ابي مساعدة احلى كويتيات على وجه السرعه

[jeeta ..]

السلام عليكم ورحمة الله وبركاته ...

:68_asmilies-com:

بنات بليز اللي عندها اي معلومه لا تبخل بالرد علي ..:eh_s(1):


انا انشاالله يوم الاربعا يعني بعد يومين بسافر مع ريلي ماليزيا 13 يوم وبنقعد بلنجاوي 4 ايام وكوالالامبور 7 ايام


شنو الاماكن اللي تنصحوني اروحها ؟؟؟_03BA:

وشنو الاسواق او المجمعات اللي احصل فيها صوغات وكل شي احتاجه موجود ؟؟_03BA:

 

[كويتيه ذربه]

اهم شي روحي جنتنج بس اخذي فندق فيه وقعدي يومين هي منطقة مرتفعة تصعدينها بالتلفريك وتكونين مع مستوى الغيم تقعدين بالفندق يومين وتاخذين تذكرة مفتوحة فيها 3 ملاهي العاب داخلية وخارجية رووووووعه والجو بارد فيها لانها مرتفعه وفيها محلات
وبكوالالمبورعندج البرجين التوين تاور فيها مجمع سوريا اوklcc ومجمع التايم سكوير ومنطقة سان واي لاجون كلها بحر والعاب مائية وبيننغ بعد فيها سوق بس لنغاوي ماعجبتني اهم شي جنتنج روعه

 

[حـلا و ذوق]

لنجاوي انا مارحت لها ..

كوالا لمبور .. حلوة .. فيها مجمع راقي وكله ماركات على شارع العرب اسمه البافليون ويعتبر غالي بس السينما مالته حلوة
هم مجمع سوريا مايعتبر رخيص وايد ..

اذا تبين حق صوايغ عندج مجمع اسمه بي بي على شارع العرب مقابل فندق الملينوم تقريبا ..

وهم عندج مجمع تايم سكوير يصير ورى شارع العرب يعني عقب مجمع بي بي في لفة يسار تروحينها وتمشين لين توصلين للشارع وتلفين يمين تلقينه .. عموما ركبوا اي تاكسي خله يوديكم بس علشان تدلونه بس هو قريب ..


لا تفويتن الصن وي لاقون .. اهي تعتبر بكوالالمبور .. بس انا سكنت فيها ليله وتحسفت ياليتني اقل شي ليلتين او ثلاث ..
بس يصير تسكنين بكوالالمبور وتروحين لها كل يوم وترجعين لان مسافة 20 دقيقة من شارع العرب ..
مجمعهم وااااااايد حلوووووو ورخيص وانا مالحقت الا على اخر ساعه قبل لايصكون مادريت عنه لاني لهيت طول اليوم بحمامات السباحة والألعاب .. لاتفوتينهم وناااسة ترى في العاب برا الماي بعد


وهم رحت منطقة جنتج وهي منطقة مرتفعه تقريبا ساعتين من كوالا ..
اهي منطقة ألعاب لو تحبين تلعبين لان فيها ألعاب للكبار وللصغار ..

ورحلة موفقة

 

[jeeta ..]

ماعندي اسم ,,, :tek:

حلا وذووق ,,, :tek:

مشكوووووورييييييين يابعد قلبي والله على مروركم واااايد استفدت من معلوماتكم وسجلت كل شي _03BA:


واللي عندها اي معلووومه اضافيه ياريت ماتبخل علي :ggdw:

 

[مســـــافره]

روحي السوق الصيني عنده تقليد ماركات ما ماركات اذا تحبين جذي واهو رخيييص

روحي محل جناط ماركه بونيا حلوووو واسعاره معقوله ومناسبه موجود فمجمع البرجين اعتقد اسمه سيريال



هذا اللي اذكره لاني ييتها قبل 6 سنين فناسيه

وبالسلامه وسفره سعيده يارب

 

[jeeta ..]

مشكووووووووووره يابعد قلبي مسافره على مرورج


الله يسلمج انشاالله ,,


والفال لج تروحينها هالسنه ياااااااااااااااارب



هاااا بنات عندكم اي معلومه يديييييييييييييده ؟؟؟

بليييييييييز لاتبخلووووووووووونها علي ..

 

[حـلا و ذوق]

العفووو ولو ..


ايوة تذكرت شغله ..

عندهم السوق الصيني ... يعني تقولين لاي تاكسي chaina town وهو يوصلج ..

عموما اهو سوق ضيق وحررر وماعجبني كلش وبضاعته كله تقليد الماركات ..

بس انا ماشريت منه غير أبواك رجالية وأقلام وميداليات للسيارة .. بس ..

.

.

ترى لو بتروحين جنتج ياخطون عليج وايد لان مو اي تاكسي يروح لان المنطقة مرتفعه ..

