ابي رايكم ومشورتكم قلبي يتألم

[لٱ ٺوصّيـُۓﺣ̃رص]

مرحبا صبايا ....
أخباااركم ...
ادش في الموضوع بدون مقدمات...
انا صار لي سنتين مخطوبه من ولد خالي .. (ولد خالي انا وهو من الصغر نحب بعض ويوم كبرنا خطبني ووافقت )كتبنا الكتاب ونظره شرعيه فقط... والحفله قريب تصير!
المهم...:eh_s(2):

في شهر 7 كتبت الكتاب وعيد الفطر جاب لي هديه ..طبعأ العايله اللي انا منها ممنوع المقابله والمكالمه اعطى اخوي هديتي وجابها لي ....جا عيد الاضحى ماجاب لي هديه ومشيتها لأنا ماكنا فيه مسافرين وطولنا في سفرنا :bbbiu:
جت السنه الثانيه عيد الفطر كنا بــ أستراحه 3ايام ورجعنا لبيتنا والله يابنات انه مافكر يجي يعايد او على الاقل يتصل على عمته ويعايدنا ....:eh_s(2):

وسبق وسمعنا من عماته انهم مو راضين على فكره الممنوعات اللي عندنا مثل المقابله والمكالمه

وهلحين حفلتي قريبه وربي اني مفكره ماجيب له ولا نص هديه بعد القهر اللي ذقته وعشته اختي خطيبها بعد ماردينا من الاستراحه جا خطيبها بهديه محترمه وروعه انهبلت عليها:rerrerek:

ابي رااايك تكفون انا مااابي اتهور واسوي شي اندم عليه انا من طبعي عنيده (وبصراااحه بديت اكرهه):rgewrg:

:eh_s(16)::eh_s(16)::eh_s(16)::eh_s(16)::eh_s(16):

 

[є 3 τ и α q]

ليش موجعه قلبك ..
انتِ مزعلك مسألة الهديه
ولا اللي مزعلك انه مَ اهتم !

/

اذا على الهديه مَ تدرين عن مآديه الرجآل ..
اما اذا كآنت المسأله اهتمآم .. فـ الله اعلم عن ظروفه ..


لآتكرهينه ولا شي ..
التمسي له العذر

 

[رانا ***]

انتى تحملتى الكثير اصبرى
لا تضيعى حبيبك من يدك بسبب التهور

وهاتى له هديه
بس
علشان يتعود على ان يكون بينكم هدايا لو طنشتى وهوا اصلا مش فى باله
هتكون عادة بينكم (ان الهدايا مش مهمه )

 

[وافرر]

ان الله مع الصابرين

 

[Tom ♥ Jerry]

.

آممم مآدري في رياييل مآ يحبون هالسوالف ترا .،
و لا يعترفون فيها
يعني يشوف انه ماله دآعي كل مآ صار شي اييبلج هديه


لمأ يكلمج عآتبيه بهدوووء و باسلوب حلوو

-ينقل للحياة الزوجية-

 

[رقـة الاحسـآس]

انا اقول انسي هالموضوع و استهدي بالله
يعني انتو حارمين الريال من كل شي بس عاقدين قران عالفاظي لا قدر يجوفج ولا قدر يكلمج وتتقربين منه و يتقرب منج
مالج حق تلومينه
وغير جذيه مب كل الرياييل يعتبرون الهديه مهمه
باجر يوم بتكونون مع بعض عوديه تهدينه بين فتره و فتره عشان هو يتعود يهديج

 

[ام فواازي]

حتى لو انه مغرقج هديه يوم زواجكم شكو انتي تجيبيله هديه؟؟؟؟ هو المفروض يعطيج صباحه يعني هديه صباحية عرسكم مو العكس
اول مره اسمع ان العروس تهدي زوجها ليلة عرسهم هديه

 

[رفيف الخير]

شوفي الهدايا اشياء مهمة لنا الحريم بس الرجال مايهتمون بنفس الدرجة ولكل شخص ظروفة وان كنت بتقارنين حياتج بخواتج بتتعبين وتعبين زوجج معاج وبعدين تقولين انج تحبينه من صغرج والحين بدتين تكرهينه راجعي اوراقج حبوبة والزواج مو هدايا وتقارنين حياتج بخواتج وفي اشياء الحرمة السنعة تعلمها لزوجها وعسى الله يسعدج

 

[مياسه الحساسه]

نصيحتي لك
تبي تعيشين بسعاده
لا تطالعين اختك انه زوجها سوالها وسوالها وجبلهاا هديه
كل رجال له طبع
وفي رجال مايعتبرون الهدايا شي ضروري !!
انتي عوديه على الهدايا
ما اهداك .. انتي اهديه .. وهو بيتعود على هالطبع وان لهدايا حلوه بين الزوجين ..
ولو ما اهداك عادي .. اهم شي انه يحبك
وصدقيني اغلب مشاكل المتزوجات انه تطالع الحريم اللي حولها كيف رجاجيلهم يعاملونهم
والمحبه ما تقاس بالهدايا
ياما بنات في الملكه زوجها مشبعها هدايا ...يوم تزوجت مالقت الا الاهانه
وموفقه حبيبتي

