ابي فندق حق عيد زواجي

[@سنووايت@]

شلونكم
ابي مساعدتكم عيد زواجي قرب مع الانتخابات وابي اروح فندق يكون المنظر العام حلو والفندق والاكل وعندي تجارب بعض الفنادق بس ابي وجهت نظركم وتسلمون ماقصرتو وما ادري صح مكان الموضوع

 

[عبالي حبيبي]

شوفي نصيحه اناكنت ادور حق رفيجتي

ولقيت فندق عجيب يسولوج كل شي ويزينون الغرفه ولج ولريلج مساج

وجاكوزي وعشى وفطور وبالونات وشمبانيا من دون كحول وووووو اشياء وايد

وسويت بحث لين تعبت ولقيته الافضل

اسمه فندق النخيل يهبل حيل

هذارابطهم ودشي وشوفي

http://www.kuwait-hotels.org/2011/%D9%81%D9%86%D8%AF%D9%82-%D8%A7%D9%84%D9%86%D8%AE%D9%8A%D9%84-%D8%A7%D9%84%D9%83%D9%88%D9%8A%D8%AA/

اتمنى اكون افدتج

 

[@سنووايت@]

حياتي مشكوره بس مو مغموت ولاني حامل ومنحكره بالبيت فابي شي يرفه عني من شرط اطلع من الغرفه

 

[سموره 87]

ريجنسي
ميسوني

 

[FJ style]

فنادقنا تضيق الخلق
بس اذا الميزانية راهيه روحي ميسوني

انا جربت المارينا بالطابق الارضي اللي بلكونته تبطلينها وتطلعين عالبحر

 

[عبق البنفسج]

ميسووووووووني أحلى وأشرح فندق

 

[الأميرة جوري]

لرفع

 

[قطوة@@]

فندق المؤتمرات فيه مسبح بالغرفة و حسب المناسبة ويضبطونها لج

 

[BaTTy]

النخيل انا صراحة شوي انقمت من غرفهم برة وناسه بس بالغرفة انا ما حبيتها
جربي كوستا ديل سول اخذي كوستا سويت و اخذي الي يطلون عالبحر
و في جاكوزي بالغرفة و الدرايش كبار على كبر الطوفة فا شرح وايد و عندهم مطعم بالدور الاخير اعتقد سي فوود اذا تحبون لذيذ بوفيه و بس الله يخليكم حق بعض و يسهل عليج

 

[Maybe_87]

حبوبة شوفي موضوعي عن فندق ميسوني
إن شاء الله يعجبج

http://www.q8yat.com/t1009632.html

 

[مهندسة الابيات]

والله نصيحة روحي الريجنسي خصوصا انج حابة تغيرين جوووو جد روووووووووعة
واتنمى اني فدتج يالغلاا

 

[ạ7ạśêś ~]

سمعي ي قلبي توني قبل شوي .,
متصله على فندق المنشر كنت ابي احجز قال لي في عرض حق ( عيد زواج)
لي اهو( غرفه+ صاله +مطبخ+حمام + ريوق+عشى+تزين غرفه+ كيكه) بـ 145
وشكلي بااخذ هل العرض

 

[((غلاي))]

روحي هيلتون المنقف وناسه و تمشي
او المنشر تحته سوق ووناسه


الله يهنيكم يارب

 

[ماركة انثى‘]

فندوق آلنخيل رووووووعة

 

[نونو نونوه]

السلام عليكم انا باجر عيد زواجي بس مادري اي فندق لان مفاجاه من زوجي

النخيل قمته صج وصغير وايد صوب واجهة البحر مادري ماعجبني

المرينا حلو واحنا كلا ناخذ الغرف الارضيه اللي فيها بلكونه وناسه وشراحه وباليل تمشي على البحر وتقدرون تتمشون لين المرينا تتسوقون وكفيهات على البحر وناسه

ويعجبني الموفنبك اللي على البحر لان كان فيه عرسي فوناسه تحسين صج فيه صخب شويه بس وناسه المكان فيه روح وهم البحر مالهم عجيب حق التمشي وبالخلف طبعا الكفيهات والمطاعم


وفندق بعد عجبني اممم فندق المنشر حلو وانصحج تاخذين العرض اللي قالت عنه الاخت والمنشر احبه لان الفندق موقعه جلو احس جني رايحه رحله صج وناسه والفندق فيه محلات حق التسوق غير مجمع الكوت يمج بعد وغير قعداته ومطاعنه تونس

وبس انشالله افتج

 

[قـہۈه فـرنسيـہ™]

الهيلتوون أو المنشر ...

أنا عجبني الهيلتون أكثر ... رااايق ...وخصوصا الغرف اللي ع البحر روووووووووووووعه خصوصا وقت الفجر ..لما تبطلين الدرايش والدراايش كبااار كبر الطوفه ههههه تحسين صج انج مسافره ...


المنشر حلوو بس مافيه مطل ....
بس اذا بتاخذين فيه اخذي الأدوار اللي فوق كلش منظر بانورامي بالليل

بس كــ غرف الهيلتون سريرهم أريح

 

[ترف بابا]

الهلتون وراح تدعين لي ...