ابي ريلي يتزوج علي

[فتومة]

بناااااااااااااات


انا ريلي يبي ايب عشر عيال وما اوقف :denya: وانا الصراحه ماني قادره اخر ولاده حيل تعبت فيه

والدكتوره اتقولي انتي جسمج تعبان لاتحملين وانا بس ابي راحه ثلاث سنوات بين يهال والثاني الحين انا عندي بنتين

وعمري 19 سنه ان شاء الله الحق ايب اعيال

قتله انا مابي الطلاق ابي بناتك اعيشون عندك بس انا سامحتلك اتزوج علي وهاذه حلالك بس اهو موراضي

وايقول ابي العيال منج وبس وانا ما احب التعدد :krkrkr:​

 

[So0oKaRa]

انتي من صجج ولا تتغشمرين؟
10؟
عاد انتي حاولي تكاسرين معاه يمكن بعد الخصم يرضى ب6
قوليله اييبلك عيال بس برتاح بريح جسمي
والله ريلج امره غريب وانا مادري لو من صجج او تتغشمرين

 

[سُوالفي حلوة]

انتي من صجج ولا تتغشمرين؟
10؟
عاد انتي حاولي تكاسرين معاه يمكن بعد الخصم يرضى ب6
قوليله اييبلك عيال بس برتاح بريح جسمي
والله ريلج امره غريب وانا مادري لو من صجج او تتغشمرين

وه فديتج الصراحه حبييييتج من دمج تاخفيف هههههههه

وحق صاحبه الموضوع الله يعينج ياااارب

 

[DooLy88]

شيبي ب 10 ؟ الله يهديه

الوحدة اتييب 3 وتموت

لاتفتحين سالفة الزواج من ثانية لاتحلى السالفة يعينه بعدين تصيحين
ولاتفكرين بالطلاق بعد

ماعليج اهو من الوناسة يقول يبي 10 - قولي له انا تعبانة وقولي له الحمدلله 4 والا 5 نعمة من الله

 

[محتاره بحياتها]

انتى توج بعز شبابج وببدايه عمرج والحين فيج حيل تجيبين عيال لانج كل ماتكبرين بيتعبج الحمال اكثر واكثر

يمكن عشان عنده بنتين يبي ولد...وترى الرجال ماينلام

جيبله 4 او 5 ولما يشوف الازعاج والتعب وقتها هو بيقولج خلينا نرتاح

ارضى زوجج وزين انه قالج ابي العيال منج ولاتخلينه يتزوج عليج لانج بتندميييييييين وقتهاا

موفقين

 

[@ام ضاري@]

رد : ابي ريلي يتزوج علي

انسي انج تقولين تزوج على باجر تكتبين لنا موضوع تقولين ندمت كثر شعر راسي

توج صغيره ودام رجلج يبي الحمال احملي

ماعليج حجي باجر ينسي يطلبه الزمن هذا مافي وحده تجيب لها 10

 

[آجمل نسآء آلدنيآ]

رد : ابي ريلي يتزوج علي

آمممم .. زيـن آلعشـره هذييييل مـآيبـون مجـآبل وتـربيــه وسهــر
وتعــب وهـدت حيــل ,..؟ ســج فـرآغه زوجـج :/
​

 

[ورد الغرام]

قولي له بجيب بدل العشرة عشرين بس ربي وسهر عليهم اليل
وخلي يحس بالمسئولية مثلا لما تسبحي اعطية بناتك وطولي بالحمام وحته لما تطبخي هما كدالكاعطية بناتك ولما تطلعين مع زوجك خلي بناتك علية يعني وشهريا روحي السيدلية اشتري بمامبرز واكل اطفال وخدي كل شي حتى لو مالية داعي وروحي السوق وكثري من ديك الملابس الغالية ولما ايجي اينام قومي سوي زعاج انتي وبناتك وخيلة يكره لولادة بالمرة
بس مالي شغل ها اني؟؟ترى اني مجازفة وسوي كل شي يعني زوجك لينن سوي مالي دخل

 

[مرايم2009]

لووووووووووووووووووووووووول ياحلوج

 

[*sweetgirl*]

لوول سطري له 4 ورى بعض ولدي مني وحملي مني وتعالي شوفي الازعاج الي بيصير حتى ماعنده وقت يحك راسه لووووول

