ابي طريقة العيش و الحشو

[ميمي..]

السلام عليكم
حيا الله السنعات

بغيت اسألكم شلون اسوي حشو
احطه فوق العيش
ابي الحشو اللي يكون فيه حمص حب وكشمش شلون اسويه
وبعد بغيت طريقة العيش والدجاج اللي يحطون معاه شعيريه وفوقه حشو
مدري شسمه
اذا عندكم روابط مواضيع فيها هالشيا ياليت تعطوني
امنيتي اسوي عيش يطلع شكله حلو وطعمه بعد

مستحيه منكم تراني ادري اني فاشله ولا اصف جمبكم:eh_s(7):

 

[randomy]

بصله كبيره - نص كوب زبيب ( كشمش )

نص كوب حمص صغير مفلوق ( نخي )

ملح - هيل مطحون - قرفه ناعمه - ليمون أسود مجفف ومطحون ( لومي ) - بهارات كويتيه مشكله ...
يغسل النخي جيدا ويسلق بالماء حتى ينضج تماما ..ثم يصفى ..
يغسل الكشمش وينقع بماء ساخن حتى يلين ثم يصفى ..

ثم نضع البصله المقطعه صغيرا بالقدر على النارمع رشه ماء وتقلب مع رشها بقليل من الماء حتى تذبل ..

يضاف قليل من الزيت ويحمر البصل , ثم نضع النخي والكشمش ,
ويقلب الجميع على النار , ثم تضاف بهارات الحشو ..تقلب قليل
وترفع عن النار ...
منقووول

 

[جارة القمر]

تفضلي طلبك::

http://www.q8yat.com/t432104.html



http://www.q8yat.com/t480814.html


http://www.q8yat.com/t312339.html

 

[أحمرجوري]

انا طريقتي غير

حمص
كشمش
بصلة متوسطة الحجم
ماء ورد
زعفران بودر
زبدة
ربع كاس ماء
ملح
ملعقة زيت ذرة
الطريقة

نحمر البصلة بعد تقطيعها مربعات او الطريقة الي انتي تبينها مع ملعقة زيت ولما يصير لون اصفر نضع الحمص بعد ان يتم سلقه
وتمسكين حبة وترعصينها اتشوفبنها صارت لينه بس شوي مو وايد ليونه وتقلبينها مع البصل وبعدين تضعين الكشمش بعد ان تم نقعه بالماء سواء حار ولا بارد عادي المهم يصير لين وتضعينها مع البصل والحمص وتقلبين المقادير ثم تضعين ربع ملعقة صغيرة بودرة الزعفران وتقلبينهم عدل وبعدين تحطين ملعقة كبرة من الزبدة وتقلبينهم لما تشوفين الزبدة تشربت تحطين ملعقة صغيرة هيل مطحون وتقلبنهم عدل واخر شي تضعين ربع كاس ماء وتقصرين علي النار عليهم ولما تتشرب الحشوة الماء تضعين رشة خفيفة من الملح

هذي الحشوه لمجبوس الدياي واللحم فقط