي 172
وترى عمرج امانه
اتمنى بالكلام ماضيقت خلقج ترى والله ماقلت هالكلام الا لمصلحتك ..

وشوفي كلام البنات واستخيري ..

 

[بطة رشيقة]

انا وايد اخاف من العملياااات الرجيم صج متعب بس راح اضعف بصحه وعافيه العمليه ممكن تيب لج امرااااض انتى فى غناا عنها يا حبيبتى توج صغيره وراح درااسه وزواج وحمل وولاده حطى بالج على عمرج ولا تستعيلين