ابي فكرة غريبة لتقديم المهر

[@@ Strawberry @@]

السلام عليكم بنات بصراحة انا اول مرة اشارك بالمنتدى وعجبني حيييل المهم أخوي تو متملك ونبي نودي المهر و ابي تفيدوني بفكرة حلوة وغريبة لتقديم المهر غير الصناديق واتمنى ماتقصروووووووووون معاي:eh_s(8):

 

[حب الكويت]

مبرووك ...
افكر وارد عليج...

 

[أم بدير]

تعرفين بوابة الهدايا؟
في عندهم تسريحات صغار
اللي احنا نسميهم ميز تواليت
شكلهم روعه
فيهم مرايه وجم درج وشكلها مزخرف ولونها حلو
والله يوم ودينا مهر اخوي جان اشوفها وعلى طول تحسفت قلت ياليتني شايفتها قبل
تقدرين تحطين المهر بواحد من الأدراج والدرج الثاني هديه للعروس
تطلع الفكره وايد حلوه وتقدر تحتفظ بالميز تواليت بعدها شكله روعه ينحط بركن بالصاله او بغرفة النوم لأنه شكله تحفه​

 

[سبائك]

والله شوفي هالفكره عجبتني وحده من الخوات بالمنتدى ذكرتها

تقول خذينا جنطه ماركه مع بوكها وحطينا بالبوك كرت سحب ألي حق الحساب الي فيه المهر

وايد راقيه الفكره

طبعا تقدرون تحطون جم عطر غالي مع دهن عود وساعه ماركه بالجنطه

وألف مبروك أن شاءالله

 

[@@ Strawberry @@]

يسلموووووووو حبيبتي سبائك وام بدير وحب الكويت فديتكم ماتقصروون

 

[@@ Strawberry @@]

أختي ام بدير اسفة ازعجتج بس بغيت أسالج مثل شنو هدية للعروس تعرفين أول واحد من أخواني يتزوج وماعندي خبرة وماتقصرين حبيبني

 

[أم بدير]

أختي ام بدير اسفة ازعجتج بس بغيت أسالج مثل شنو هدية للعروس تعرفين أول واحد من أخواني يتزوج وماعندي خبرة وماتقصرين حبيبني

لا شدعوه لافي لا ازعاج ولاشي
عزيزه وغاليه
شوفي الهديه على حسب
تقدرون تاخذونلها سوار مع خاتمه عاد ذهب او الماس على حسب امكانية الولد الفكره بالتقدير
أو احيانا اييبون ساعه ماركه
في ساعات اذا البنت مو متحجبه ويكونون متفقين عالحجاب بعد الزواج تلقين يايبلها جم ملفع ماركه حلوين يونسها فيهم

وأسهل شي عطر ودهن عود وبخور شي سنع تاخذونهم تلفونهم بعلب حلوه وتوزعونهم مع المهر وطبعا دايما البخور ودهن العود أرقى شي حق تقديم المهر

والله يفقه انشالله مع زوجته ويرزقه بالذريه الصالحه​

 

[@@ Strawberry @@]

مشكووووووورة حبيبتي ام بدير امين والله يوفقج ياعمري فديتج ماقصرتي يالغالية

 

[@ام ضاري@]

ماقصروو البنات والله

يعطيهم العافيه عجبتني فكرة رفيجة سبائك شغله غريبه اول مره اسمع فيها

انا ع مهري كانو حاطينه بصدوق الشايع وناثرين ورد مجفف عليه

لاكن واحد من جماعة زوجي خواته شنو مسويات

جايبات صندوق ع درج

الدرج الاول حاطين الشبكة والثاني المهر والثالث عطور وبخور ودهن عود

الشغلات السنعه تعرفينهم

بس اللي لفت انتباهي المهررررر

كل الفين مغلفينهم نفس الهديه

فاهم على صح

مغلفتهم بدناتيل وتور وربطتهم تربيط سنع مع الوروود

بس شي والله

 

[لولي بوب]

عزيزتي عندي لج فكرة وايد حلوة وهي انج تجيبي صحن كبير مال تقديم الفواكة اللي فيه قاعدة من الاسفل وتسوين له مخدة مخمل احمر او اسود او حكلي او ذهبي مدورة على مقاس الصحن الكبير وطبعا لازم تودينها للخياط عشان تكون مرتبة ونظيفة ، وبترصين عليها نيرات ذهب باسم العروسين او اسم العائلتين وكل واحد وحسب مقدؤته ، وبالنص تحطين فيه الشبكة او المهر مغلفين تغليف راقي وبعدها تغلفين الصحن كله بورق السولوفان الشفاف تلاقينه عند محل الهدايا او الحلويات بس بحيث تكون ربطة الشريطة عند القاعدة (تجيبي التغليف تحطينه فوق الماعون وتربطينه من تحط عند راس القاعدة مو العكس عشان يطلع شكلة حلو وراقي .. وعندي فكرة ثانية وهي انج تجيبي علب البخور ودهن العود بس تطلبين من راعي المحل انه يطبع لج اسم العروسة على الخام الساتان اللي داخل العلبة ويكون الطقم كله باسمها بدل ما يكون مطبوع عليه اسم الفودري او الشايع او القرشي
وانشالله تنال الافكار اعجابج ومبروك للعروسين

 

[@@ Strawberry @@]

مشكووريييييين خوووووواتي ام ضاري ولولي بوب والله ماقصرتو هذا العشم فيكم ثااااااااااانكس ونخدمكم بالأفرااااااااااااح