ابي ردود حكيمه و تفكير سليم لان تفكيري واقف :(

[-@-فراوله-@-]

السلام عليكم

بنات جزاكم الله خير انا ابي مشورتكم
وابي نصيحه من القلب ماابي كلام يجرح
ابي كلام يفيدني و ينور بصيرتي

اول الشي النك هذا مو لي
(لاخت رفيجتي)

انا عمري 24 سنه منفصله و عندي ولد
وفي واحد بحياتي كبري عمره 24 مو متزوج من قبل
موظف وشايل روحه اخلاق و يساعد الناس والله يتم عليه عقله تقكيره نفس الشياب

المشكله ان كلم اهله عشان يخطبني ماوفقوا امه تقول ليش تاخذ مطلقه
وابوه يقول توك صغير يبيلك سنتين ثلاث ع الاقل :eh_s(2):

وكل ماتقدم لي احد ثاني يخاف لين قبل شهرين كلم امي دق عليها و فهمها على كل ظروفه
قالت له الله يكتب لكم نصيب بس انا ما ارضى ان يتم شي و اهلك رافضين و زعلانين عليك
(اهو زعلان من اهله له 6 شهور ينام فبيت ولد خاله )

بنات تعبت انا شكثر يتقدمون لي و ارفض و ابوه يبينا ننطر 3 سنين يعني بنصك الثلاثين و احنا تونا متزوجين :eh_s(2): حرام و الله عمرنا يضيع بلاش جذي

وانا فرص الزواج قليله بالنسبه لي

هالاسبوع متقدمين لي اثنين كل واحد يقول الزود عني

شوروا علي
انا خايفه اوافق ع هالغرب ماعرفهم و لا اعرف تفكيرهم و لا افهمهم و افشل مثل زواجي الاول
وخايفه انطر انر اللي يحترمني و يحبني و صايرلي ابو و اخر شي الاقي العمر مشى و لا صار شي من اللي اتمناه

 

[-@-فراوله-@-]

رفع ..

 

[جديده 1]

والله اختي الوضع صعب فعلاً .. اللي تحبينه اهله رافضين سواء من طرف امه او من طرف ابوه .. وانتي من الصوب الثاني مطلقه و عندج ولد ! يعني مو كل يوم ولا حتى كل سنه راح يخطبج احد !! هذي نقطه مهمه لازم تنتبهين لها !!

سمعي يابنت الحلال .. قوليله ياولد الناس انا خاطبيني اثينين وانا مطلقه و ماتييني فرص كل يوم شوف وضعك مع اهلك .. اذا قالج نطري علي و عصب و من الحجي الفاضي هذا واحد بياع حجي و متردد .. اما انك فعلاً يبيج راح يطيح عند ريول امه و ابوه و يحل الموضوع بظرف يوم او يومين لانه لو ريال بيقولج كلمت اهلي و راح نخطبج او بيقولج الله يوفقج .. اما غيره فهو يماطل فيج ..

اما بخصوص اللي تقدمولج .. دام الواحد يقول الزين عندي .. قولي لهم نسأل و نردلكم خبر و فعلاً اسألوا عنهم عدل يمكن انهم ريايل و النعم !؟ .. صدقيني اخذي اللي يحبج ولا تاخذين اللي تحبينه .. ياما ناس حبوا بعض و شكثر مواضيعهم بالقسم كله مشاكل و خيانات و مسأله ان ريال ماتعرفينه ترى كلنا اتزوجنا جذي و تقدرين تقعدين معاه بالخطبه و تاخذين و تعطين معاه و تالي تسالون عنه عادي .. هذا اللي اقدر اقولج لج .. و نصيحتي لج حلي موضوعج بأسرع وقت بالكثير يومين ثلاثه و يردلج خبر مثل ماقلتلج انتي مطلقه و عندج ولد و بوضعج مو كل يوم ينطق بابج .. الله يقدملج اللي فيه الخير يارب .. موفقه .

 

[خواطر داعية]

نصحيه ياغاليه لا تعلقي قلبك فيه وعسى ان تحبو شي وهو شر لكم ربي كاتب لك خير وافضل مدام صار عقبات انه يتزوجك خيره من ربي لكن يا قلبي لا توقفي نصيبك على امل هذاك يجي يخطبك خلاص قولي قدر الله وماشاء فعل وبالنسبه اللي الاثنين اللي تقدمو لك دام فيهم دين واخلاق ودخل مادي زين استخيري ياغاليه والله يكتب لك مافيه الخير ياحبيبتي ولازالت نظرة الناس متدنيه للمطلقه ليه ماهي بشر هي استغفر الله وبس الله يوفقك ياغاليه

 

[Grass]

دام اهلكم مو راضين خلاص لاتوقفين حالج واللي مافي خير بأهله مافي خير بالناس ياحبيبتي

واذا اهله من الحين معارضين لهالدرجه لو بيغصبهم ماراح يكونون زينين معاج

فكري بعقلج وخلي قلبج على صووب

والله يعييينكم

 

[وردة الحياة]

