ابي صاله عيد ميلاد

[DALAL25]

صباح الخير يا امهات ياحلوين:eh_s(8):
اذا تقدرون تفيدوني

ابي صالات حق عيدميلاد بنوتي حياتي :33_1185028183: وابيها مسكرة عشان اخذ راحتي ونفصح حجاباتنا ونكشخ :O_SHH_: انا ومعازيمي والديكور علي بس ابي الصاله ويكون السعر مناسب

وناطره ردودكم بفارغ الصبر لان مابقى شي

ومشكورين

 

[DALAL25]

اشدعوه كل اللي مروا ماعلقوا يعني الكل مايعرف ؟؟

 

[%F&R%]

في صاله بنادي الضباط اذا عندج احد عنده عضويه بالنادي يسون السعر50 دينار واتمنى اني فدتج

 

[كويتيه ذربه]

الله يخليها لج ان شاءالله

شوفي صالات الافراح

صاله قبازرد بس حطي طاولات مو مدرجات

انا قبل سنيييييييين سويت حق ولدي بصاله هابي لاند نادي القادسيه مادري اذا في الحين ولا لأ

وعندج بارتي هاوس بقرطبه

وسالي اذا في بصندوق التوفير

او صالات تنميه المجتمع

الفندق الدولي

هذيل كل اللي اتذكرهم الحين واذا تذكرت شي اقولج بعد

 

[@ دهن العود @]

للاسف ماعندى فكره

 

[DALAL25]

في صاله بنادي الضباط اذا عندج احد عنده عضويه بالنادي يسون السعر50 دينار واتمنى اني فدتج

مشكوووورة حبيبتي صج فدتيني:ggdw:
بس اهي حلوه ومسكرة ولا ماعندج فكره

 

[DALAL25]

الله يخليها لج ان شاءالله

شوفي صالات الافراح

صاله قبازرد بس حطي طاولات مو مدرجات

انا قبل سنيييييييين سويت حق ولدي بصاله هابي لاند نادي القادسيه مادري اذا في الحين ولا لأ

وعندج بارتي هاوس بقرطبه

وسالي اذا في بصندوق التوفير

او صالات تنميه المجتمع

الفندق الدولي

هذيل كل اللي اتذكرهم الحين واذا تذكرت شي اقولج بعد

مشكورة حبيبتي والله كنت حايسة عاد بنتي ماتدري شالسالفة يصير عمرها ان شاء الله 3 سنوات شكلها بس بتجابل الهداية ههههه :jbdwjbd:

 

[DALAL25]

للاسف ماعندى فكره

حبيبتي يكفي مرورج نورتي :eh_s(9)::68_asmilies-com:

 

[om-3boody]

كل عام وبنوتج بخير ان شاء الله . انا مفكره اسوي حق عيالي بس ماني عارفه شنو اختار منها عندج كرتون نت وورك وعندج بروي وعندج ماجيك بلانت بس بصراحه للحين ماشفت شي منهم على الاسبوع الياي بستفسر عنهم اكثر واذا سوييتي حق بنتج قولى لنا ويين

 

[DALAL25]

شوفي حبيبتي ام عبودي انا اللي شايفته كرتون نت وورك ووايد عجبني ونظيف وكل شي عليهم من الشخصيات والاكل وبرنامج الحقل والوجبه حق اليهال من ماكدونالد ويعطونج كوبون حق كل اليهال يلعبون ببلاش بس شغله وحدة موعاجبتني ان ودي اكشخ يعني البس نفنوف سمبل قصير واصور مع بنتي بس اهو كله رياليل يعني ما اقدر افصخ حجابي خخخخخخ انا اليوم بدور اذا لقيت راح اردلج خبر وكل عام واعيالنا بخير والله يخلينا لهم

 

[جوري الكويت]

رد : ابي صاله عيد ميلاد

ماكدونالد جنوب السره

بس مشكلتهم بس تحجزين المكان ساعتين و يصير تقولين لهم ابي بس ستاف حريم

لأن في منقبات

 

[so salt so sweet]

رد : ابي صاله عيد ميلاد

صالة تنمية المجتع بكل منطقه موجوده

 

[twinsmam]

