ابي كل وحدة تدخل تكتب شنو سوت لها الكويت ديرتها الحبيبة

[om yousefany]

السلام عليكم

اشلونكم بنات انا حاسة هالايام انه الكل يبي يسولف ويتكلم ويقول لاتظرون هالديرة حبيت من الكل اللي يدخل يكتب عن ديرتة حبيبة بس بشرط نترك الاعضاء والحكومة انا ابي الكويت اشكثر حبينها ونحبها وشنو سوت لنا واشلون عيشتنا وشنو احنا عطيناها والله وربي ماانكر حقج حتى اليتيم اتكفلت في وخلتة يعيش احلى عيشة بنات ابيكم كلك تكتبون عنها

 

[منوووووله]

الكويت ديرتنا الحبيبه الي مالنا غناة عنهاا لوسافرناا نتمنى انردلها باسرع وقت من كثر شوقناا لها

ديرتنا عطتنا تعليم مجاني وعلاج مجاني وعطة المرأه حقوقها وانصفتهاا وعطتنا الديموقراطيه وحرية الرأي الشخصي

ويكفي انهاا عروس الخليج

 

[اخت خالتهم]

رد : ابي كل وحدة تدخل تكتب شنو سوت لها الكويت ديرتها الحبيبة

ديرتنا الغـااالية الكويت

درست بمدارس قريبه يم بيتي
ولما انتقل لبيت ثاني ينقلوني لمدرسة اقرب لبيتي

في المنطقة الوحده اكثر من مدرسة
المستوصف قريب دقيقتين اوصله
غير الجمعية الكبيره في مليون فرع بين البيوت

الجامعه اللي دخلتها يديده ونظيفة حتى المباني القديمه رمموها
وكله بلااااااش منو مثل الكويت

الادوية ابلااش

غير ال100 دينار كل شهر لكل طالب مع ان اهلنا يصرفون علينا ومو مقصرين ويمكن تقعد الامية في البنك و ننساها

ألبس على كيفي
يحترموووني

حرية التعبير
علمتنا الكويت ان نحترم الاراء
نحب الضعيف حتى لو غلط علينا لان يبقى ضعيف ومحتاج المساعده

ما ننطر الشكر من احد و نقدم عطايا بالجهر والعلن

علمتنا الدين الاسلامي الصح في كتبنا

سفرت عيايلنا برا يدرسون على حساب الحكومه

معاشاتنا منو مثلها اللي بدايتها للجامعي 700 و فوق

شجعتني احفظ جزء من القرآن

شجعتني الكويت اني اشترك بمسابقات تلاوة

علمتني الكويت ان ماكو فرق بين سنه وشيعه وعايشين مع بعض

علمتنا الكويت ان الاسره الحاكمه قبل لا يكونون شيوخنا اهم ربعنا ومعانا على طول
نعرفهم و يعرفونا ويذكرونا

عطتني الكويت منحه 200 دينار بين فتره وفتره

عطتني كهربا و ماي

عطتني بيت كبييير على قولة الامريكان قصوووووور

مع ان احنا طبقتنا وسط لا غنايا و لا كلش يعني حسابنا في البنك يبنيلنا بيت واحد

حافظت على اجيالنا وحطت فحص للزواج

باختصاااار دلعتناااااااااا

شوفي كل بيت

بيوت كبيره
جم طابق
شوفي السيارات
شوفي حتى السايق حقه سيارة خاصة بروحه


الله يعز الكويت دلعتنااااا و دللتنا

منو مثل الكويـت ؟؟

 

[::كيك وعسل::]

رد : ابي كل وحدة تدخل تكتب شنو سوت لها الكويت ديرتها الحبيبة

مثل ماقالت منوووووله واخت خالتهم
وكافي محبتنا واحترامنا لبعض بدو حظر سنه شيعه
من مثل الكويت ياناس ماكو مثلها تعطي القاصي وداني خيرها مغطينه وزايد بعد
عسى الله يحميها من كل شر
والله يألف بين قلوب الكويتين يااارب

 

[Air Bag]

رد : ابي كل وحدة تدخل تكتب شنو سوت لها الكويت ديرتها الحبيبة

لو نبي نقول شنو عطتنا الكويت ....لساني يبي يتعب
بس بقول أن الكويت ما خلتنا نتغرب عشان نلاقي لقمة ناكلها
ولا خلتنا لي بطلنا حلوجنا ننطق بأمن الدولة طق الحمير عزكم الله
ولا خذت من عندنا ضرايب على كل فلس يدش حساباتنا
ولا خلتنا نحاتي البيوت و وين راح نسكن
شوفوا باجي الدول العربية و قارنوها بلكويت وقولوا الحمدلله أن إحنا كويتيين
كافي شيوخنا فديتهم إلي لو نلف الدنيا كلها ما نلاقي مثلهم
الله يديمها من نعمة ويحفضها من الزوال
في ديرة لي تطلقت بنت من بناتهم يقعدونها معززة مكرمة بلبيت و يعطونها 480دينار كل شهر

