ابي طريقة ترتيب جهازي سااااعدوني حدي متوهقة

[محتاجة لدعائكم]

السلام عليكم بنات

بنات انا عروس وابي طريقة حق جهازي يعني وين احط اكسسواراتي وين احط قمصاني و دراريعي واطقم الستيان وين احط سليباتي يعني بشكل عام شلون اجهز الجناط

يعني بنات ابي اعرف وين احط كل اغراضي هذي انا شريت 3 جناط طقم ما ادري شلون اقسمهم وما ادري لازم اجيب صناديق وهالصناديق شنو احط فيهم

ياريت ترتبولي جهازي لانة انا اكبر خواتي وما نعرف شلون الطريقة

ابي طريقة حلوة وذربة

بنات ساعدوني جزاكم الله خير ولا تخلوني بلللللليز​

 

[نوره في وسط صوره]

شوفي حبيبتي انا دشيت بيت زوجي ب8 جناط كبار بلاصناديق بلابطيخ الناس ماتشوف الا عدد الجناط
المهم
دراريعي كانت بجنطه
وقمصاني كانت بجنطه
وعبيي وملافعي بجنطه
والجواتي عزج الله والجناط في جنطه
وجنطه العطور والبخور
وجنطة المكياج مع ترتيبات التواليت
والجنطه السابعه كانت حق الروب مال الحمام طقم كامل ووالاكسسوارات وكنت جايبه اكسسوارات للحمام وللشقه على بو رومانيه يعني والاوتي البخار اسرع لاهلي يوم يرتبون اغراضي وخالتي لالحين تقول جهازج ماشالله شكر
اذا حبيتي اعطيج افكار تحت امرج بس صناديق ماانصحج والله

 

[محتاجة لدعائكم]

جزاج الله الف
اختي اتمنى تفيديني اكثر وتعطيني افكار لانة صج صج متوهقة

يعني الجناط ازينهم من برة بورد وجذي ولا لا

مو فاهمة ولا شي

 

[g6awi]

انا انصحج رتبيهم باسرع طريقه واسهلها
انا عن نفسي وديت اللي ابي بجناط وبس
ولما رتبتهم هناك حطيتهم بصناديق كشخه او ارفف كشخه

لان محد بيشوفهم غيرج ف تزهلقينهم شحقه

 

[محتاجة لدعائكم]

يعني بعرف وين احط اكسسواراتي العادي واكسسواراتي الغالية والذهب والالماس والساعات الغالية

 

[شوشه منكوشه]

انتي حيل متوهقه
ليه جناطك شوي بس ثلاث انا سبع جناط3 كبار 2 وسط 2 صغار
اول شي خصصي جنطه لملابسك الكشه والطلعه
وجنطه ثانيه لملابسك البيت وقمصان النوم
وجنطه للمكياج والكريمات وشغلات الجسم
وشغلاتك الغاليه واكسسواراتك وساعاتك خلي لها جنطه بروحها
وجنطه للكماليات اللي شاريتها
وماله داعي تزيين الجنطه محد شايفها غير اهلك
وعقب الدخله روحي اشتر صناديق علشان ترتبينها داخل الكبت
واشتري معاليق الاسفنج حق قمصان النوم
وخلي جنطه خاصه لبسك حق اول يومين ومقفل عليها يمكن تروحون فندق ولا يصير ظرف طارئ
مثل ما صار لي هههههههههههه
والله يوفقك وتزيدين حلا بيتك حلا

 

[نوره في وسط صوره]