مشاء لله عيال هالايام 1 عن 10 انا 3 ومطلعين روحي الله يخليهم لي يارب

انتي قعدي وياه وقوليله لو فرضا عندك خبزه وحده وعندك 10 عيال هل تتوقع هالخبزه بتشبع هال10

ولا 3 بخبزه وحده اكيد هال3 بيكون نصيبهم اكبر وبيشبعون

اهو صج كل واحد ورزقه بس هالايام محد قادر يلحق على 1 ولا 2 شلون 10 لوووول مصاريف تربيه تعليم وووو

الدنيا صعبه

<< طولتها واهي قصيره

 

[G!RLooNa]

امبيه من صجج

يقولج ابي عشره تروحين تقولين له تزوج جنج ماصدقتي على الله ! و زين منه يقولج ابيهم منج لو غيره جان طق صبع

اوكي انتي توج صغيره 19 والله لما قريت 19 عبالي تقولي عمر بنتي 19 يعني العمر جدامج انشالله ييبيله بعد 2 و مو شرط يظل على رايه 10 !! انا ابوي كان يقول حق امي ابي 12 خخخخخخ و من صجه يعني يقولها اقل شي ابي 6 و فوق يابونا انا واختي اهوا قال بس الحمدالله نعمه لما انا صار عمري 12 و عقب الحنه والرنه منا انا واختي نبي ياهل يابو اخوي

و بث قتلج قصه حياتنا السعيده عشان تعرفين انه ممكن الريال يغير رايه و عشان سوري عالكلمه تعقلين مو على اولج تروحين تقولين له تزوج @@

 

[كرز حالي.]

رد : ابي ريلي يتزوج علي

انتي من صجج تقولين تزوج علي؟؟؟
باجر لي تزوج صج بنشوف شنو بتقولين
حمدي ربج ان ريلج قال ابيهم منج وماقال ياللللللله باجر اخطب
يبا قوليله ان شاء الله اييب عشرين بعد احنا تو صغار بس موواحد ورا واحد
قولي جذي خو الكلام ببلاش

 

[ورد الغرام]

المعدرة على البدليات بس انفعلت

 

[قطوه سوده]

امبييييه انتي مو صج @@ تقوليله روح تزوج خو الريايل يبونها من الله من غير شي والحين انتي فتحتي عيونه
والله راح اتحسفين كد شعر راسج اذا سواها وتزوج.......
قوليله بيبلك بس عطني فجه ومااعتقد يبي 10 يمكن يطفرج او يبي يشوف ردة فعلج؟؟
والله يوفقج انشاء الله .......

 

[قـہۈه فـرنسيـہ™]

احملي شوراج .......>>>هووو بيزهق لما تجيبين الـ3 أو الـ4 بيقوووووول بس !

 

[غمزه وإبتسامه]

توج صغيره يمديج تجيبين عشر ولا بعد تاخذين بينهم بريكاااااااااااااااات

 

[مدرسة84]

ههههههههه

والله ريلج قنوووع.

بس اذا فكرتي تزوجينه عند اناااا

ادلل على نفسي.

بس عشرةةةةةة يبي لين مايخليهم 11 حااارس مرمى بعد.
ولا يبي فريقه يخسرررررررر
ههههههههه.

الله يوفقج معاه.ويخليلكم عيالكم.

 

[هيبة ملك]

انتى توج بعز شبابج وببدايه عمرج والحين فيج حيل تجيبين عيال لانج كل ماتكبرين بيتعبج الحمال اكثر واكثر

يمكن عشان عنده بنتين يبي ولد...وترى الرجال ماينلام

جيبله 4 او 5 ولما يشوف الازعاج والتعب وقتها هو بيقولج خلينا نرتاح

ارضى زوجج وزين انه قالج ابي العيال منج ولاتخلينه يتزوج عليج لانج بتندميييييييين وقتهاا

موفقين

صاااااااااااااااااجة

 

[honey 2010]

حبيبتي العمر جدامج واخذيه على قد عقله قوليله انشاء الله والله ان جاتك ضره تشوفين المشاكل بيبنكم وبين عيالكم وريلك واتييبلك الامراض
والمصايب

 

[Miss.6Mo7]

قصي عليه بـ جم كلمه , وقولي إن شآءالله وإن شآءالله وسكتيه بآجر محد بيآكلهآ غيرج بس هم مو معنآته تقولين تزوج علي