ابي علاج لبطء الحركه المنويه

[روعتي في نظرتي]

حبايبي عندي لكم سؤال وابي منكم جواب انا اخذت ابر ة التفجير ولا صار حمل وطلع عند زوجي بطء في حركة الحيوانات المنويه نسبتها 10% ابي علاج بالاعشاب منكم فديتكم نخيتكم بعد الله

 

[جــــود]

اب لعنونج

 

[قاهره عذالي]

عسل الفايز (خلطة الرجل)
24560332
حيل يفيد مو شويه

 

[الزيـــــ^^ـــــن]

حبيبتي بسيطه لاتحاتين خليه ياخذ علاج بروفيرون وعسل العويد مع اللهوم
وان شاءالله ربي يشافيه

زوجي كان جذي والحمدالله ارتفع وصار37 تقريبا

 

[blue cloud]

الله يعوضك ان شاءالله
انا قبل يومين اخذت الابرة التفجيريه والله يكتب لي الخير
لان زوجي عنده ضعف بالحركه
دعواتكم احمل الشهر هذا

 

[أحبك يالبنفسج]

العسل وايد زين بانتظام
الله يرزقج الذرية الصالحه

 

[روعتي في نظرتي]

يعطيكم العافيه يارب ويرزقني ويرزقكم الذريه الصالحه

 

[سارووه الاموره]

عسل ماكو غيره


ان شاء الله يفيده وتحملين وتبشرينا يارب ..

 

[قاهره عذالي]

صاحبة الموضوع
والله العظيم
زوجي كان عنده قلة عدد
وضعف بالحركه والنشاط ناقص عن الطبيعي 5%
والعدد كان ماينفع عنده حق حمل يكون طبيعي
هذا اللي قالي الدكتور
والله واروح ازن عليه روح طبيب
قالي الطبيب علاجك بس فيتامينات
ليش ماتبي تروح
ومايسمع
اخر شي بالصدفه كنت بشتري للعيد
ومريت السوق كنت ابي عسل العويد بس لقيت عسل الفايز
وكنت بتطمش
مابي اشتري
واتفاهم مع صاحب المحل واقوله حالة زوجي
والارقام اللي بنتايج التحليل
ويعطيني له عسل خلطة الرجل
وقال لازم يخلص كيلو عسل
عقب يحلل
واذا صار في تحسن بسيط يستمر على العسل ويخلص كيلو ثاني وبأذن الله يشفى
وفعلاااا
هذا اللي صار
الحمدلله تحليله صار فوق الممتاز

 

[@الليدي لين@]

هذا علاج يبته لج من منتدى ثاني بس صراااحه ماجربته على ريلي ان شاء الله ناويه اسويه




خلطه مجربه لمن عنده قله في عدد الحيوانات المنويه او ضعف حركتها، تزيد عدد الحيوانات المنويه وتقوي حركتها بشكل كبير جدا وتزيد السائل المنوي ومنشطه ايضا ، وهي تستخدم كعلاج فقط وتبدأ آثار العلاج بعد اسبوع الى اسبوعين من المداومه على استخدامها وقد يحدث الحمل بعد ذلك مباشره بإذن الله ، ومن يعاني ضعفا شديدا في حركة الحيوانات او عدد الحيوانات المنويه قليل جدا لديه فهذه الخلطه فعالة جدا ومجربه وبها العلاج بإذن الله ويمكن الأستمرار عليها لمدة مابين شهرين الى ستة اشهر اذا لم يحدث الحمل ،الخلطه هي:

1. كيلو عسل نحل

2. عشرين جرام طلع نخل

3. مئه جرام جنسنج

4. عشرين جرام غذاء ملكات النحل

5. عشره جرام زيت جنين قمح

6. خمسين جرام حبوب لقاح النحل*

7. عشرة جرام عاقر قرح هو مثل العيدان لونها بنى غامق

8. خمس جرام عنبر محلول وليس خام

يطحن عاقر القرح ، وتطحن حبوب اللقاح في طحانة القهوة ثم تخلط جميع المقادير مع العسل خلطا جيدا ويفضل تكرار الأستغفار اكثر من مئة مره بحيث يلامس النفس الخلطه والصلاة على محمد وآل محمد وتؤخذ ملعقة كبيره في الصباح بعد الجلوس من النوم و لايؤكل بعدها اي شيء الا بعد ساعة على الأقل و ملعقة كبيره أخرى قبل النوم.طعم الخلطه مر جدا ولكن يجب التحمل والمداومه*


هذي اهيه ومثل ماقتلج انا مو مجربتها بس شكلها حييل زيينه وان شاء الله الله يرزقنا كلنا يااااااااااارب*

 

[دمثة]

1- الحجامة عند ابو محمد البناي لضعف الحركة
2- الفيتامينات يوصفونهم واسمة سبيمان
3- العسل ثم العسل ثم العسل العويد او المرشد ممتاز
4- الصدقة
5- الاستغفار