ابي فكره حق تخزين الاحذيه ساعدوني

[اخت الغالي الغائب]

ابي فكره حق تخزين الاحذيه غير السله العاديه اللي تجي دورين اوثلاثه
ومن دون لايتعفسون ويختربون انا شيفه عند رفيجتي مثل الكبت ولما تبطليه يجي من داخل رفوف شبك متحركه ومن برا شكله حلو تقول جايبه زوجها ماتدري من وين بس اكيد غالي
ابي شي رخيص وعملي
زوجي لما اقوله بحط واشتري واعدل شقتي يقول حنا اجار نطري لما يصير عندج بيت ملك حطي اللي تبين
عندي مشاكل واجد بخصووص الترتيب والاثاث بس مابي اغثكم دفعه وحده
احب الترتيب والسنع من عندها افكار حق شقه صغيره لاتبخل علي

 

[!! الواصليّـــــة !!]

من صجه زوجج عاد !!

عشان انتوا اجار ما ترتبين بشقتج اي شي !

بالعكس اخذيها بروفه وتعلمي الترتيب قبل البيت الكبير ان شاء الله .

انا نعالي<<وانتي بكرامه..... الراقية مرات اخليها بكرتونا داخل الكبت ..حفاظا عليها

ااما العملية اخليهم بكبت الأرفف <<بس استهلكته وبشتري جديد احسه يبجي مني

 

[( روعه )]

و أنا بعد وياج مليت من الأرفف العاديه .. ودي بشكل أو طريقة يديده لترتيب الأحذية و تخزينها....

 

[~ام خالد~]

في خزانات بلاستيكيه عند ايكيا
وااايد حلوين وشكلهم بسيط وعملي
نفتح مثل الادراج وتشيل كمية من الاحذيه

يصير لونهم ابيض وكل ثلاث مع بعض بس مفصولين
يعني لج الحريه شلون تحطينهم وممكن تعلقينهم
ووزنهم خفيف بس يتحملون عدل

 

[^غلاي أنت^]

اي والله بنات انا داشه المنتدى اليوم خصوصا علشان هالمشكله..
انا ساكنه في بيت حمولتي ما عندي مكان بس ممر صغير حاطه فيه ثلاجتي وباقي مكان تقريبا كبر الثلاجه بعد حاطه فيه كبت حق الاحذيه (( عزكم الله)) والصراحه وايد متحسفه عليهم الصراحه غالين ويضيق خلقي لما اشوفهم متعفسين فوق بعض وانا مو من النوع الي احب احتفظ بالكرتون..
والي يسلمكم بغيت فكره حلوه تحافظ عليهم .. وادري فيكم ماتقصرون..
شكرااااا.. ..

 

[بنت الكويت العسل]

ليش ماتفصلون كباته على مزاجكم شوفوا المواقع اللي فيه خزاين للاحذيه مكرمين وفصلوا نفسها ويطلع ارخص من المحلات مثل ايكيا وغيره

 

[Swan]

في كبتات حلوة في ايكيا خاصه بالجواتي تكرمون بس ما تكفي وايد
وعندهم مثل ما قالت ام خالد علب بيضه حلوة
وعندهم ارفف وهذيله ارخص شي بس عيبهم ان يبيلهم تنظيف على طول لأنهم مكشوفين
وفي بعد مثل العلاق لونه احمر ومقسم مربعات تحت بعض بس ما يكفي وايد

وعندج بالضجيج بمحلات الاثاث كبت خاص بالجواتي تكرمين وفي اكثر من موديل
وشوفي اللي يناسبج

 

[فقدتك يانور عيني]

ايكيا عندها شغلاات حلوه للجواتي

 

[dnyay_mll]

محلات الضجيج عندهم كبتات على 20 فيهم قفل
تقدرين تاخذين واحد وتحطيـنه برا الشقه يم الباب وتحطين الجواتي اللي تستخدمينها دايما وتقفلينه
وعندج كبتات بايكيا حطي واحد بالمخزن

 

[الفاتنة]

انا شارية من الضجيج من السرداب تحديدا للاحذية - مكرمة - كبت روعة في منة كل الوان الخشب سندياني +مهوجني وغيرة المهم شكلة حلو وانا حاطتة بالصالة يم طاولة الطعام وحاطة فوقة شموع ومزهرية والحلو فية انه يكفي ل....

اذكري ربج لا تتخرعين 80 جوتي واكثر بعد لانه ينفتح على مراحل اخذية وعليج بالعافية

 

[♥ąϻᴑŁ♥]

حبيبتي ..

انا اخذت كبت من ايكيـــا ارفف . . .

وطبعا علب الجواتي ما اقطهم واذاكنتي قاطتهم هم ايكيا عندهم علب

اشتري منهم ..

وكل جوتي ((يعزك الله )) صوريه وحطي صورة على العلبة وحطيهم بالكبت

انا جذي مسوية وحددددددددددي مرتــــاحه

شكل الكبت حيــل مرتب

 

[اخت الغالي الغائب]

مشكورين بنات على الردود اللي تبرد القلب