ابي رايكم قبل ما ابدى مشروعي

[تعويذه الحب]

السلام عليكم






مشروعي اهو تصميم ملافع , انا احب اصمم ملافع حق روحي وعمري ما فكرت ابيع والحمدلله الكل يسألني عن ملافعي

من وين ؟ بنات انا الملافع اللي اسويها فخمه من ناحيه الخامه والكلف اللي احطها يعني من شي عادي والحمدلله اعرف

اركب الوان على بعض يعني الملفع يطلع من كل النواحي فخم ونفس الوقت تقدرين تلبسينه بأي وقت يعني دوام طلعه زواره

وهذا اللي يميز شغلي , وانا بسألكم جم سؤال بخصوص الملافع وابيكم تحطون بعين الاعتبار الاشياء اللي يعتمد عليها شغلي


1- خامات الملافع كلها شيفونات ماركه ديور وشيفونات فرنسيه لان هالخامه تعطي لمعه خفيفه وحيل ناعمه وتصلح حق

جونا وبنفس الوقت حيل فخمه يعني الملفع لو بس تسوينه دبل فيس بدون شي يبين انه فخم

2- الكلف كلها جيبير فرنسي ودانتيلات فرنسيه يعني مو أي كلفه والسلام

3- طبعا الشوارفسكي اللي استخدمه اصلي وآخذه من بيت لكريستال

اسئلتي اللي بطرحها عليكم الحين وياريت تجاوبوني وبصراحه:


1- اذا شفتي ملفع بكل هالمواصفات جم ممكن انج ادفعين فيه ؟


2- بالنسبه للخامه هل تفضلون هالنوع اللي استخدمه من الشيفونات ولا تفضلون لكريب العادي ؟


3- بالنسبه للكلف هل تحبون الدانتيلات ولا الكلف العاديه ؟

3- واذا انعرض ملفع جذي بسعر 15 ليه 35 ممكن انج تشترينه ولا تحسينه غالي ؟

ويعطيكم الف عافيه

 

[تعويذه الحب]

بنات 8 دشوا ومحد رد ليش هالاحباط

 

[sweet fashion]

والله اذا فيه هالمواصفات اتوقع يسوه لان يكلف عليج وانتي تعبانه على هالشغل بس ديري بالج ترا الحين الحريم يعرفون الزين من الشين يشوفون الخام والشغل فا انتي اذا عليتي السعر لازم تحطين بعين الاعتبار ان لازم يكون مواصفات خاماتج والكلف توب

 

[تعويذه الحب]

اول شي حبيبتي مشكوره على ردج وثاني شي الله يشهد على كلامي ان الخامات كلها غاليه وتكلف واذا تبين اطرشلج صور من ملافعي

وانتي حكمي

 

[مريانا ام ماريا]

حبيبتي اسعارج زينه بس انت سوي كل المستويات سوي ملافع من 5 دزك الى 35او اغلى لان الحين محد يبي الغالي الكويتين متنتفين بالديون فراعي كل الطبقات بمشروعج والي يبي الغالي يحصله وهم الرخيص يحصله ودايما الشوار فسكي طلبيه من مواقع الجمله او افتري عدل لان في وايد ماركات تبيع جمله واوفر لج

 

[&& دعاء &&]

تقبلي مروري
موفقه

 

[مسك]

والله اختي اذا الملفع بالمواصفات الي قلتيها وشغل متعوب عليه مووو حسافه عليه هالسعر بالعكس الغالي سعره فيه

الله يوفقج بمشروعج حبيبتي

 

[أم سيف وسلطان]

قللي الكلفه

ونقصي من السعر شويه لاني أحس الناس تبا شي سعره معقول ومتوسط

والله يوفقج

 

[تعويذه الحب]

شاكره مروركم

 

[zeshta]

حبيبتي ممكن اشوف صور ملافعج بشوف الخامات والكلف شلون صايره والله قاعده ادور انا ذوقي صعب شوي يمكن يعجبوني ملوتج

 

[بطوووطة الكويت *-*]

موفقه حبيبتي ترى خووش فكره انا نفسج احب اصمم الملافع والحمدالله توفقج بهالتجاره الاصغيروونه

بس حبيبتي اكتشفت انه اغلب زبايني يفضلون الملفع الرخيص يعني من 30 زبونه تطلع منهم وحده تشتري غالي بس ما يمنع انه ملافعج تكون الكواليتي مالها زين والكلفه مختاره بدقه لان ماشاءالله بنات الكويت واايد ذوقهم حلو وما يلبسون اي شي

بس والله انا حاابه هالشغله واااايد موفقه حبيبتي والله يرزقج ياااااااااارب

 

[حروف من ذهب*]

اذا شغل حلو وحركات حلو اكيد نشتري
موفقه ان شألله