ابي رايكم في اختيار كتاب

[رمانة خضرا]

بنات انا باديه قراءه صار لي فتره وقاعده ألزم نفسي فيها لان سبحان الله لقيتها توسع مداركي ووقتي يستهلك بشي مفيد أحسن من التلفزيوووووون والمسلسلاااات
بس بنات انا عندي مشكله احس ليلحين مثلا ما اعرف اشتري كتاب
كل ما ارووح المكتبه افتر وافتر وافتر واقرا الكلام اللي بظهر الكتاب من ورا واشوف الغلاف واحتاااار ولما انقي يطلع مو شي
ابي كتاب عن الفلك وعن الكواكب :bbbiu: شلون اعرف شنو الكتاب الزين ؟؟
شلون اختار كتااااب !!

 

[رحيل المرافيء]

الفلك والكواكب في موسوعات عن هالشي
وما ادري اذا صالح العجيري عنده او لااا
دوري بقوقل اول شوفي المجال اللي تبينه تالي شوفي المؤلفين وايضا دوري نبذة عنهم عشان تعرفين مستواهم
وبعدين اشتري
الحين اغلب الكتب الموجودة سلق بيض
ماينفع تروحين تخمطين وبس لازم تخططين للكتب اللي بتشترينها قبل

 

[رمانة خضرا]

مشكوووره رحيل على النصيحه
البحث قبل الشراء ان شاء الله

تسليمين عزيزتي

 

[RowTow]

السلام عليكم

الفلك و الكواكب أحلى شي لهم الموسوعات.
عندج بمكتبة نيويورك بحولي موسوعات روعه شويه عليها.

و في كتاب نسيت اسمه شريته من سنيييين من مكتبة المركز العلمي من إصدار جامعة الكويت أو شي جذي.
لونه أزرق و عليه صورة كوكب أو مجموعه شمسيه,
الكتاب جدا جميل و في صور عجيبه.

 

[البارونـه]

السـلام عليكم اختي
انا بعد نفسج صارلي تقريبا سنه من بديت اقرا او اكثر شوي
انصحج تبدين بـ كتب ماتكون دسمه لان كونها بدايه بتكون ثقيله عليج وبتكرهين القرأه
اما شلون تختارين كتبج فـ انا اقولج مع الوقت راح تعرفين شنو النوع الي تحبينه+نصايح بنات المنتدى والتجمعات بـ هالقسم >عندج موضوع ليلو جبريت (مناقشات ..) وموضوع م.بابونج >> تلقينهم بالمواضيع المثبته
+ في اكاونت في توتر واااايد بيفيدج اذا عندج توتر ,, تلقين كل واحد قرأ شغله معينه يعطيج نبذه واسم الكتاب وتقييمه الشخصي وهاي الاكاونت >
@MathaTagra_
الفلك والكواكب ماعندي فكره عنهم والله
وأذا عندج استفسار انا موجوده :eh_s(7):

 

[زهـرة أيـلول]

صح حتى أنا البارونه أتابع حساب ماذا تقرأ بتويتر وأخذ منه المفيد أول بأول ..

حاولي تشوفين نسخ إلكترونيه إذا هي الي بخاطرج إشتري نسخ ورقيه
ودي أفيدج بس ما أعرف والله بهالسوالف

 

[:: Diva ::]

حبيبتي في مكتبه بالمثنى تحت
و مكتبه بليلى غاليري ممكن تلاقين فيها
و بعد جرير و شارع المكاتب في حولي


انا اقترح عليج تاخذين فره على مواضيع القسم
و تاخذين الكتاب بعد الريفيوز

 

[قسى قلبه وخلاني]

اب اب

 

[مُخملْ]

عَزيزتي ،
لاتعتمدين على مايُكتبْ في خلف الكتاب أو الغِلافْ
هالطريقة في أغلَب الأحيان تكون غير مُجدية


قبل لاتروحين المكتبة ، اكتبي لج قائمة بالكتب اللي
تهمج أواللي يستهويج مجالها . تقدرين تستعيينين بتقييماتنا
هني أو ابحثي فالنت عن الكاتب والكتاب ، شوفي شوالسلبيات
اللي فيه ، لو تقدرين تقرين جزء بسيط من الكتاب اذا كان موجود
الكترونياً ، اقري تقرير مبسَط عنه .. استعيني ب حساب "ماذا تقرأ"
في التويتر راح يساعدجْ .


مُوفقة عَزيزتي

 

[رنـا**]

انا عندي لج نصيحه قريتها من دكنور امس بتويتر


اخذي الكتاب اقرا النبذه الي خلفه



اقري اول صفحه من الفصل عشان تتعرفين عن شنو يتكلم الكتاب



اقري جم صفحه من النص عشان تشوفين اسلوبه



واقري اخر صفحه من الفصل الاول عشان تتاكدين اكثر من هالطريقه



وترا انا واجد خذيت كتب ناس انصحو فيها وحيييل عاجبتهم وماعجبتني لانه كل وحده يختلف ذوقها عن الثانيه