انا بعد الاخت شوشه منكوشه بكلامها ليش اتزينين الشنط كافي انج ترتبينهم وماله داعي التزين كل ماهان تبارك اهم شي سهولة الترتيب بالشقه يعني حطيهم بعلاقات وجذي علشان تعلقين على طول عرفتي شلون والله يوفقج يارب واككسسواراتتج انا شريت شنطه حق الساعات تشيل 24 ساعه وحطيتها بالدرج ماال التواليت ويوم شريت من الحفار اكسسوارات واجد قلتله عطني هاذي الي تحط فيهاالخواتم وراح المخزن وجابلي وحده وحطيتها ورتبت فيها خواتمي علشان اذا بطلع اشوفهم واختار الي ابيه والذهب شريت تجوري صغير وحطيته بالكبت تلاقينه بالغانم ب25 او 30 دينار وحطي في ذهبج واوراقج المهمه والماساتج لو تحطينهم كلهم بصندوق وادخلينهم داخل التجوري في اخر الكبت يعني مو مبين عرفتي
وروحي دايسو واشتري قواطع جدا فادتني بترتيب الاندر وير والستيانات والدلاغات قواطع بلاستك انتي اتصفينهم داخل الدرج على حسب قياسه واترتبين فيهم ملابسج والملافع شريت من ايكيا العلاليق الي فيهم كماشه من كل جنب ورتبت فيهم ملافعي والكبيت واحد خليته للقمصان الطويله والملافع والعبي وتحت حطيت صندوق قش شريته من صفاة الغانم حطيت فيه القمصان البيبي دول والقصيره حيل رتبتهم فيها والثاني للدراريع والبدلات وبجذي مابقى شي لرجلي وطلعت دشاديشه على ستاند من سوق شعبي خذيته ههههههههههههه
عصب حزتها يقول حقدت عليج قلت شسوي خواتي مالقو مكان بعد

 

[محتاجة لدعائكم]

تسلمون بنات على نصايحكم لي

وجزاكم الله خير

 

[محتاجة لدعائكم]

بنات ساعدوني اكثر

الله يخليكم

 

[ماكينتـ*زينة*ـوشة]

انا من رايي ومن اللي خواتي يسونة البدل ودراريع ملابس الكشخة يعني شيليهم بالستاند مال الملابس الحديد تعرفينة نفس مال المحلات لبسيهم كلهم نفس الشي اماا الجياس مالت الملابس في شركات خاصة تسووي لج بالون اللي تبين او طريقة اذرب شفتي جيس المصبغة الشفاف سووي نفسة بس بس تور او اورقنزا اللي يعجبج وشيلها من بيتكم بالستاند وعلقيهم بالكبت على طوول يفضل الخامة تكون تور او اورقنزا او شيفون عشان تقدرين تشوفين ملابسج لما بتلبسين وبجذي تخلصتيي من الدراريع والبدل وحطي بجنطة ملابسج مالت الشقة وبجايمج
وجنطة قمصانج والاندروير وجنطة عطور وجنطة مكياج اتمنى اكون فدتج

 

[ماكينتـ*زينة*ـوشة]

يشبة هذا بس للملابس

 

[محتاجة لدعائكم]

اختي ممكن رقم الشركة اللي تسوي الاجياس

 

[الـزيـــــن]

مرحبـــآ .

بصرآحه انا ., مآآشآآرك وآجد


بس ودي اسآعدج لاني مجربـــه

جهاازي وجهااز اختي


عرس اخوي .. ك’ن قبل اسبووع اوكي .

ولمن حطو اغرآضهاا ... تدرين بلااغة شفع بشوووف شمسويه


امهــآ قآلت لامي اذا انتي سآمحه لنا نغير الديبااج مسووين لها طقم .. اذا منتي رااضيه ماله دآعي


عاد امي ردت .. قآلت اخذوا رآحتكم


وبعد مآرآحوا دخلنااا الغرفه .



الغرفــه كلها لونيـــن اوف وآيت .. وبيدجــآني واضاااءه خفيفه


مو الطــوفــه... الديبــآج ... الورد المجفف ... حآطــه عرض للاكسسوارات والذهب والسآعات

.. يعني طآوله وتفتر ومسكره بجآآم وشآآبه ليتهااا


وشوارفسكي خفييف عالديبااج يعطي لمعــه


التســريحه مو حآطــه الا عطوورآت


والادرااج مرتبـــه سلااااااااااال صغيره يكوونون طقم وآحد ولوونهم واحد وباحجااام


ومرتبه مكيااجهااا .. وصندووق الخواتم ... وهالحووســه


الشيفوونيره .. .. حآطـــه سلااااااااال بكل رف

.. حجم واحد .. وكل ستياان .. مع الكلووت يعني طقم واحد جنب بعض ومرتبتهم


والللي مرتب اموورها كلهااا .. مصمم ... بس انا اقوولج مــــآله داعـــــــــــــــــــــــــــــي بالمره


شووفي يآقلبي


الجناااط كاافي انهم طقم لاتسويين فيهم شي




الاهم الغرفــه وتكرميــن الحمــآم ...


