ابي مدرسه خاضه انجليزيه او امريكيه مافيها اختلاط؟

[نطوووعه]

شلونكم بنااات


طلبي واضح بالعنوان ياريت تذكرولي اسامي هالمدارس

و ايهو احسنها؟ انا احس اني الابداع احسن المدارس الغير مختلطة شرايكم؟؟ مع اني سمعت ان مستواها للصبيان مو شي شرايكم بهاالكلام؟


وعندكم فكره ليلحين يصير اسجل والا خلص التسجيل؟

 

[mr000]

حبيبتي أذا أنتي بنت عندج الانجليزيه للبنات والأمريكيه للبنات وثنتينهم بسلوى... وأذا ولد فيه روض الصالحين بس مايمدحونها.. وعندج الرؤيه والأبداع.. واللي أعرفه أن الإبداع أحسن بالتأسيس والمستوى..بس مادري بالنسبه حق الصبيان أذا في مشكله بالتأسيس .ان شاءالله البنات مايقصرون ويفيدونج وتقدرين تسألين عن مستواها في تجمع أكاديمية الأبداع..

 

[نطوووعه]

مشكووره حبيبتي

عاد كنت ادور هلتجمع بس مالقيته بدور مره 2


ماقصرتيي

 

[كوكو لاتي]

التكامل العالميه بعد الابتدائي البنات بروح والاولاد بروح وخووووش مدرسه ولدي فيها

التسجيل بالمدارس الخاصه شهر 3

 

[المحامية لطوفة]

الاكاديمية الامريكية للبنات بسلوى
التسجيل بدى الحين وينتهى شهر3

 

[mr000]

ما أنصحج بالتكامل ولدي كان فيها لي المتوسط وطلعته...صج شفت الفرق كبير لما وديته مدرسه ثانيه بس حسافه خليته فيها لي المتوسط..

 

[طيبة الكويتية]

الابداع العلمي يبدي تسجيلهم ان شاءالله تاريخ 14 من فبراير.
لأني رحت لهم الاسبوع اللي طاف و ماكو المدرسه كل شي فيها مسكر بس حصلت المحاسب و قالي يبدون تاريخ 14 ان شاءالله.

الله يوفقكم يارب

 

[طيبة الكويتية]

الابداع العلمي يبدون تسجيل ان شاءالله الاسبوع الياي يعني تاريخ 14 فبراير ان شاءالله.
رحت لهم قبل اسبوع علشان كنت ابي اسجل عيالي بس كانت المدرسه خرمس ماكو احد الا المحاسبه و قالي عن التاريخ هذا.

 

[مدرسة مكروفة]

عندج مدرسة الحياة الي مأسسها الدكتور ابراهيم الخليفي ممتازة بكل المقاييس آن ولدي فيها الحين تأسيسها جدا قوي .
مكانها بالسالمية خلف الجامعة الأمريكية

 

[mamanoonaa]

الابداع
الرؤيه
الامريكيه الي بخيطان تفصل من خامس
التكامل تفصل بعد من خامس او سادس
الانجليزيه للبنات
الامريكيه للبنات
وعادي يمديج اتروحين اتقدمين طلب

 

[اثمان]

الابداع العلمي يبدون تسجيل ان شاءالله الاسبوع الياي يعني تاريخ 14 فبراير ان شاءالله.
رحت لهم قبل اسبوع علشان كنت ابي اسجل عيالي بس كانت المدرسه خرمس ماكو احد الا المحاسبه و قالي عن التاريخ هذا.

شنو نظامهم؟؟ووين صايره؟

 

[أ.س.م.ا.ء]

التكامل العالميه بعد الابتدائي البنات بروح والاولاد بروح وخووووش مدرسه ولدي فيها

التسجيل بالمدارس الخاصه شهر 3

عندج مدرسة الحياة الي مأسسها الدكتور ابراهيم الخليفي ممتازة بكل المقاييس آن ولدي فيها الحين تأسيسها جدا قوي .
مكانها بالسالمية خلف الجامعة الأمريكية

شلون طريقة الفصل ... بس بالصفوف ولا مبنى للبنات ومبنى للاولاد

 

[طيبة الكويتية]

شنو نظامهم؟؟ووين صايره؟

بالنسبة لنظامهم ما اعرفه والله لأنه عيالي مدرستهم بالامارات و بننتقل الكويت السنه اليايه ان شاءالله و على مدح مرت اخوي لأنه اعيالهم فيها.
كل اللي اعرفه عنها انه نظامها امريكي و الفصل اعتقد بين البنات و الصبيان من رابع يمكن.
و مكانها الليه يسلمج لما تكونين على الدائري الرابع طالعه من اشارة كناري راده الديره, تلقينها على يمينج و لون المبنى مالها ازرق