بس احنا حصلنا سعر ولا بالاحلام كنا نتعامل مع تاكسي وايد طيب(( اسمه سيفا )) .. ودانا بسعر كلش ماتوقعناه .. وكان صج امين

لدرجة خلينا شناطنا واللاب توب بسيارته لما وصلنا جنتج وقلنا له نبي نركب التلفريك قال ركبوا وانا بلاقاكم عند نهاية المحطة وتقريبا خذ لنا نص ساعه على مانزلنا من التلفريك ويحليله كان ينطرنا عند الباب..

ولو حبيتي رقمه دزيلي ع الخاص,.

هم كان فيه تاكسي ثاني (( اسمه جون )) بالمشاوير داخل كوالا الى صن وي و السوق الصيني بعد كان سعره ارخص من الأول بشي بسيط
بس عيبه ان سيارته مو اوتوماتيك ولا يقدر يودينا جنتج وكان دمه خفيف وخبل شوي خخخخ هم لو حبيتي رقمه بدزه لج..

انتي قبل لا تدقين عليهم اصلا شوفي الاسعار لو وقفتي اي تاكسي شوفي بكم بيقول لج .. وشوفي هذول كم بيقولون لج ..

كنا ندق عليهم قبل بوقت او نتفق قبل بليله على ساعه معينه ونلاقيه من نقعد عند باب الفندق ..

 

[حـلا و ذوق]

هم قريب من مجمع سوريا .. هناك جنبه الاكواريم ( عالم ماتحت الماء ) يعني هو مثل العرض حق كائنات تعيش بالبحر

وفيه قروش ..

احنا اول مرة رحنا الساعه 8 بليل وكان يسكر 8 ونص بس اللي بالكاونتر قالت لنا احسن وقت تعالو بكرة ع الساعه 3 لان الغطاس 3 ونص بينزل يأكل القرش واحنا نشوووفه ..

بس عيبهم ممنوع التصوير ..

ويحليلها قالت لنا اذا عندكم بطاقة جامعه نخفضكم والتخفيض مو شوية بعد هههه
كل بطاقة تخفض بتذكرة وحدة .. يعني ماتخفض التذكرتين ببطاقة جامعه وحدة ..

.


.

في مطعم عندهم مدري بأي لفة يصير تقريبا على الشارع اللي قبال بيتزاهت .. اسمه خيمة الصحرااء عندهم برياني الدجاج لذيذ سألي وين مكانه ..

.

.

اذا تذكرت شي هم بقووول لج هههه

 

[jeeta ..]

حبيبتي حلا وذوق صج صج كلج ذوووق ..

آنا حاليا بماليزيا بكوالالامبور باقي يوم ونرجع الديره انشاالله صرت حددددددي خبره بماليزيا ورحت كل اللي قلتيلي عنه ..

وعلى طاري التكاسي تصدقين الظاهر فيهم طبع الترقيم والله كل مانركب تاكسي لازم يعطينا رقمه الكل بدون مبالغه


صرنا خببره باسعار التكاسي :9

اي وحده تبي اي استفسار بتروح ماليزيا خل تعطيني خبر وانا اكتبلها رحله كاااااااااااااامله بكل تفاصيلها

تحياتي لج حلا ياكل الحلا والذوق تسلمييييييييين يابعد قلبي

 

[haneen]

ماشاء الله .. الله يهنيكم يارب

شوقتوني بنات
..

ربي يسعدكم ..


جيتااااااا .. نصيحة من اخت دام بتروحين لنكاووي جربي واحد من هالفنادق ..

روووووووووووووووووووووووووووووعة ..


فنـــدق الفوووور سيزووون .. بس غالي شوي ..

والفندق الروعة وسعر حلووو بعد .. اسمة لنكااااوي لاجووون .. انصحج فية كروعة وسعر !!

حتى يكون فيه فلل بالماااي

وبعد فيه الفندق .. بلانجي بيتش .. قممممممممممممة مناظرة رووووعة ..


وان شاء الله اكون فدتج ..

موفقة ياعمري

 

[jeeta ..]

حبييييييييييييييييبتي حنين انا رحت لنكاوي 4 ايام وقعدت بلنكاوي لاجون صج صج صج رووووعه وخصوصا بليل

شي خيالي الجو والمكان حده حده رومااااانسي

قعدنا بالفيلا اللي داخل البحر رووعه ..


مشكوووووووووووووره يابعد قلبي انشاالله الله يسهل عليج ولادتج ويسعدج ويوفقج يااااااااارب

 

[برميت]

حبيبتي اول شي الحمدالله على سلامتج

اشلون جوهم الحين ..
انا بسافر شهر العسل 8/5 بروح ماليزيا و استراليا و حدي متوهقه ماادري اودي صيفي و لا شتوي
ياليتج تفيديني برحلتج و احلا الاماكن الي اقدر اروح لها
لاني بقعد بماليزيا بس 9 أيام فأبي احسن شي هناك
و مشكوره يا بعد قلبي