ابي رايكم ضروري ضروري

[شيخه البيت]

مرحبا كويتيات اول شي احب اهنيكم بقدوم الشهر الفضيل وثاني شي حابه اخذ رايكم في تجارة ملابس الصلاة الشوارفسكي مع السجاده والتجاره الثانيه اللي هي ملابس الخدم عند المشاغل عباره عن كرفته دانتيل كشك ومريله دانتيل كشك وشغل عدل مدل بنات ما تحسون انه بذخ وطغى يعني الوحده اذا بغت تصلي تكون ملابسها نظيفه ومرتبه والخدم حتى اذا كان عندنا ظيوف حلاته يونوفورم شزينهم يمكن يصكون علينا او حتى بنجابي

 

[MANGA]

بصراحه ملابس الخدم اوووووووووووووكي


بس اثواب الصلاه والسجاده احس ما ادري شلوووووووون


يعني الواحد يبي يصلي ويتقرب من ربه ولازم يكون على نظافه وطهاره والريحه

الطيبه موووووووووو يتكشخ وشوارفسكي

 

[بروق اليل]

صح الخدم لازم شكلهم يكون ذرب

بس اثواب الصلاه اهم شي تكون ريحتهم حلوه ونظيفين

 

[الغلا للغلا]

حراام الشوارفسكي لثوب الصلاة جذي تلهين المصلي عن صلاته بس قاعد يشوف الشوارفسكي اللي يلمع وينسى الصلاة ..
ثوب الصلاة حبيبتي يبيله نظافه وريحه حلوه بس مو لمع وزري وخرابيط .
وثوب الخدم الصراحه يونفورم العادي النظيف كافي موشرط كشه ومادري شنو فيه ...
ومشكورة اختي لطرحج هذا للموضوع للاستشارة .

 

[العود الأزرق]

أهم شي للصلاه أن يكون اللبس طاهر ونظيف ولا يكون فيه شي يلهي عن الخشوع في الصلاة
وأنا مع الغلا في رايها بالنسبه لملابس الخدم

وتسلمييييين

 

[الصعبة]

الصراحه اول ما قريت الموضوع انصدمت ،،، قلت معقوله وصلت لملابس الصلاه ؟؟!!

ملابس الصلاه اهم شي تكون نظيفه ومرتبه وريحتها حلوه وبس ،،،، ماله داعي الشوارفسكي والخرابيط هذي ..........

بس عقب ما كملت قرايه الموضوع قلت الحمدلله انها تذم هالشي مو تسوي دعايه له ،،،،،،،،

وبالنسبه لملابس الخدم انا بنفسي ما احب هالشغله ،،، يونيفورم مرتب وخلاص كافي بس في ناس تحب هالشغلات عادي مافيها شي ،،، كل شخص براحته ,,,,,,


مشكوره على موضوعج اللي استفزني بالبدايه بعدين ونسني ............

 

[زيـنـه]

انا اشوف ما فيها شي بالنسبه لاثواب الصلاة طول انها ما تلهى المصليه و تخرب خشوعها ..
و بالنسبه للخدم هم ما فيها شي ..

هذه اذواق و تجاره .. و التجاره شطاره .

عليهم بالعافيه التاجرات و الله يرزقهم من خيره ان شاء الله.

 

[DELY]

E Ana B3ad Ashofha Tlahe 3an E9alat

 

[nono78]

ذكرتيني

والله بالمساجد الكبيره والمزخرفه والمذهبه بس مافيها مصلييييييييييييين

ثوب الصلاة المفروض يكون عملي حق الغسيل

اذا في شوارفسكي ؟؟؟؟ ما عتقد بيتحمل الغسيل ؟؟؟

والمفروض يكون في تواضع واحنا نصلي مو شوارفسكي !!!!!

ما ادري مااايد الفكره كلشششششششش

 

[ii DareeN ii]

والله انا اشوف عادي مافيها شي الي عنده يلبس والي ماعنده هم يلبس الي على قده بس طال ما انه اللبس مافيه شي عادي الي بتلبس ثوب في شوارفسكي خل تلبس على الاقل تبي تلبس برمضان ثوب حلو يديد خصوصا ان نلبس حق البيت الاثواب والمسيد الاغلبيه العظمي تلبس عبايه من يلبس ثوب حق المسيد الا قليل وبالغالب يهال فعادي لو تلبس الخادمه يوني فورم كشخه شفيها ياربي روح والعيد ورمضان فرحه خل تلبس شي ذرب والي تبي حقها ثوب في شوارفسكي خل تلبس عليها بالعافيه

 

[^وجد قلبي^]

لا مستحيل حتي ملابس الصلااااااه ؟؟؟؟ شدعوة تتاجرون بملابس صلاة شوارفسكي ؟؟؟؟ لا حول ولا قوة الا بالله

بالنسبه لملابس الخدم مايخالف :>

مو داشه مخي ملابس الصلاه

 

[عـــ الجروح ـــذب]

حبيبتي الرسول صلى الله عليه وسلم لما كان يصلي كان يبعد عنه اي شي ممكن يشتت انتباهه
فما بالج لما تكونين لابسه ثوب فيه شوارفسكي وخرابيط ... انا اشوف انه مو عدل