 

[MzMzq8]

رد : ابي كل وحدة تدخل تكتب شنو سوت لها الكويت ديرتها الحبيبة

احنا شنو من غير الكويت


حب الوطن ماله علاقه بالماديات وشنو قدمت

بلادي وإن جارت علي عزيزة


وشلون عاد الكويت حبيبتنا؟

 

[مرت راعي التاكسي]

يكفينا شرف ان احنا كويتيين لو نموت جوع الله لا يقولة

من انولدنا لين نموت وكلة من فضل الله وخيرة و الكويت

الله يحفظ الكويت واهلها

 

[$حبيبة عبودي$]

رد : ابي كل وحدة تدخل تكتب شنو سوت لها الكويت ديرتها الحبيبة

الكويت ماكو مثلها كافي اني يتيمه واهي اهتمت فيني ..

 

[om yousefany]

اتمنى القى اكثر ردود هذي الكويت

 

[+بسبوسة+]

شنو قدمت لي الكويت؟؟؟

ما اقدر اعبر...


يمكن لو كان السؤال شلي ماقدمتله لج الكويت كنت اقدر اجاوب

واقول كلشي قدمت

والحمدالله

 

[اخت خالتهم]

رد : ابي كل وحدة تدخل تكتب شنو سوت لها الكويت ديرتها الحبيبة

اب
اب

 

[om yousefany]

عاشت الكويت

 

[مربى و قيمر]

رد : ابي كل وحدة تدخل تكتب شنو سوت لها الكويت ديرتها الحبيبة

كل شئ عطتناه
اولا الامن والامان الصحه التعليم الوظيفه يكفى انا عايشيين احسن عيشه واشياء واجد
عسى الله يحفظها لنا

 

[> Miss M6ereiah <]

رد : ابي كل وحدة تدخل تكتب شنو سوت لها الكويت ديرتها الحبيبة

منهو مثل الكويت
قولي شنو اللي ماقدمت
فديت ديرتي عزتنا ودللتنا والله لو نلف مانلقى مثلها ومانبدلها بكنوز الدنيا
واب اب اب لعيون الكويت

 

[اسمي بين الاسامي]

الله يخلي لنا ديرتنا ومهما صارت من فتن تظل الكويت فوق الكل

كل شخص يحب ديرته ياام يوسفني مهما سيطرت عليه الفتن والظلم حب الوطن غريزه

 

[اخت خالتهم]

رد : ابي كل وحدة تدخل تكتب شنو سوت لها الكويت ديرتها الحبيبة

امين يا كريم

 

[! هُوْ وِينِه !]

كل شئ سوته لي آلله يحفضهآ لنآ يآرب من كل شر
وهيآ كويتيآ :q8:

 

[*يارا*]

يقول المصطفى صلى الله عليه وسلم في الحديث الصحيح:
{من أصبح آمناً في سربه، معافىً في جسده، عنده قوت يومه، فكأنما حيزت له الدنيا بحذافيرها }
رواه الترمذي و ابن ماجة و البخاري في الأدب المفرد .

والحمدلله في الكويت متوفره لنا كل هذي النعم يعني إحنا نملك الدنيا وإن شاء الله الله يقدرنا على طاعته

وكافي أني فخورة إني كويتيه

لو بكتب شنو عطتني الكويت وعطت غيري ما أخلص

ياريت الكل يشوف الكويت باجابياتها ويغض النظر عن سلبياتها المحدوده وإلي سببها الرئيسي إحنا مو الكويت

الله يحفظها ويتمم علينا الأمن إن شاء الله

 

[نور مغليها]

رد : ابي كل وحدة تدخل تكتب شنو سوت لها الكويت ديرتها الحبيبة

أحس الموضوع مآلهـ دآعي ( لان مهمـآآ تكلمنـآ وقلنـآآ <<< إشـــووووي بحق الكويت ...
مهمـآ كانت الكلمهـ كبيــــرهـ بتظــل صغيــره على دولتنــآآآ

 

[PinkY Dreams]

ودتنا بعثه انا وريلي ندرس بأمريكا