ابي طرق سندويشات خفيفه ولذيذة تصلح حق سحور

[شيخة الحلوة]

قوة بنات


عفية
ابي طرق حق سندويشات حلوة
ولذيذة



ابي حلوم وجبن ومرتديلا
وهالسوالف
لانني حامل وماابي اتعب نفسي بصراحة خاصه
وانتو عارفين الثقل شي مو طبيعي

يعني ابي سندويشات ما فيها طبخ وثوم وبصل




ودي اسويها سحور حقي وحق حمولتي

ابي شي حلو


يعني خلطة معينة

او شي
المهم ابي افكار حلوة منكم



ومشكورين

​

 

[عاشقه رويشد]

جربي التونه وخلطيها مع مايونيز وخل وملح وليمون وصماغ ويصير اتضيفين بصل بعد وحشيها داخل توست او صمون

عندج بعد المرتديلا مع المايونيز والخس والطماط روعه

في طريقه الدياي المسحب اللي اهو دياي وبصل وملح وفلفل اسود تحمسينه وتخلطينه مع مايونيز وتحشينه داخل صمون

 

[شيخة الحلوة]

يمي يمي

مع بيبسي بااااااااارد
اللللللللللللللللله



ههههههههههههههه

ترى حدي يوعانه

 

[جارة القمر]

تفضلي طلبج
http://q8yat.net/showthread.php?t=365877&highlight=%D3%E4%CF%E6%ED%D4%C7%CA

http://q8yat.net/showthread.php?t=365877&highlight=%D3%E4%CF%E6%ED%D4%C7%CA


http://q8yat.net/showthread.php?t=424009&highlight=%D3%E4%CF%E6%ED%D4%C7%CA


http://q8yat.net/showthread.php?t=58


http://q8yat.net/showthread.php?t=193299

 

[@حبيبه ريلها@]

انا عندي وايد طرق سندويشات حقج اول شي طريقه طلياني يبي توست وحطي حمصي بالتوستر ويبي حلوم ومرتديلا وفلفل اسود وفليفله وحطيهم بالمقله حمسيهم مع جبن كرفت وكاتشب او مايونيز وحطيهم بالتوست ويبي قصدير وقصيهم نفس كلوب ساندويج

 

[أم كوكا ورشود]

انا عندي وايد طرق سندويشات حقج اول شي طريقه طلياني يبي توست وحطي حمصي بالتوستر ويبي حلوم ومرتديلا وفلفل اسود وفليفله وحطيهم بالمقله حمسيهم مع جبن كرفت وكاتشب او مايونيز وحطيهم بالتوست ويبي قصدير وقصيهم نفس كلوب ساندويج

السلام عليكم عزيزتي ممكن المقادير والطريقه بالتفصيل

 

[أمــجــاد]

فيه طريقة وايد حلوه أختي وايد تحبها خلطي 3 ملاعق جبن كرافت السائل مع 3 ملاعق مايونيز وجزره مبشوره ونص شدة بقدونس مفروم وخلطيهم ودهني فيهم التوست وحطي عليه شريحة طماط وسكريه بالتوست وسخنيه وبالعافية

وفيه طريقة ثانيه أنا أحبها وايد قطعي بقدونس ومخلل خيار وفلفل أخضر وبصل صغار جدا وخلطيهم مع التونة وضيفي عليهم ذرة وجزر مبشور وجبن كرافت ومايونيز وشوي عصير ليمون وفلفل أسود وقليل من الملح وإذا تحبين حمسيهم شوي على النار أنا أسوي الطريقتين وكلهن حلوات

 

[البلوره]

هلا خيتو

الله يعطيك العافيه

على مجهودك لحمولتك وانتي حامل

تقومين بالسلامه يارب..

عندك مربعات البف باستري..

تقدرين تسوين منها الي تبين وبسهوله ماتحتاج عذااااااااااب

المربعات الصغيره سلايز منها

جيبها وجيبي نقانق "هت دوق" اذا تحبونه

اسلقيه شويه عالنار

بعدين حطي بمربع البف باستري شريحة جبن سلايز وكاتشب

واخر شي فوقه النقانق حبه وحده وسكريه بطريقة اصبع

يعني حطي الهوت دوق او النقانق بالطرف عند الزاويه اليمن تحت

وابدي لفيها وسكريها بالجبن السايل .. سوي كذا حبه منه

اخر شي حطي بصينيه مدهونه وامسحي على الوجه زبده شوي وحبة البركه

ودخلي الفرن لين تنتفخ .. وبالعافيه ..

