ابي راي الكل تكفين

[ادوده88]

السلام عليكمـ .. انا عمري 25 والله واايد مضايقة :eh_s(2): خطبني واحد كان معاي بالجامعة انا انصدمت من خطبته حقي و بنفس الوقت استااانست وااايد , انصدمت و استانست لان الجامعة كلهم كانوا ميتين عليه من ادبه و اخلاقه ما كان يلف ويها على اي وحدة المهم ان طلعت امه تعرف امي , و امي تمدح فيه و بامه بس قالت انسي السالفة !! قتلهاا لييييييش ؟؟:eh_s(2):؟ قالت لانهم مو اصيلين !! ليه متى يا جماعة هالعقد ليه متى !! قتلها يما كان معااي بالجامعة و خوش وااحد و الله ان كل البنات ملاحظينه الصلاة ما اطوفة كله نشوفه بالمصلى قالتلي امي ادري و اعرفهم ولو الموضوع راد علي انا اوافق بس اخوانج و عمج ما راح يرضون ابي مساعدتكم شلون اقنعهم و عايلة الصبي زينة و معروفة بالكويت و ماخذين واايد عوايل اصيلة الحين شسوي !! شلون اقنعهم؟؟ و يبطون جبدي لي يابوا طاري الدين ان وصى على الاصل اوكي ما عليه بس ما قااال حرااام !! ما قال ان نكفر لي :eh_s(2):عطيناهم تكفين ابي جم اية و حديث بعد تبين ان الاهم الدين مو الاصل و ان هالشي مو حرام !! بلييز مالي غيركم

 

[Tom ♥ Jerry]

,


اب اب

 

[مُخملْ]

حبيبتيْ ،

حاولي فالبداية تخلين امجْ تكلم اخوانجْ وعمجْ ، تعرض السالفه عليهمْ
وانتيْ حاولي تقنعينهمْ ـ أدريْ صعبة تغيرين مفاهيمهمْ وتقاليدهمْ اللي من
سنين يمشون عليها , لكن اذا الولد مافيه عيب وديّنْ وخلوقْ شواللي يمنعْ؟

ذكريهم بحديث من لاينطق عن الهوىْ : "إذا جاءكم من ترضون دينه وخلقه فزوجوه إلا تفعلوه تكن
فتنة في الأرض وفساد كبير " رواه الترمذي وغيره.

الزواجْ شرّعهْ ربجْ ل.ضمان الاستقرار والمودةْ وحفظا للحقوقْ وله حّدودْ وشُروطْ
لكنْ المعيار الاساسي اللي يقوم عليه - الدينْ والخُلُق - الاصلْ شي فَرعيْ دامكم متوافقين
ومتكافئين سواء فالمستوى المادي او الفكري مافي شي يمنعْ ،

حاولي تقنعينهم أو اتصلي على شيخ دينْ يقنعهمْ بهالكَلام والله يعينْ ,
واهم شي استخيري ـ ماتعرفين الخيرة في امرج وينْ واللي الله مقدره وكاتبه
بيصيرْ ، بس اصبري والله المستعانْ يجدملج اللي فيه الخير

،

​

الله ييبارك فيجْ ويسهل أمرجْ ويعينجْ ويجمعج وياه ان كان خير لجْ عاجلاً غير آجلْ

​

 

[روح مغليهاM]

يمكن خيرلك لاضايقين صدقيني اذ لك نصيب فيه باخذينه سواء هو او غيره
كوني ع ثقه بالله
والله يوفقك حبيبتي

 

[عيونك دنيتي D]

الله يكتب لك اللي فيه الخير

اااب لعيونك ..

ان شاءالله البنات يعطونك حل​

 

[صادقة بكلمتي]

يااااااااا هذي السوالف ما ادري متى بتموت يعني الريال ما يعيبه شي بس شنو مو اصيل والله حرام بعني ان وحده خذت اصيل وعذبها وطلع مو زين شنو استفدنا انا اقول ادعي الله يهديهم ويوافقون ويكون لج الزوج الصالح وادعي ان له خير لج يقربه وان فيه شر لج يبعده عنج مالج الا الدعاء لرب العباد وان مكتوبلج تاخذينه اول عتالي بتاخذينه لكن اسعي والله يكتبلج الصالح وتبشرينا بالاخبار الزينه امييييييييييييييييييييين

 

[غلآي شيمه]

الله يعينك
حاولي تتناسين الموضوع
لجل ماتتعلقين فيييه اكثر
الاصل عند الاهل صار اهم من الدين

الله يكتب لك اللي فيه الخير

وشكراً

 

[яεεм<3]

