ابي كريم اساس يومي وحلو وتغطيته بيرفكت لوني صعب القاه هيلب مي

[سعوديه مزّا]

السلام عليكم

ابي كريم اساس يومي وحلو وتغطيته بيرفكت .ومايكون غالي مره .. بس انا لوني صعب

بيضا مصوفره يعني ماينفع اخذ وردي اطلع مغبره .. ولاينفع الاصفر يطلعني صفرا زياده ساعدوني وش الحل بشرتي مختلطه اماكن جافه واماكن دهنيه ..


وابغى افضل مسكرا ماتطيح الرموش وماتصير يابسه ع الرموش جربت ميبلين الصفرا حلوه مره بس تنشف الرموش بشكل وتطيحها بعد

ابي شي تطوويل وتكثييييف مو بس تطويل .. وتكون من برجوا او ماكس فاكتر او مايبلين او ريميل او ريفلون يعني من هالماركات اللي مو غاليه مره


وجزاها الف خير اللي بتساعدني :eh_s(17):

 

[! هُوْ وِينِه !]

مآكس فآكتر
خوآتي يستخدمونه
بس أنآ صرآحة مآ أستخدم إلآ olay

 

[ام ميميتو]

حبيبتي ما عندي فكره بس ما حبيت ادش وما ارد عليج انشاءالله البنات افيدونج

 

[وهج السعودية]

فيه كريم (( بوندس)) اللي مكتوب عليه لتجديد البشرة ..
مرطب ويعطيك لون حلو وطبيعي ونضارة وسعره تقريبا 45 ريال .. هذي صورته

 

[سعوديه مزّا]

شكرا حبايبي ( l )

شرايكم بهيلثي مكس من برجوا ؟

 

[مسك وورد]

 

[مراوي22]

بقولج على إلي جربتهم

إستي لودر دبل وير ثقيل وكلش ماعجبني

ماك فاشل مغبر وجنه طين عالويه

ميك أب فور إيفر مات فلفت أممم مادري مب لي هناك بعد يغبر

ماكس فاكتر كل الانواع إلي نزلت جربتها وماعجبتني ماعدا واحد بحط لج صورته تحت

بوبي براون إلي حق البشره المختلطه إينن ودي آكله بس فيه عيب واحد وايد خفيف تغطيته كلش خفيفه يعني يبيله بشره صافيه أتكلم عن السائل خذيت إلي حق البشره الدهنيه إلي إيي في علبه يستخدم بأسفنجه حده فاشل نفس ماك بالضبط طينه عالويه

ريفلون كلر ستي ويييييييييييع صبغ طيريه بتيزاب ولا بيروح بعد والثاني فوتو فنش حلو مب واو بس حلو

إلي إستفدته عقب ماشريت من كل ماركات العالم وصفيتهم زينه عالطاوله إنه لما تاخذين كريم أساس حق البشره الدهنيه يغبر عالويه لأنه تركيبته تمتص الدهون من جذي يقلب عالويه يصير بودره وهاي إلي ماحبه أكره شي عندي ويه مغبر من جذي قمت آخذ الكريمات الي حق البشره المختلطه آنه نفسج بس التي زون يدهن عندي وباقي الاماكن جافه وقمت أستخدم حاليا 3 كريمات

-بوبي براون
-ماكس فاكتر
-ريفلون فوتو فنش

وبعدين أطب طب عليه بالبودره مو على كامل الويه لا على منطقة التي زون وعشان مايغبر الويه بقولج طريقه وايد فادتني إحنه قبل كنه من نجوف الويه دهن سيده فوقه نحط البودره طبقه إثنين ثلاث وتعالي جوفي الويه آخر اليوم المفروض إنه نستخدم الاوراق إلي تسحب الدهون تنباع كل مكان تشيلين فيها الدهون بعدين تطبطبين بالبودره شي بسيط

الحين بدور لج الصور وبحطها في رد ثاني

 

[قاهره عذالي]

شوفي كريم اساس من ريميل لاستنغ فينيش
بس شوفي درجة اللون اللي افتح من لونج الطبيعي بدرجه

http://www.alhaya.co.il/news.aspx?cid=209&aid=14359


وعندج هالكريم الجديد من ريميل بس ما جربته

ريميل تطرح كريم أساس جديد من النباتات
6/3/2011 5:15:50 PM
طرحت دار ريميل للتجميل كريم أساس جديد يطلق عليه " STAY MATTE"، وهو عبارة عن صيغة محدثة تشمل أول مركب طبيعي لها يضمن الحصول على مظهر متألق. ويضم هذا المركب ثلاث نباتات : خيار +بابونج + قطن

القطن للمساعدة في مراقبة الدهون أو الشحوم الزائدة، البابونج للمساعدة في تهدئة الجلد والحد من الاحمرار، والخيار لما يحظى به من خصائص تتعلق بتهدئة وإمتصاص الدهون الزائدة. ويتوافر هذا الكريم في 6 ظلال لونية، بينهما ظلان فاتحان يقتصر بيعهما في الشرق الأوسط.

 

[مراوي22]

هاي ماكس فاكتر وايد أحبه



بعد أحبه بس تغطيته أقل من ماكس فاكتر



أحب أستخدمه الصبح فيه نسبة حمايه 20 SPF

 

[قطرة من سحاب]

بما ان البنات فادوج بالاساس

انا بأفيدج بالماسكرا اللي جربتها

جربت انوااااااااااع وااااااااااااااااااااااااااايد

بس احسن شي عجبني من ماكس فاكتور

هذي

تجنن خيااااااااااااااليه بس للأسف آخر مره مالقيتها ويقول صاحب المحل انها قديمه وماصارت تنباع
اد اعطاني وحده ثانيه يقول انها نفسها بس مدري احس القديمه احسن بس حتى الجديده حلوة
وهذي صورتها

واختي تمووووووووووت على ماسكرا لانكوم تقول تخلي الرموش كنها تركيبه

وخبيرة التجميل ام علي اللي معانا بالمنتدى امدحت مسكرة كلينك الذهبيه حيييييييييييييل

 

[Bashful]

انا عن نفسي استخدم كلارنس وااايد حلووو وطبيعي وما يدهن وبشرتي دهنيه
http://int.clarins.com/truly-matte-foundation-spf15/C050101001/

 

[AVE.NJ]

من كثر ماتمدحون بوبي براون ودي اجربه
ومشكورين على الافادة

 

[وشلون مااغليك]

انا جربت ماكس فاكتر حق الاستخدام اليومي طبيعي وحلوو

 

[!.كيـ’ـان.!]

انا استخدم كريم ومسكرا ماكس فاكتر ومرا خطير ..

 

[نور النـور]

كانيبو واااااااااااااااااااااااااااااااااااايد حلو

 

[krkooora]

انصحج بهالفاونديشن من ريفلون يهبل و مو بس انا امدحه دشي يوتيوب و شوفي دروس عليه يعطي الويه لمعه راقيه اهوا مو مات 100% و استخدمي قبل لا تحطينه بس للبشره الدهنيه و كثري البودره السايبه على اماكن الللي ادهن ابويهج
و المسكارا هذي من برجوا اتيييننن شوي عليها

 

[law love]

المسكرا ريفلون الحمرا
احلى مسكرا جربتها

 

[مناته]

اقترح تستخدمين بيس للمنطقه الدهنيه
وعقب حطي الاساس
ماك عندهم بيس

 

[عزتي في عفتي]

نينا رتشي طبي حيل اخلطه مع شوي من شانيل

 

[((shoOoshoOo))]

كريم ماكس فاكتر اليديد حده حلو