وفيه بعد حشوه حلو لها جبن حلوم مع نعناع مجفف وسكريها مثلثات وامسحي بعد زبده عالوجه

ودخليها الفرن ..

والمربعات الكبيره من البف باستري..

جيبي ثنتين منها حطي وحده بصينه مستطيله مدهونه وادهني الوجه جبن سايل وجيبي الثانيه غطيها بالاولى

وحطي عالوجه الاخير كاتشب وادهني الوجه زين بعدين زيتون مقطع اسود واخضر ومشروم ومرتديلا

واخر شي جبن موزاريلا او كرفت مبشور ودخليها الفرن لين تنضج بتصير عندك بيتزا لذيذه وبالعافيه..

 

[@حبيبه ريلها@]

الطلياني اخذي المقادير حبيبتي وايد سهله المقادير: مرتديلا - فليفله - حلوم -فلفل اسود -ملح حسب الرغبه -3ملاعق كاتشب - 3 ملاعق مايونيز او جبن كرفت او المراعي حسب الرغبه - توست
الطريقه : يحمس المرتديلا والحلوم بالمقله حتي يتحمر قليلا ثم يوضع الفليفله المقطعه ويضاف الكاتشب والمايونيز او الجبن حسب رغبتك ثم يضاف البهارات الفلفل والملح
ثانيا اخذ التوست ووضعها بالتوستر لتحمر ويوضع عليها الخلطه الطلياني وقطع التوست بالنصف وبالعافيه ياحياتي

 

[البلوره]

بعد خيتو في المكرونه البارده ماتعب

بس اسلقيها مكرونه لسان العصفور او اي مكرونةه صغار

واذا استوت نص ضيفلها خضار مجمده مشكله الجاهز الكميه الي تحبينها

وخليها تطبخ معها ..بعد كذا اذا استو كل شي صفيها وخليها تبرد

ابشري جزر وملفوف ابيض وضيفيه لها اذا بردت وخلصت

اخطلي بزبديه علبة زبادي مع 3 ملاعق جبن سايل 3 ملاعق مايونيز ملعقه كبيره كاتشب

شوي فلف اسود وملح شوي واخلطيهم ضيفي المكرونه عليها وقلبيها لين تتشبع بالصوص

غطيها ببلاستك ودخليها الثلاجه لين وقت السحور .. لذيذه مره وبالعافيه..

وعندك الكلوب ساندوتش سهل

توست وجبن سلايز ومرتديلا وتنونه

التوست الاول جبن سلايز ومرتديلا فوقه توست ثاني مسحه مايونيز فوقه تونه وتسكرين التوست

تقطعينها مثلثات وتحطين بالوسط عود اسنان فوقه زيتونه زينه ..

 

[@حبيبه ريلها@]

بيتزا التوست
مقاديرها : كاتشب - جبن موزريلا - زيتون - فطر -ذره - زعتر - مرتديلا حسب الرغبه - توست
الطريقه: اخذ التوست ويقطع نصفين او اخذ كوب ويقطع دوائر ثم يخلط الكاتشب مع الزعتر ويمسح على التوست ثم يوضع الزيتون والفطر والذره والمرتديلا ويرش جبن موزريلا عليها وتوضع بالفرن حتي تسخن ويذوب الجبن وبالعافيه

خبز بالثوم
مقاديرها: توست - او خبز صومالي -جبن موزريلا - زبده -ثوم
الطريقه: يقطع التوست قطعتين او يقطع قوالب مدوره بالكوب ويبشر الثوم ويوضع بالمقلاه مع الزبده حتي يتحمر قليلا ثم توضع وتمسح بالتوست ويوضع عليم جبن الموزريلا وتدخل الفرن

 

[مساء مونترو]

بيتزا التوست عجيبة..
عندج تشكن تندوري ساندونيتش...
قفشيتن بهارات تندوري -روب -ثوم-ملح-فلفل-زنجبيل-بصل-ثوم-صدور دجاج بدون عظم طبعا تقصينهم مثل التشكين فيلية تنقعينهم لمدة ساعة ..وبعدين تقلينها حلوة وخفيفة..