اللـه يكوؤون بعوؤونج

اللـه يرزقج اللي فيه خير لج في الدنيآ و الآخرة

 

[قيروان الزمان]

السلام عليكم ورحمة الله وبركاته
ما أزيد على كلام اختنا مخمل
بس ما حبيت أطلع بدون لا أقولج الله يوفقج لما يحب ويرضى
ويحنن قلب أهلج ويرزقج بالزوج الصالح

واستخيري
وبعد الاستخارة تأكدي إن اللي يصير أكييييييد خيرة
لو شنو ما كانت النتيجة.. والله يوفقج

 

[amami al-kuwai]

حبيبتي دام جابوها من ناحية الدين قولي لهم حديث الرسول صلى الله عليه وسلم

(( من اتاكم من ترضون دينه وخلق فزوجوه )) << ان الله ماخربطت فيه

 

[ليه الجفآ]

حبيبتي شلون مومهم الاصل ...؟!!

هذا اسمه تكافى بلانســـاب ..

ومعترف فيه .. عند الشيوخ والقضاة ... مو عند الناس بس..

والناس اللي تقولين عنهم انه ليش للحين جذي وتخلف وماادري شنو ..

ترى اهم اللي راح يقولون عنج اخذت هافي اصله ... شنو موقف اهلج اخوانج اذا تكلم عليهم حاقد وشامت ؟؟!

تدرين شيبيقولون ..؟!!

لوفيكم خير مازوجتم صانع ..؟!!!

واختكم مااخذها الا الصناع ...!!

فيه خير ياعله له والله يستر عليه و يوفقه ..

بس نصيبه مو معاج ...

وهشي له اثر عليج وعلى عايلتج وعلى بني عمــج ...

راح تسببين لج ولهم القطاعه والحقد طول عمرج ..

ولاسمح الله لو تطلقين ماياخذج من وراه الاصيل ..!!

ماياخذج الا اللي مثل اصله

هذا غير انهم ماراح يعترفون فيج او بعيالج

يعني اعتبري نفسج عندهم ميتــــه ...!!


تعوذي من ابليس وهلانسان مو من نصيبج ..​

 

[كايبه]

الله يرزقج يااااااااارب دائمه قولي ربى أني لما انزلت لى من خير فقير
داااااومي على سورة البقرة رووووووعة ياااااارب من قلبي ان ربي يرزقج الى تبينة

 

[فلنتينو]

الله يكتب اللي فيه خيير
واهلج ادرئ بمصلحتج

 

[بنت احلام]

حبيبتي دام انج موراضيه ومو مرتاحه

اقولج انسي الموضوع احسن

في مليون واحد غيره ويمكن احسن منه
هاذي عادات ومعتقدات ماتقدرين انتي تغيرينها


كثري من الاستغفااااااار وصلي استخاره

وربي يوفقج

 

[عادت ذكرياتي]

الله يكتبلج اللي فيه الخير وين ما كان ....

 

[طيبتك فوق الوصف]

الله يكتبلج اللي فيه الخير يا رب000000
وصلي استخاره يمكن رفض اهلج خيره00000
الله يوفقج 00000:yaaaaaarb:

 

[*E.B.D.A.3*]

اي تكافئ انساب اي بطيخ ؟؟
يعني الانسان الي مو اصيل يتعبر مواطن من الدرجة الثانية؟؟
شهالعنصرية الي فيكم انتو ؟؟؟
الناس سواسية امام الله
باجر وقت الحساب ، ماكو فرق عند الله بين الاصيل والمو اصيل!!
فجو هالتخلف عنكم وريحونا من عادات الجاهلية رحم الله والديكم!!
قال مو اصيل قال !!

سمعي حبيبتي
كلمي ابوج
عرضي عليه الموضوع
قوليله ادري انه مو من مواخذينا
لكن انا شيبي بالانسان كثر دينه؟ وين نحصل راعي الدين والسمعه الطيبه بهالوقت؟
شراح ينفعني فيه الاصيل لمه يعالمني انا و النعال واحد؟؟
خل ياخذ اصله وينقعه بقلاص ويشرب مايته !!!

 

[منبع عبط^_^]

الله يكتب اللي فيه الخير بس اهم شي ماتطلعين من شور اهلج لانهم يبون مصلحتج والله يوفقج يارب

 

[ماكواسم2]

هو ليش ما خطب مثله مو اصيله ؟؟؟
هو شاف مصلحته ومن حقه يخطب اللي يشوفها مناسبه له ومن حق اهلج يرفضون ............على فكره هو راح يرفع نفسه

 

[ماكواسم2]

الاخت اللي قالت ان الاصيل راح يعاملها مثل النعال .بعرف ليش راح يعاملها جذيه