ابي فواصل حق الكتب بس ما ادري من وييين ؟؟؟؟

[rainbow_brite]

شلونكم يا حلوين



بنات ما ادري اذا عرفتو طلبي من العنوان والا لأ



ابي فواصل اللي احطهم مكان الصفحه اللي وصلت لها بس ابيهم اشكال حلوه ما تعرفون من وين


ما ادري اذا اسمهم فواصل والا شنو ههههه




انا احط ورقه او بطاقه وساعات كلنكس ساعات ههه



بس انا ابي يكون مخصص حق الكتب وتكون من ورق مقوى مثل البطاقات




يالله يا حلوين واللي ما تعرف ترفعلي الموضوع



مثلا مثل هالصور

 

[mr000]

حبيبتي آنا شفتهم بمركز سلطان اللي بسلوى فوق أشكالهم حلوه يعني على راس دب أو قطو..وأشكال ثانيه..وأكيد تحصلين في مكتبة جرير او فيرجن بالمارينا مول..

 

[قهوة برية]

مركز سلطان وبعض المكتبات
وعند جرير بس ترى مو نفس الي
حاطتهم فوق لأ عادي

 

[راعية الطويلة]

عندج مكتبة جمعية قرطبة

 

[~ miss NERD ~]

انا اسوي لي فواصل بروحي =)
بس اشوا مريت على موضوعج لاني كنت قاعده ادورهم

 

[LA TROO7]

عند مركز سلطان وفيرجن تهبل اشكالهم

 

[أم روعة]

انا ماخذتهم من مكتبة جرير

 

[LuLiTa]

بالمركز العلمي تلقين ,,جنهم سوفنييرز ,,,, و انا اسوي فواصلي مرااات اذا لقيت صوورة عاجبتني اضبطها و اطبعها و اوديها المكتبة يغلفوونها و عقب اقظها من فوووق و احط فيه خيييط ,,,

 

[عيون منوعه]

انا ادورهم و كنت ابي انزل موضوع بس زين شفت موضوعج و شاكره البنات الي ردو عليج

 

[rainbow_brite]

مشكوووووووووورين وما قصرتو




وحلوه فكرة اني اسويهم بروحي بس بروح افتر واخذلي حق كتبي وعلى اشكال غريبه




بس بصراحه ضروري ساعات اقرا روايه او كتاب واوصل عند رقم صفحه معين واحفظه بعدها لم ارد عادي اكون ناسيته لووووووول واقعد اقلب واضيع وقت يبيلي جم وحده لان نوعي ما امسك كتاب واخلصه بعدين ابلش بغيره




لا عادي اتنقل بين الكتب




ارد اشكرهم



ثانكيو

 

[فرقى ولايف ..]

أنا آخذهـم من جرير ، حلوين بس مو نفس الشكل اللي حطيتيه أشكالهم أبسط بواجد ..

 

[سمرة كويتية]

الحمد لله اني شفت موضوعج لأني قبل كنت احط كروت من ايكيا .. بس بصراحة الفواصل اللي حاطتهم بالصور وايد راقيين وبالذات اللي على شكل كرسي وايد عجبتني ..



شكرا لج يا قلبي

 

[Artist Q8]

حلووووين الي حاطتهم

انا عندي واحد عطوني اياه ماكدونالدز قبل جم سنه ومحتفظه فيه

بس خوش شي بروح اشتريلي فواصل من المكتبات شكلهم زقرت

 

[أميرة الحزن:)]

بمكتبة جرير

 

[ام عفاف الكويت]

انا ماخذه من جرير
ومره وزعوا علينا على ادعيه وايد حلو

 

[MeMe]

بالمكتبات

 

[جوري الزبير]

حبيبتي انا اسويهم بنفسي في ستكرات على شكل ورق مقوى وايد حلو وتكون داخلها مربع وله دائره ساده انا اكتب فيها اما الحمد لله 00 وله استغفر الله وله اي ذكر واخذ الريبان(الشريط) الضعيف واثقب الكرت واعلقها في وبتصير وايد حلوه واسمها من شغل ايدج 00 ودي احط الصور بس الله يهدي زوجي يسنعلي الجهاز هههههه

 

[شـ ShOoNa ـونـا]

مشــكوووره على موضوووعج قــلبو حتـى انا استـفـدت ..

تــدرين انا شـنو اسـوي .. احط تــذاكر الســينمــا كـفواااصـل كخخخخخ .
اليـوم بـروح مـركز سـلطــان افـرفر و اخـذلي جم وحده .

 

[أغلى منهم كلهم]

بمركز سلطان والي بمكتبة جرير
مثل هذي الصوره تقريبا

[/url][/IMG]

وكان ودي اوريج فواصلي بس ياختج عليميه :O_SHH_:ماعرفت انزلهم على اللاب توب

 

[rainbow_brite]

مشكورين خواتي على الافكار الحلوه ويبيلي اسوي بنفسي هم فكره ولو اني افضل الجاهز اللي بفيرجن ما عجبوني لان عليهم صور نجوم اجانب وانا ما افضل جذي بس اللي بجرير خذيتهم والله حلوين ونفس الصور اللي حاطتهم تقريبا



انا ترا ساعات احط الزايد من ورق الجدران او بطاقات بس هذول اللي فيهم حبل احلى وارتب


مشكورين مره ثانيه خواتي