 

[اللؤلؤ المتناثر]

ماتدرين شنو ظروفه وبعدين بديتي تكرهينه علشان هديه ماجابها ؟

​

 

[Whisper ~]

اسمها " هديه " تعتبر بادره طيبه ان جات بس ماهي من ضروريات الحياه
وما أظن احد بيموت اذا ما انهدى
احسني الظن ويكفي الرجال عنده مسؤوليات عرس ماله داعي تكبرين الموضوع وتوصلينها للكرررره .. على " هديه " =)

 

[FeShinGoOo]

انتي من الحين تطالعين اختج وريلها

شسوالها وشحطلها وشياب لها ؟؟

ليش ظروف ريلج نفس ظروف ريل اختج

تفكير ريلج نفس تفكير ريل اختج ؟؟

شخصيتهم نفس الشي ؟؟


اذا من الحين بتطالعين صدقيني عمرج ماراح تتهنين وعمرج ماراح تحسين بالسعاده

بتظلين حسوده وكل ماشفتي شي بيد غيرج بتسوين مقارنه حتى لو بيدج احسن منه

الحياة مو بس هدايا وانتي ليلحين مو على ذمته وحتى شوفه مو قاعد يشوفج ولا يسمع صوتج

ليش ايبلج هديه ؟؟

عشان يعطيها بيد اخوج ؟؟

وانتي حتى شكرا مايسمع منج ؟؟

 

[جولينار]

بمسك الموضوع نقطة نقطة


اول شي مااعتقد انه مو متهم بس تقدرين تقولين ردة فعل


لأنه مايشوفك ولايكلمك ولاشي وهالفترة هي اجمل فترة وتعتبر ضايعة منه


فـ اعذريه ولا تلومينه



ثاني شي صفي قلبكـ من ناحيتة ولاتدخلين عليها الا بكل خير ومحبه ومودة


وعوضي كل غيابكم عن بعض عيشو حياتكم وانبسطو



ثالث شي انتبهي من المقارنه اختي واخت زوجي وفلانه وعلانه


جاب وحط لها ,,,


هذي مداخل ابليس كبري عقلك وفكري في زوجك وبسسسسسسس


انتي غيييييييييييير عن اختك وبنت عمك واخت زوجك

وزوجك بعد غييييييير عن فلان وعلان


ليه عقدة المقارنه من اغلب الزوجات ؟؟؟؟؟


ترضين يقولك سوي لي الشغله الفلانية شوفي زوجة اخوي تسويها له !!


دعو الخلق للخالق

بس تدخلون بيتكم انسو كل العالم الخارجي


ولاتذكرين اي مره قدامه سواء بخير او شر


وانتي بتجنين ثمار هالشي


وموفقة عروستنا

 

[*درر*]

مأقصروااااا البناااات. لتبدي حياااتج بالاحقاااد. والله يتمم لك على خيئيئيئيئيئيئيير

 

[*الغاليه*]

بصرااااحه الله يعينج انتي تقارنين روحج بأختج وهذا غلط

عقلية وتصرفات وحياة خطيب اختج مو مثل خطيبج

لاتخلين هالشغله تااكل فيج طنشي وطوفي

انتي باجر مقبله على حياة جديده شيلي المقاارنه من راسج علشاان تعيشين بسلام
وارضي باللي كتبه وقسمه لج رب العالمين

والله يألف بين قلوبكم ويسخركم لبعض


​

 

[زوجة عزيز]

الحين شسالفه ؟؟؟ كل ذي على سبة هديه ؟؟!!!

 

[!الجادل الصعب!]

لا تكثرين من المقارنات نصيحه
يمكن استحآ يجيب الهديه ولا يشوفج ..
ويمكن انحرج من اخوانج وهو جايبهآ.. يمكن ماديته
ماسمحت له ..،

دآمكم بآغين بعض لا تخلين هالامور تخرب فرحتكم
بالزوآج
موفقين

 

[لٱ ٺوصّيـُۓﺣ̃رص]

كل من رد على موضوعي وافادني في حل مشكلتي ..أسأل الله لكم من كل ضيق مخرجا ومن كل هم فرجا

بصراااحه استفدت كثير من كلامكم وربي ماأنسى وقفتكم معي... ولو ان بعض الاخوات كلامها شوي اجرحني بس مو مشكله

انتم كبار وانا استفيد...

 

[أم سلطان وفارس]

اختي ربي يوفقك ويسعدك ويهنيك ويتمم امرك بخيييير يااااااااااارب..
انتي من وانتي صغيره تحبينه يعني متشربه من حبه وبتكرهينه عشااااااااااان هدية
اجل بكرة بعد الزواج وعشتو حياتكم والحياة فيها المر اكثر من الحلو وقال لك كلمة وهو معصب او متضايق من شيء وش بتسوين؟؟؟؟؟؟؟؟؟؟؟؟؟؟؟؟​

 

[مـهـرة]

ولا يهمج افاا عليج انا هديتج :eh_s(7):