اختـــآري لوونين لون االمســـكه .. وضيفي لــون ثاني معاها والاووف وايت دايم حلو




رووحي دآيسووون ... واخذي سلااااااااااااااااال ... اطقم صغيره لادرااج التسريحه


ومتووووسطه .. يكون ارتفآعهااا صغيــــر بس العرض كبير شوي .. للملااابس الداخليه وقمصاان النوم القصااار


وانتي اخذي لج شرآيط .. وتور ولعبي بالسلااااااااال .. واخذي ورد مجفف .. مو بطقه لاااااااااااا روحي سنتر بوينت عشاانها معطره .. ونفس الوانج


وهالله هالله بستاااندات الشموووع نفس الالوآن .. ومفاارش اخذي بس اتوقعها قديمه ..

ورووحي بو ميــة فلس .. شبااصاات ماشااات خراابيط .... بس كثري الشمووووووووع واختااري بس الوانج


وهالله هالله بالسنـــــــع .. موفقه يآقلبي واي استفســآر بالخدمه

 

[نووووونا]

عسى الله يبارك لج حبيبتى


صاجه اختى ايللى تقول لج روحى دايسو وشكلى عندهم تشكيله من الصناديق متتعدده الاحجام

اختارى انواع واللوان فواتح لايقه لغرفتج وصفى فيها عطوراتج ومكياجج واصقم اكسسوارتج

وبالنسبه للاكياس مالت الملابس تحصلينهم بلونين الابيض والاسود 3حبات بجيس بنص دينار

بايكيا ,وتحصلين عندهم كراتين التخزين ممكن تحطين فيهم ,الجواتى ,وبعض الاغراض بشكل حلو ومرتب

والله يوفقج وتتهنين يا رب,,

 

[محتاجة لدعائكم]

تسلمين اختي نجد

 

[€€ ريم €€]

السلام : افضل طريقة للعروس فرز الاجهاز وضع في صناديق مخمل لوضعها في الكبت مثل:
الملابس الداخلية ,الملافع,المكياج, الاكسسوارات ,

 

[محتاجة لدعائكم]

ساعدوني اكثر

العطورات اخليهم بكرتونتهم ولا اشيلهم

 

[FoOoShYaa]

اول شئ الف الف مبروك وعسي الله يوفج .
روحي ايكا في صناديق كرتون مع غطاء يكونون 2 مع بعض حجم وسط علشان يكفون الرف اخذي 6 واشتري شريطه ستان نفس لون الصندوق او لون لائق .
اول صندوق حق قمصان النوم القصيرة الثاني حق الطقم الثالث حق الاندروير الرابع حق الستيانات الخامس حق الشلحات السادس حق الشورتات مع بلايزهم وبعدين ورحي سنتر بوينت اشيرتي كيس صغير يكون فيه عطر كل صندوق فيه واحد بعد ين سكري الصندوق بالغطا ولفي الشريطه علي شكل فيونكه ولما يودون جهازك يكون شكل الصناديق ذرب احسن من الجناط الواجد ويحطونهم بالكبت حتي شكل الصندوق ذرب في الكبت انا مسويه جذي حتي اذا مالج خلق ترتبن الكبت راح يكونون داخل الصندوق .

 

[زوجة حبيبي]

الله يهنيج

انا للاسف عروووس قدييييييييييييييييييييييييييمه وما راح اقدر افيدج

على الاقل ارفع لج الموضوع

 

[توت وتين]

موفقة وتهنيين