ابي رايكم بنات عندي مصيبتين

[حور البحور]

بسم الله الرحمن الرحيم

شلونكم بنات وحشني المنتدى من زمان مادخلت بسبب ظروفي

بقول لكم عندي مصيبتين

اول شي انا وحيدة امي وابوي ماعندهم غيري وابوي توه متوفي من شهرين

وثاني شي ريلي بيطلقني عشان مايبيني اجلس مع امي يقول خلها تتعود تجلس بروحها

مع العلم هو شغله بعيد يغيب عني مااشوفه الا اخر الاسبوع يومين

يبني اجلس لوحدي في الشقه وامي لوحدها

وثاني شي امه تتدخل في كل صغيره وكبيره اتصلت علي تقول لي لو بيدي اخليش معلقه عشان تتأدبي

مع العلم اني ماسويت شي بس عشان بجلس ويه امي تعبانه وفي العده ماعندها احد غيري

رسلت لي رساله على جوالي قالت لي كلام وصخ ومن هالكلام

وتبيني اخذ اغراضي وله بتحرقهم بالنار وتغلط علي وعلى اهلي وريلي واقف معاها وساكت

ومن بداية زواجنا مشاكل وخيانات وبعدين كل مره امه تحط عيوب الدنيا فيني وانا صابره وساكته

بس مصيبة موت ابوي خلتني مااقدر اصبر اكثر تعبت

الحين خلاص عفته ماافكر ارجع له

عطوني رايكم في هالنموذج من الناس بنات ​

 

[اميره1980]

يعني هو بار في امه و يسمع كلامها بس انتي مانعج عن امج حسبي الله و نعم الوكيل
الله يعينج عليه ريلج وايد اناني
الحل ان ما تخلين اي انسان كان يتدخل بحياتكم لان واضح ان هالحجي من من راسه و متشيش عليج

 

[حنانو 89]

الله يعينج حبيبتي وعظم الله اجرج..

 

[popa]

امج ثم امج ثم امج خل يولي الجنه تحت اقدام الامهات
سمعي دقي على زوجج قوليله بطلع معاك بتكلم معاك
وفتحي الموضوع قوليله بعيد الشر لو امك صار فيها الي صار بامي
ومحد عندها تسكن عندها ولا لا اكيد بنسكن
وهل تتوقع ان انا بعارض هالشي واطلع لعينه اكيد لا
لان هذا اسمه سنع وتقدير واحب لك مثل ما احب لي
عشان جذي ياولد الحلال انا بخيرك ان رظيت الحمدالله واذا مارضيت انا ماعندي اي استعداد اني اخلي امي فعشان جذي نتطلق باحسان وعيش حياتك مثل ماتبي
بدون مشاكل وبدون صراخ واذا انته ماقدرت ظروفي معناته انك ماتحبني ولا تحن علي
ولا تدخل امك بمشاكلنه انت ريال وعقلك براسك واي شي تبيه بيصير

 

[PuPa^^SWeeT]

محد يمنعج عن امج



رضا الله من رضا الوالدين ثم رضا الزوج

 

[معي احلى]

طيب مافي عنده اخوان . أعمام اخوال .. يراجعوه..



هذا مايرضي الله ولا رسوله ...



انتي وحيدة امك وامك الان وحيده بعد وفاة ابوك . وفوق هذا بالعده تحتاج من يعينها ويساعدها .. ويراعيها ..

 

[اشلون يعني &]

اذا تقدرين تاخذينها لشقتج أخذوها معاج
او اقعدي عندها يبيج اهلا وسهلا. بيطلقج هو الخسران على طريف
بس انتي لاتشدين معاه
روحي له واعزميه على مطعم ومن هل الكلام الحلو طخخي ما في راسه

 

[modern]

اول شي خله يحس انك انتي بجد هالمرة ناوية تعوفيه هو و اهله و ما عاد تبيه و اكيد رح يتنازل عن قراراته الانانية و المتسلطة

 

[منال $]

والله زي ما قالت اشلون يعني
ادا زوجك مو راضي انتي تروحي عندها خديها لعندك بدل ما تجلس لحالها خصوصا بفترة العدة على ماتتعود عالوضع
الله يصبركم

 

[قَلبڪْ صًخرْ]

ويع شتبين فيه
مرات الطلاق ابرك

 

[خالتي قموش]

امج اولى منه
يعني هو يبر امه و انتي مانعج
فراقه عيد
لو امج عندها احد مثلا قلنا ميخالف
صيري قويه و دافعي عن حقج
في ناس ما ينفع معاها الطيب

 

[كليـ دلعـ]

شنو اخذي امج عندج!؟

محااد المره شلون تاخذها؟؟

يااهل اهي تاخذينها!؟

واللي ماحشمووج يازوجه ولدهم بيحشمون امج مععاج!؟!


