ابي قهوة روعة حق حفلة

[مجوهرات]

السلام عليكم و صباح الخير

عندنا حفلة و نبي نسوي قهوة تكون وايد حلوة
ابي الي ما يشرب قهوة يشربها

فاي قهوة تنصحوني و من وين ؟
اي محل يبيع قهوة حلوة ؟
القهوة الشقرا او البنية احلى؟
و اذا في خلطات تسوونها بالبيت تخلي طعم القهوة احلى بدل الي نشتريه من محلا التمر بشويخ او الجمعية

فيدوني جزاكم الله خير

 

[ام الدرر]

القهوة ياعمري تختارين نوع زين
احنا ناخذ من الحويس بالشويخ
واخذيها مو مطحونه
لابغيتي تسوين طحني كثر استعمالج
وفوحيها قهوة وماي بس بدون اي شي
وعقب بالمطارة حطي الهيل (نفس الشي من الحوبس ومو مطحون)تطحنينه فرش
مع الهيل شوية ززعفران وحبتين مسمار عدل
خلي القهوة على نار هادية اقل شي ربع ساعة واذا نقص الماي زيديه
وآخر شي حطي كوفي ميت شوية وزلي القهوة بالمطارة وخليها تخدر لا تقهوين ضيوفج على طول عشان طعم الهيل
وذوقي القهوة الاصليه​

 

[bnt_kwt]

ام الدرر طريقتج مثل طريقتنا

 

[مجوهرات]

حبيبتي ام الدرر مشكورة على الطرقة

و انا مااحب المسمار في القهوة احس طعمه قوي

 

[مهاوي2009]

رييييييييييحه القهواا فاحت ام الدررر اممممممممم عجيبه انا بعد نفسج ومرات اذا ماكوو كفي ميت احط كرنيشن بس اذا سكرت عن القهوا النار وخليتها تهدا اشوي اصب الحليب اشوي اشوي واطالعهاا تغير لونها صارت شقراا بعدين احط بالمطاره الهيل والزعفران واصب القهوااا وانصحكم بقهوة زهرة حلوووووووة