ابي شي يوخر ريحة الجوااتي ( مكرم السامع )

[q8ia_cutaa]

السلام عليكم

ادري الموضوع يلوع الجبد شوي :tomato2:
بنات انا عندي مشكلة من هالناحية جواتيي وانتوا بكرامة بسرعة تطلع منها ريحة
ما اتهنى بالجوتي يديد وماركة ومو رخيص بس ريحته عقب جم لبسة تبط الراس
كل مصاريفي على هالجواتي
مع ان اغسل ريولي اول ما ارد وماالبس الجوتي يومين اذا لبسته

شالحل ؟؟

 

[ام عمار]

استخدمي بودرة للقدم بعد ما تغسلي القدم وتنشفيه حطي البودرة عشان ريحة العرق
وحتى للعيال

 

[q8ia_cutaa]

والله احطها همن ماكو فايدة

 

[al_gardenia]

لازم تلبسين دلاق مع الجوتي تى لو شفاف

بس لمن تغسلين الجواتي حطيهم بالمس على طول

 

[sara3]

هلا اختى

عندك بيكربونات الصوديوموحدة بوحدة حطيهم فى اكياس خام صغيرة اوجياس الاوركنزا

عند بومية اودلاغ بيبى صغنون ماتبينة وحطية داخل الجوتى

 

[مســـــك]

صراحه ماعرف الا بودرة القدم من شوول

 

[{{ butterfly }}]

بالجمعية البودر مال السجاد حطي داخل الجواتي

 

[الصابرة المحتسبة]

حطي بودرة الشبة الناعمة داخل الجواتي كرمكم الله

 

[رشــوقــه]

حبيبتي حتى لو بوودره جوونسن حطيهااا دااخل الجووتي على صووول ترووووح

 

[طير الحب]

حطى بيكربونات الصوديوم بالجوتى

 

[قطرية كوول]

عقب ماتفصخين الجوتي الله يعز الجميع
حطيه بالشمس
رشي داخله باودر عادي جونسون او بيكربونات الصودا او اي بودره

وانتي بعد قبل لاتلبسين الشوز غسلي ريولج ونشفيهم وحطي لهم ديودرنت وباودر تحصلينهم عند دكتور شول

 

[q8ia_cutaa]

اي انا قمت احط بودرة شول

ومشكورين بنات كلكم

يعطيكم الف عافية

 

[أوركيدا]

حطى بيكربونات اصوديم داخل الجوتى @وداخل كبت الجواتى صابونه المسك الى عند القرشى تخلى الريحه حلوة وفى اكياس معطره

للكبت تلاقينهم عند الشايع والمرشود تخلى الريحه جنان

 

[د.شريفة]

وين صبغ الجواتي وانتي بكرامه الي ينباعون بالجمعيات معاهم عطورات خاصه للجواتي
ومثل ماقالوا لج البنات بيكربونات الصوديم

 

[nadooya]

روحي طبيب جلديه تراوالي يفيدج أكثر يمكن فيه فطريات أو شي ثاني المختصين يعرفونه .
وحاولي تلبسين شحاطات اذا مو مناسبات رسميه خلي ريولج تتهوى .

 

[bint_looda]

والله خوش موضوع !
الجواتي مادري ليش ماشم فيهم ريحه بس الكبت الي احط فيه جواتي اشم فيه ريحة الجواتي !!!! مستغربه من هالشي لول

 

[nadooya]

والله خوش موضوع !
الجواتي مادري ليش ماشم فيهم ريحه بس الكبت الي احط فيه جواتي اشم فيه ريحة الجواتي !!!! مستغربه من هالشي لول

قطي بالكبت كم وحدة نفتالين تمص الريحه

 

[qasawa]

روحي طبيب جلديه تراوالي يفيدج أكثر يمكن فيه فطريات أو شي ثاني المختصين يعرفونه

حبيبتي رايي من رايها .. و صارت مع وحده من الخوات و الفطريات تطلع ريحة بالريل و بالجوتي " كرمكم الله "