شهالحجي!؟

داشه تشاورين!؟

لوحياتج معاه عسل واحترام واستقرار قلنا ياحيله الله كلميه


لكن حياه كسيفه وزووج نذذدل وام متسلطه

وتشاورين!؟

لوكان يملك من الشهامه ذره جان اهو اللي يقولج

امشي عندها

المفروض يحثج ع بررهاا

موويطلقج عشان بتروحين لهاا!؟


ولازلتي ساكته وقاعده عنده!!


روووحي رووحيي. روحي لامج رووحي

ارمله وعيوز ومرض ووحده!!

لاتشااورين

لاتسالين

هذا شي من داخلج ينبع مومال مشاوره

ارروح لمميمتي وانام بحظها

وجنتي تحت ريوولهاا احط ويهي ع ريوولهاواشممهمم

هذي جنتي ونااري

هذي سعادتي الحقيقيه


مووو جلب يعووي بالقطااعه

ويحثني ع العقووق فيهاااا

امممج ياا امي اممممممج كفايه ليلحين

مارحتي روحي لاتشااورين


وامه ليدقت عليج وقالت الو


سديه بويهها

لان اللي ع هالشاكله

حرام فيها كلمه الوو

 

[خالتي قموش]

الريل بداله ريل
عاد الله والريل
ريلي يومين بلاسبوع
مالت عليه بس

 

[فوفو الدلوعه]

الله يكون بعوونك ويهدي مابينكم
البنات ماقصروو

 

[Um Tuki]

حبيبتي هذي مافيها ابي حل

هذا مخيرج بينه و بين امج

الريال بداله ألف لكن امج مابعدها ام و المسكينة ماعندها ايرج

روحي شيلي اغراضج

و حفظي ما بقى من كرامتج


قوليله فراقك عيد

 

[شادن33]

حسبي الله عليهم ليش جذي
ياربي ليش الناس صارت كريهه ومافي تقدير

 

[al-musk]

بصراحه شتبين فيه .. هاينج وخاينج وواقف مع أمه الي كلامها وصخ لج ومو مقصره فيج ومتحسفين عليج توقفين مع أمج وهي مالها غيرج .. الرسول عليه الصلاة والسلام قال ( أمك ثم أمك ثم أمك ) ومايبونج تبرينها .. لو فيهم خير مامنعوج عن أمج وهي مالها غيرج ..
الزواج اذا مافيه احترام وعيشة كريمه الواحد شيبي فيه.. الوحده تتزوج عشان ترتاح مو عشان تنهان..
أهلج طول عمرهم ربوج وتعبو عليج يجي واحد من الباب لي الطاء على قول المصريين وتبين تهدين كل شي عشانه وفوقها مو من زينه ..
تدرين انا عمري ماعبرت برايي بصريح العبارة ولا اشجع أحد يتطلق مو عشان شي بس لأن هالقرار بالذات محد له شغل فيه بس جد احتريت..
تدرين الإنسان هو الي يحط قيمه حق نفسه وهو الي يختار حياته يشلون يكملها والعمر ينعاش مرة .. والقرار لج..
ولاتزعلين على ولا شي صارلج وفات هذا ابتلاء من رب العالمين ومأجورة عليه ..

خل يولي وهديه فسبيل مرضاة ربج عن طريق مرضاة أمج وأحتسبي الأجر واقتنعي ان من ترك شي في سبيل الله عوضه الله بشي أحسن منه وأخير..وباجر الله يرزقج بالزوج الصالح الي يحطج على راسه ..

 

[امانينا]

والله مافي شي بالدنيا يستاهل تتركين
امج عشانه
مو واحد نفس زوجج مو حاطلج اي قيمه
امه مثل ماقست عليج وعلى امج الله بيجازيها
وانتي خلج مع امج هذي الجنه والنار
اذا يبي يقبل
وذا مايبي
اعتقد فراقه عيد

 

[رنيم الروح]

حبيبتي لو فيه خير ولا عنده احساس عامل امك مثل امه وخلاك معاها على طول لانه مالها غيرك انتي او تاخذين الوالده عندك بيتك بس اذا الموضوع تتركينها بروحها لا والله يخسي ثم يخسي اتخافين يصير فيها شي وانتي بعيده عنها ولا تحتاج ولا تمرض
وغير عن هذا الوحده شينه وتجيب الامراض والخوف

واذا الموضوع تخيير ياعمري امك ثم امك ثم امك الام وحده وماتعوضينها
لكن الزوج بداله 100
ونصيحه لا تتركين امك بروحها مهما صار
الله يطول بعمرها ويخليها لك يارب

 

[سبسيال]

الله يكون في عونج حبيبتي..ويفرج عليج ويعوضج خير

حبيبتي الله يرضى عليج صورتج الرمزيه لو تغيرينها افضل عشان ماتاخذين ذنوب من يشوفها