ابي طريقة الكريم كراميل الجاهز

[virgo_kw]

حبايبي ابي طريقة الكريم كراميل الجاهزه ومابي اللي يحطون فيها بيض و زعفران وهيل لا ابي الجاهزه العاديه بس ابيها ثقيله تكون وحالية​

 

[جارة القمر]

قصدك اللي بالكرتون اللي بالجمعيات

 

[كنوشة 2009]

لتر حليب - 4 بيضات - 9 ملاعق حليب بودر - 9 ملاعق سكر عادي - اشوية فانيلا -
تحطين الحليب مع البيض في خلاط الكيك وتخلينه عشر دقايق بعدين تضيفين الحليب والسكر
بعدين تحرقين 2 ملعقة كبيرة سكر وتحطينه في قاع الماعون وتصبين الخليط فوقه
وتسكرينه وتحطينه في ماعون في ماء وتحطينه بالفرن لمدة ساعتين على درجة 180
وبالعافية

 

[dnyay_mll]

مبارك عليكم الشهر
حبيبتي مكتوبه الطريقه عالعلبه
لاتزيدين ولا تنقصين من اللي مكتوب
وافضل ماركه جرينز

 

[أغلى حبيبه]

٤ونص كوب ماي
٢ كوب حليب بودر
نص كوب سكر
علبتين كريم كرمل

هذي طريقه ام عزيزان صج حلوه وتصير جنها كيكه متماسكه وتهبل

واذا تبين شي سريييييع

على كل علبه كريم كرمل قوطين حليب سائل يعني نص لتر وهمممم حلوه

 

[جارة القمر]

اللي بالكرتون ما في أسهل منه


وما قصروا البنات

 

[الشموخ~~]

انا احط حليب جاهز كي دي دي او المراعي وعلبتين كراميل