الله يوفقج يارب ولا يفرقج عن حبيبج ويجعله من نصيبج

كلميه وخليه يدخل على امه ويكلمها بهدوء اذا كان يحبج راح يعرف يقنعها...وصلي قيام الليل وتصدقي واستخيري انه اذا صار من نصيبج يلين قلب امه وتوافق عليج... وانتي خليج معاه اذا كنتي تبينه من صج اوقفي معاه بصفه مو تقوليله خاطبيني اثنين وتنزلين من قدره جنج تقولين اذا ماتقدر كيفك في غيرك
انتي لازم تحددين موقفج بعد تبين هالشخص لانج تحبينه. والا تبين تتزوجين وبس؟
اتمنى تقعدين تفكرين ولا تتبعين الا قرار متفق عليه قلبج وعقلج.. وامه اذا مارضت الحين ..اذا شافتكم مرتاحين وانتي ريحتي ولدهم واسعدتيه وماضريتيها صدقيني والله مردها بتلين لان قلب الام انتي تعرفينه يسامح ولدها مهما كان

والله يوفقج يارب ودائما ادعي انه اذا كان خير لج ولولدج انه يقربه لج ويهدي امه وتتزوجون

والله يوفقج حبيبتي

 

[اغراب عشنا]

حبيبتي عليك بلاستخاره لان ارنا لاراح تودي ولاجيب
اهم شي الراحه ابعدي كل شي من تفكيرك حتى الشخص اللي تحبيه
والتجي لربك واستخيري

انا نفس قصتك مطلقه وعمري 22وخطاب لاكن انطر اللي شاريني لوكم سنه راح انطره
الله يوفقك ويريح قلبك

 

[vanilla-D]

استخااااااره

 

[G!RLooNa]

مادري والله اهوا وضعه حيل صعب و اهله مو راضين لا تستبعدين امه تسويلج مشاكل و تفر مخه عليج لما تكرهين عيشتج معاه وايد تطلقوا و السبه اهل الريل مو الريل نفسه لان الاهل مو راضين عليهم

و انتي فوق هذا مطلقه و عندج ولد يعني فرص الزواج حيل تقل سنه عن سنه

انا اقول سئلي عن اللي متقدمينلج و بالفتره اللي تسئلون عنها كلميه قوليله ترا متقدمينلي و اهلي قالوا لي متى تنطرين العمر يمشي و قاعدين يسئلون الرياييل اذا قدر يقنعهم بهالفتره كان بها و اذا ماقدر احس احسنلكم كل واحد يشوف نصيبه

*

 

[غـرامـي أنـت]

الله يعينك وضعك صعب بس حبيبتي عليك بالاستخااره


والله يووووفقك ّّّّّ

 

[اسولة2]

حبيتي لا تضيعين عمرج الابو ماقال ثلاث سنوات عشان يتزوجج لا قال اخلية ثلاث سنين اسكتة يا ينسى يايمل اويعقل او انت تتزوجين امانة لاتزعلين بس انت مطلقة ماتسوى عليج مشاكل وانت بعد مابديت حياتج شبتسويين بكرة

 

[aloooya]

استخيري

 

[ترف بابا]

الاستخاااارة مثل ماقالوا البنات

 

[*ريما*]

وضع صعب
الله يكتب الا فية الخير لك

 

[أم توتو]

الله يكتب لج اللي فيه الخير وربي بيدلج للطريج الصح اذذا استخرتي

 

[ميمي بنك]

عندي فكره اتصلي عليه وقولي جوني خطاب ولا اروع منهم
انت مو متحمل المسؤوليه توك صغير واهلك حتى بعد 4 سنين يبون وحده غيري
لاني خلاص راح عمري بالانتظار...
وراح تتبهذلي معه والزواج مو شي سهل على الواحد لما يجربه
وبندمممم انه تقدملك وانتي مطلقه وعندك ولد بينقهرر
ويجلس يشوف البنات اللي ماتزوجو وهو ماخذ وحده سبق لها الزواج
.....
بالعربي .... انحاشي منه وتزوجي غيره هذا هووو المنطق

 

[zaina alotibi]

شوفي حبيبتي آنا آخاف اقولج نطري لين اهله يوافقووون ويظيع عمرج وتظيييع معاه الفرص والنتيجة يطيع اهله ويرظى بالأمر الواقع وهني بيكون وقفه سليم ومحد يلومه عليه

صوت العقل يقوووول اني ارضى بالواقع واوافق على ناس راغبين فيني هم واهلهم وشاريني وراضين بظروف طلاقي

انتبهي مو دايمًا صوت القلب يجرنا للسعادة

 

[شواخي]

اخذي الي يبيج مو الي تبينه

 

[يكفيني حنانك..]

حبيبتي استتتخيري وررربي ماراح يقصر
والله يكتبلك الخخيير وين ماكان

 

[سكـــرهـ]

وضعك صعب
بس اذا اهله رافضين انتي شوفي نصيبك وهو اذاتزوجك غصب حياتكم ماراح تنجح
انتي شوفي نصيبك