شوفي حبيبتي ام عبودي انا اللي شايفته كرتون نت وورك ووايد عجبني ونظيف وكل شي عليهم من الشخصيات والاكل وبرنامج الحقل والوجبه حق اليهال من ماكدونالد ويعطونج كوبون حق كل اليهال يلعبون ببلاش بس شغله وحدة موعاجبتني ان ودي اكشخ يعني البس نفنوف سمبل قصير واصور مع بنتي بس اهو كله رياليل يعني ما اقدر افصخ حجابي خخخخخخ انا اليوم بدور اذا لقيت راح اردلج خبر وكل عام واعيالنا بخير والله يخلينا لهم

انا الي اعرفه مثلها و الكوبون حق كل طفل 7 دنانير و السعر شامل كل شي 190 هذا اول ما افتحوا مادري اذا تغيرت الأسعار

 

[DALAL25]

رد: رد : ابي صاله عيد ميلاد

صالة تنمية المجتع بكل منطقه موجوده

مشكورة حبيبتي بس ماتدرين على جم اسعارهم ؟؟
:s141: لا مايب غالي

 

[DALAL25]

انا الي اعرفه مثلها و الكوبون حق كل طفل 7 دنانير و السعر شامل كل شي 190 هذا اول ما افتحوا مادري اذا تغيرت الأسعار

مشكورة حبيبتي على الرد
وزين اذا ب 190 لاني جني خابرته 250 لازم اروح واسال :RoadRunner:

 

[ام اغلى الناس]

اعتقد بالبيت احلى
و كثير بنات مدحوا شركات اعياد ميلاد
لان المطاعم ساعتين وبس
اما الصالات .... انا سمعت ناس يمدحون صالة حولي بارك
بس انا ما شفتها

 

[Om Ghalia]

جنغلز بالسالمية...........

 

[miss_heathrow]

صالة المركز العلمي

 

[خبز مسمسم]

انا من رايي انج بيوم ميلاد بنتج تحفظينها سورة قرآن ولا دعاء صغير وهين عليها تتبارك فيه وتذكره لج طول عمرها لانها ماتذكرلج بعدين هالعيد ميلاد اذا درت انه حرام لما تكبر وصدقيني بجذي راح تعرف شكثر غلاتها عندج وشكثر انتي حريصه على انج تحبين انها تكون مميزة بين عيال جيلها وماعليج من الناس وشنو يقولون لج اهم شي قناعتج ان وقت هالحفل راح يكون حسره عليج يوم القيامه وصدقيني انا مابي الا افيدج وافيد باقي البنات اللي بيقرون الموضوع وفلوس الحفل بدال ماتقطينها على شغلات مالها داعي سوي فيها شي خير ودفعه بلا عن بنيتج الله يحفظها لج ويخليها
واعذريني اذا كان اسلوبي فيه شي مايعجبج بس إخذي الزين بكلامي وقطي ورا ظهرج

 

[DALAL25]

انا من رايي انج بيوم ميلاد بنتج تحفظينها سورة قرآن ولا دعاء صغير وهين عليها تتبارك فيه وتذكره لج طول عمرها لانها ماتذكرلج بعدين هالعيد ميلاد اذا درت انه حرام لما تكبر وصدقيني بجذي راح تعرف شكثر غلاتها عندج وشكثر انتي حريصه على انج تحبين انها تكون مميزة بين عيال جيلها وماعليج من الناس وشنو يقولون لج اهم شي قناعتج ان وقت هالحفل راح يكون حسره عليج يوم القيامه وصدقيني انا مابي الا افيدج وافيد باقي البنات اللي بيقرون الموضوع وفلوس الحفل بدال ماتقطينها على شغلات مالها داعي سوي فيها شي خير ودفعه بلا عن بنيتج الله يحفظها لج ويخليها
واعذريني اذا كان اسلوبي فيه شي مايعجبج بس إخذي الزين بكلامي وقطي ورا ظهرج

هلا والله اختي خبز مسمسم ليش ازعل كلامج عين العقل اصلا انا فكره توديني وفكرة تييبني يعني عقب شطتي ولوليتي فكرت فيها عدل ودي اسويه واستانس مع بنتي وماودي اخاف يطلع علي ولا عليها احس حرام وبعدين اقول انا ولا مره سويتلها وارد اقول اهيا ماراح تتذكر ليلحين مترددة ماادري ؟؟
انتوا شرايكم ؟:s141: