ابي رايكم بصراحه

[هامورة]

السلام عليكم



شرايكم بنادي فلكس من كل شي يعني على بعضه ؟؟؟

ابي شنو سلبياته وايجابياته

في ناس تذمه وتقولي زحمه كل الكويت مشتركه فيه وناس تمدحه ووصلوه لي السما

وانه جسمج يتغير لانهم يجابلونج من اول ماتدشين ؟؟ صج

ناطرتكم

 

[لازوردي]

مشاركة: ابي رايكم بصراحه

انا بعد نفسج ودي اعرف عن هالنادي لأني ناويه اشترك فيه بعد ما اولد واطلع من الأربعين

 

[غادة الكويت]

مشاركة: ابي رايكم بصراحه

ناطرينكم

 

[هامورة]

مشاركة: ابي رايكم بصراحه

اي ناطرين الردود الطيبه لا تخلوووووون بنات

نبي الصج

بس انا حتى لو بدش بعد الصيف لانه نووووووو واي اكيد زحمة الزحايم

 

[المحرومه]

مشاركة: ابي رايكم بصراحه

انا اشتركت فيه قبل سنه ونص تقريبا 3 شهور

المكان نظييييييييييييييف والناس اللي فيه مو هلاقه والمدربات حبوبات ويساعدون

ويسون لج تقييم الوزن ونسبه الدهون بالجسم اول ماتدشين ويعطونج الرجيم اللي يناسبج اذا كنتي تبين

حمام السباحه نظيف وهذا اهم شي

بصراحه انا ماشفت فيه عيوب بالمره بالعكس حلوو بكل شي

روحي وشوفي المكان

 

[حنون المزيون]

مشاركة: ابي رايكم بصراحه

انا مشتركه بنادي فت ولما خلص اشتراكي قلت باشترك بفلكس يعني نوع من التغيير وقلت بروح اشوفه قبل مااشترك واقولج اللي شفته
دخلته تضيع
ماكو مواقف سنعه
المكان ضيق وينقسم على ثلاث طوابق
غرف الاجهزه قمممته واجهزتهم شويه
غرفة الاجهزه مع غرفة الرياضه يعني ناس تلعب بالاجهزه وناس تناقز رياضه
حمام السباحه صغير وضيق وبعد قمته
والسعر بصراحه نسيت بكم لكن اغلى من النادي اللي مشتركه فيه

باختصار بصراحه ماعجبني لاني شفت اللي احسن منه وهذا رايي ويمكن كل واحد واللي يرتاح له
بس ليش ماتسوين جوله على النوادي قبل ماتشتركين

 

[هامورة]

مشاركة: ابي رايكم بصراحه

مشكوورين بنات

بعد بعد نبي اراء مختلفه

انا رحت امس شفته الصراحه صغير مو كبير نفس الجابرية جامبينز

وقالتلي واحده انه عندهم عروض حق الموظفات صج مافهمتها لاني كنت مستعيلة؟

وعيبه المصافط !!!!

وشلون جلساتهم ملووت المساج ؟

 

[حنون المزيون]

مشاركة: ابي رايكم بصراحه

سمعت ان فلكس اليديد فتح ببنيد القار يمدحونه بس ماادله ولا اعرف عنه شي

 

[دلوعة زوجي]

مشاركة: ابي رايكم بصراحه

هاااااااااي بنات انا صارلي 3 سنوات مشتركه بفلكس صراحه سنة 2003 لمن اشتركت كان 6 اشهر معاه 6 جلسات مساج مجانانا واحس كان راقي وظليت عليه بس الحين اشتركت سنه واحس كل يوم النادي زحمه ومسافط زحمه مووت لان يمنا نادي شباب بس اعتقد زحمه لان بالصيف وبعدين الحين كبرواا مكان الاجهزه صار وايد كبير وزادوو الاجهزه ويابو اجهزة مشي وسكاي يدد وفيهم مراوح اتشغلينهم اذا صار حر عليج وصارت صاله حيل كبيره كأنها صالة اللي يمتحنون فيها اخر السنه من كبرها ومسافط سرداب قام يشتغلون فيها عن جريب بتخلص وفي حمام سباحه يديد راح يخلص قريب لان قام يكبرون النادي وايد اعتقد خلال شهر 1 السنه اليديده يكون النادي كبير وخالص ومن احلى ما يمكن صج الحين ضيقه وزحمه وطلعت من النادي حاكين سيارتي متتتتتتتتتتتت قهر وبجيبت ولعنت الساعه اللي رحت النادي بس شسوي صار هالنادي ادمان مع العلم سجلت بشامبيز 3 اشهر ماعجبني رديت على فلكس والناس اذواق حبايبي

اسفه عالاطاله

 

[هامورة]

مشاركة: ابي رايكم بصراحه

مشكورين بنات وايد وايد

بس عيبهم هالمصافط وانا الكل قالي الحين في الصيف لا تفكرين تشتركين نطري عقب

بس شلون طريقة الدفع حق الموظفات عندهم عروض! حق اشتراك السنة ؟

لاني مستغربه صراحه معاي بنات في الدوام مشتركين سنه !!!!؟

بس استحيت اسالهم ؟!!

 

[كجب]

الالتزام ثم الالتزام

:edbf4317b9::edbf4317b9:قوة بنيات انا توني مشتركة بنادي جامبينز بالجابرية بصراحة وايد حلو وحده ينفع حق الي صج تبي تستفيد, يعني باختصار مو حق الفقاقة بصراحة والمدربات يعطونج برنامج تمشين عليه واذا تبين مساعدتهم بيساعدونج, بس لااااااااااااااااازم تلتزميين, اما من ناحية خوش نادي والله خوووووش نادي