ابي ريحة عيالي روعه

[ام سعودي]

صباح الخير شخباركم؟
الموضوع واضح من عنوانه ابي عطر او دهن عود او طريقة تخلي عيالي ريحتهم روعه
العطورات الي احطها كلها وقتية ساعه ساعتين تروح شنو الحل
ممكن خبراتكم؟

 

[ريكاتو]

هلا وام سعودي حبيبتي البيبي موحلو عليه دهن عود حلاته ريحه كيوت حقه

انا اقولج احط حق اعيالي من بيبي جونسون اكو كريم وبودر بريحة اللافندر والعطر من صوب رقبته وعلى ملابسه وقت الأوتي كلونيا الخضره مالت بيبي جونسون والعطر بعد التبديل من زارا عطور اليهال تهبل وشوفي الريحه شلون تصير ودج تاكليهم

جربي وقوليلي رايج

 

[عبق البنفسج]

عقب المسبح دهني جسمهم بكريم اذا صغار حطيلهم بيبي جونسون واذا فوق الثلاث سنين اخذيلهم من بوتس في بودي لوشن حلوو مع بودي سبريه عجييييييييييييييييييييييييييييب ودج تاكلينه من حلاته يكون شكله جلي مخلوط مع كريم في كذا نوع مثل الفراولة وفانيلا ..
وعقب في عطر ينباع برامز بلولو هايبر ماركت ومادري اذا ينباع بأماكن ثانية .. ماعرف اسم العطر بس أعرف شكله واسم الشركة هي شركتين اماراتية على ما أعتقد وحدة اسمها الرحاب والثانية AHSAN .. هو صغير يمكن 40 او 50 ملي وعليه صورة وردة حمرة وريحته نفس كنزوو فلور .. كل ما أحطه حق بناتي لازم يقولي شنوو عطرهم أو عطرهم وايد حلوو والعطر رخيص حيل سعره 450 فلس تقريباً

 

[ام سعودي]

مشكورين وماقصرتو
عبق البنفسج ينفع حق صبيان لانه الله الله يحفضهم اولاد مو بنات فعادي العطر احطه لهم؟

 

[noynoy]

انا احط حق بنتي مسك العروس من القرشي
وايد حلو و ريحته تلزق
و اهم احط لها كلونيت جونسون الصفرا لان الورديه كل ما اروح الجمعيه ما القاها

 

[๓ίşś зśŏłả..!]

;

عندج الشايع عطورهم حلوه لليهال
وكلونيا ساره امبي مو صج ريحته اتينن مااقدر اوصفهاا صج ريحه نظافه
وعندج بعد كلونيا للاطفال من جونسون اسمه عبير منعش احب ريحته

 

[om batool]

جربي عطر زارا رووعه

 

[أهداب]

انا استخدم لعيالي هذا من بودي شوب ياسمين علي برتقال فظيع مركز ويقعد 3 ايام وحتي مدرسة بناتي ذاك اليوم سالتني عنة ؟

 

[غاليه الاثمان]

انا احط لهم بودره الافندر دايما وقت التبديل ع جسمهم والكلونيا الخضره من جونسون على ملابسهم ومن عند الرقبه بس مسحات خفيفه ومسك العروس من القرشي ورا اذونهم تلزق الريحه وتجنن بس ودج تاكلينهم لووول حتى حمولتي واهلي يطيحون فيهم بوووس ووقت الغسيل كمفورت لملابسهم وشوفي الريحه عجييييييييبه
وعندج مجموعه بدي شوب وايت مسك روعه اخذي لهم البرفيوم واللي ع دهن تحطينه دامهم اولاد الله يحفظهم اختي تستخدمه لعيالها لانه ريحته قريبه للعطورات الرجاليه

 

[A7bny =)]

عندج مسك ابيض من القرشي روعه ريحته بودر على يهال

 

[hneen2]

مسك القرشي وعطر ساره او عطر جوفال اكثر نن وحده سالتني شنو عطر عيالج خصوصا جوفال تمسك بالملابس حتي بعد الغسيل

 

[ام عبدالقادر]

اذا هم صغار موزين العطورات القويه يمكن تسببلهم حساسيه حطيلهم كريمات بيبى جنسون وسيباميد وشطفى ملابسهم فى داونى ريحتى فواحه تهبل بس انا ولدى فيه اكزيما استعمله الابيض ريحته خفيفه

 

[@سيدة نفسي@]

وين أحصل عطر جوفال ؟؟

وعلى فكرة عطر سارة مااايثبت ولايبين على عيالي عقدوني

مادري العيب فيهم ولا في العطر ؟؟

 

[ام سعودي]

شكرا لكل وحده ردت علي وساعدتي
وايد وايد مشكورين وماقصرتو

 

[نور الشهري]

عطر ساره الوردي مع مسك العروس من القرشي روعه​

 

[انشودة المطر]

جوفال ؟؟ وين نحصله ؟

 

[Q.8.h.2]

الشايع عنده دهن عود حق اليهال خاص حق اليهال اعتقد اسمه ورد
انا من زمااان كنت استعمله ولما احمل اشتريه من ضمن الجهاز واحطه عالمهاد ريحته حللللللللللوووووه
جربيه وشوفي حبوبه

 

[...الجوهرهـ...]

عطر اسمه سن ست كوفي يمييييي ياريحته تاكلينه غصب طيب ..

اننا لاحطيته زوجي ينهبل عليه يقول ريحتك ريحه نونو ..بريحه البودر

هذي صورته

 

[بنات بنات]

حبيبتي شوفي اولا لازم دهنين العيال بالفازلين تخلينهم ساعه بعدين تسبحينهم باليفه ناعمه حتى شعور زيتيها وبعدين بعد الحمام حطيلهم لوشن وكلونيا الاطفال بيبي جونسن الخضره والازرقه فضيعات وبس عن تجربه دايم يسالوني عن نظافتهم حتى الوجيهم تلمع

 

[flower quen]

حبيبتي فيه لوشن من جونسونومعها شور جل
تسبحينهم فيه وانا افضل منه ريحه اللافندر
واللوشن مكتوب عليه ماقبل النوم ريحته حللللوه وتريح الأعصاب
وفيه من بودي شوب عطر اسمه وايت مسك هو العطر ثققييل
بس انا آخذ سبري الجسم وحاطته بعلبه وحاطه معاه مويا
عشان تصير الريحه خفيفه واعطر فيه ملابس بنتي وكــــل اغراضها
وفيه بودره بعد اسمها بودره العود ريييحتها مرآآآ رايقه وتمسك بالملابس
وممكن بعد عطور اللي بالفواكه وفريش تحطينها لهم بس رشيها عالملابس لا تجي على الجلد
اذا كانو حيل صغار بسررعه يتحسسون
رشي عالملابس وحطي لهم كريمات والبودره على اجسامهم

اتمنى اني افدتك
وربي يخليهم لك