ابي شي يبيض اسناني باسرع وقت بلييز ساعدوني

[antiika]

السلام عليكم
بنااات محتاجه
شي يبيض باسرع وقت اسناني
عندي عرس وبحط حمره حمره ولازم تكون اسناني بيضه علشان اتصصير بتسامتي حلوه:eh_s(22):
بس شنو الكريم او المعجون الي يبيض ؟؟؟؟
سمعت وحده من الاخوات تقول انو الديرم يبيض
ودي اجربه بس خايفه تصير اسناني يصيير لونهم بني واتوهق
ساعدووني اذا ماعليكم امر
تسلوووون يا حبيبات قلبي

 

[babloo]

حبيبتي ... حرقي شكر وفركي فيه أسنانج

 

[نيوفه]

الشكر ما غيره

 

[antiika]

صج والله الشكر يبيض انزين افركه كم مره باليوم؟؟
والوقت الي افركه فييه ؟؟
تسلمووون يا قلبووو ادري ازعجتكم بس والله مالي الا انتو الي تقدرون تساعدوني

 

[موج الحزن]

أختى شوفى هالرابط لاحد الخوات جزاها الله خيرhttp://www.q8yat.net/showthread.php?t=49480

 

[babloo]

والله اختي مادري جم مره بس الي اعرفه ان السكر المحروق يبيض الاسنان حيل .. انتي سويه مرتين باليوم صبح وليل وشوفي النتيجه

 

[سدرة_العشاق]

السلام ,,,
حبيبتي في وحده يزاها الله الف خير قالت مره عن خووووش معجون ب
المنتدى تلاقينه بالصيدليات والله النتيجه واضحه اسمه Email Daiment لون المعجون من داخل احمر وان شاء الله تحصلين نتيجه حلوه

 

[الحالمة]

انا سمعت عن طريقة من وحدة لبنانية وان شاء الله تنفعج وهي فحم وسكر وملح وعسل تاخذين ملعقة من الكل ماعدا العسل تاخذين 3 ملاعق وتخلطينهم وتفرشين اسنانج مرتين باليوم

 

[الاسطورية]

يبيعون بعد مره شفت اعلان صبغ مؤقت للاسنان
وبالعياده تقدرين تسوين تبييض بس موزين يقولون

 

[أم طه الحولة]

بس بناااات الفحم ما يضر !!!

 

[مسك]

حبيبتـي سـوي جلـســة تبييــض عنـد دكتـور الاسنــان وفكــي عمـرج​

 

[كـ غلا ــلي]

التبيض بالليزر اهو احسن شي لانه التبيض المتعارف علية بالعيادات هاذا المعجون ترا مو شي يضعف السن ويخلي السن يفقد طبقات فتصير الاسنان رقيقة

 

[barbya_q8]

الفحم النباتي ( ارد واكرر نباتي ) الي شكله عشوائي مو مال البخور طحنيه وفركي فيه اسنانج يبيض حيل وهذا منقول من لسان الدكتور خالد الطيب الخبير بالاعشاب

 

[أم حيدر]

شوفي ياحلوة - تروحين عيادة ابها اللي بالشعب وهذا رقمهم 2610534 يبيعون قالب اسنان تحطينه بالليل مع مادة اهم يعطونج ياها سعرة تقريبا ب 120 د.ك ونتايجه مضموووووووونة والبنية اللي تشتغل يالاستقبال تقدر تفيدج دقي عليها وهي تشرحلج اسمها هدى

اتمنى اني اكون فدتج - اي تذكرت وفي بعد بالصيدلية اللي يمهم - يم مطعم شلاويط قلم تبييض اسنان بس انا ما جربته فما اقدر افيدج جربيه وقوليلي

 

[جوويره]

شوفي روحي مركز سلطان يبيعون شرايط لتبييض الاسنان
تفتحين الشريط تلقين لزاق داخل تحطين على اسنانج من فوق يلزق وتحطين على الاسنان اللي تحت لزاق ثاني وبسرعه يلزق عليها تخلينه نص ساعه وبعدين شيليه وغسلي وخلاص وكل يوم تحطينه والنتايج تبين بعد ثالث يوم ولازم تحطينه كل يوم لمدة عشر ايام اختى تقول موظف عندهم اسنانه بيض تلفت النظر راحت وحده قالت بساله حريم مايخلون لازم يسالون قالهم عن هالشرايط العلبه ب 15 دينار على مااعتقد جربيها عجيييبه واذا لقيت اسمهم راح اكتب لج اسم الشرايط

 

[مـسـك العجمي]

اخذي فحم مطحون وحطي علي فرشه مبلله وافركي اسنانج

 

[soli]

هلا بنات .. حبيبتي انا عن تجربة شخصية انصحك بالفحم .. انا يوم جيت ماليزيا الماي حقهم مو نظيف فاسناني ابتدى لونها يتغير شوي حالي حال اغالب الناس اهني.. المهم اني خذيت قطعة فحم وفركت فيها سناني مرة واحدة و بعد جم يوم سويته مرة ثانية و لاحظت بس قلت ابشوف غيري بلاحظون ولا لأ بس و الله رفيجاتي صاروا يسألوني انتي ايش مسوية حق سنونج صايرة بيضاء حيل .. و نفس الشي اخوي علّق مرة يوم كنت مشغلة الكاميرا وياه على المسنجر يقول لي سنانج حيل لون صاير ابيض.. اتمنى انج تستفيدين منه بعد..

 

[antiika]

مشكوووورين على المشاركه الحلوه
يعطيكم العافيه
بس بسأل الفحم ما يأثر على الثه؟
واي فحم بالضبط شنو الفحم النباتي وين ينباااع؟